2 Samuwɛli 15:19 - ALLALA KUMƐ

¹⁹ Kɛlɛ-dan wonuna kun-tigi min tɔgɛ Itayi, a ya wo manyinika. A ko, “Nfenna ile ye tala ma fɛ? Sɛgi, i ni ta sigi mansa-kurɛ dafɛ bawo sundan le ile la, ado kɛlɛ-maburilɛ le ile la.

2 Samuwɛli 15:19 Iomraidhean Croise

2 Samuwɛli 15:20

I ma mɛ wɛ n fɛ fɔlɔn. Nde si sɔn kama wo rɔ, i ni to yilan-yilanna n fɛ, ado nde nyɛrɛ-nyɛrɛ ma n ta tinɛ lɔn? I bɔnsɔn minnu bi yan, wonu bi, i ni sɛgi anu na soe. Alamɛ Mari tora i fɛ ka ko-nyimɛ kɛ i ye.”

2 Samuwɛli 18:2

A ya wonu fanan tafara mɔgɔ sawa la. A ya Yohabu sigi kurun kelen kun na. A ya Yohabu dɔgɔ Abisayi fanan sigi kurun kelen kun na. Wo kɔma, Itayi min bɔnɛ Kati soe burɔ, a ya wo fanan sigi kurun kelen kun na. A ban wonu mala, ale mansɛ ya a fɔ anu ye ko, “Nde nyɛrɛ-nyɛrɛ ye tala le wo fɛ.”

Ruti 1:15

Neyomi ya a fɔ ale Ruti ye ko, “I bɔ wo ara sɛgi ka ta ala mɔgɛnu bara anubɛ Mohabu kɛnuta bɛsi-kɔ-tinɛ. Ile fanan ni sɛgi a fɛ ka ta ila mɔgɛnu bara.”