2 Samuwɛli 15:18 - ALLALA KUMƐ

¹⁸ Ala mɔgɔ-banu sɔra a dafɛ nyɔ. A makandannɛnu tara a yarɔ. A nara Filisiti kɛlɛ-dan mɔgɔ kɛmɛ wɔrɛ (600) minnu na ka bɔ Kati soe burɔ, a ya wonu fanan sɔ a yarɔ.

2 Samuwɛli 15:18 Iomraidhean Croise

2 Samuwɛli 15:17

Ale mansɛ anubɛ ala mɔgɔ-banu ya soe boloka tumɛ min, anu tara sɔ bon-naban dafɛ.

2 Samuwɛli 18:2

A ya wonu fanan tafara mɔgɔ sawa la. A ya Yohabu sigi kurun kelen kun na. A ya Yohabu dɔgɔ Abisayi fanan sigi kurun kelen kun na. Wo kɔma, Itayi min bɔnɛ Kati soe burɔ, a ya wo fanan sigi kurun kelen kun na. A ban wonu mala, ale mansɛ ya a fɔ anu ye ko, “Nde nyɛrɛ-nyɛrɛ ye tala le wo fɛ.”

2 Samuwɛli 20:23

Yohabu le ye Isirɛla kɛlɛ-dannu kun na. Yɛhoyadala den Bɛnaya, wo le Mansa Dawuda makandannɛnu kun na.

2 Samuwɛli 20:7

Yohabula kɛlɛ-dannu, anubɛ mansa-makandannɛnu, anubɛ kɛlɛ-dan minnu bilanɛ Abisayi fɛ, wonu bɔra Yerusalɛm soe burɔ ka ta Siba bira tinɛ.

2 Samuwɛli 6:10

A ma ta a la Yerusalɛm tun. Anu ya Yerusalɛm kilɛ boloka ka ta a ladon Obɛdi-Idɔmla bɔn la. Kati kɛ le wo la.

2 Samuwɛli 8:18

Yɛhoyadala den Bɛnaya, wo le ye Mansa Dawuda makandannɛnu kun na. Mansa-makawandilɛ le mansɛla den-keinu na.

1 Mansɛnu 1:38

Wo kɔma, Saraka-Masɔla Sedoki wo, Nɛbi Netan wo, Bɛnaya wo, anubɛ mansɛ makandannɛnu, wonu tara Silamɛni bi ka a sigi Mansa Dawudata sofɛlɛ la. Anu tara a la Kiyɔn tenke dafɛ.

1 Ko-Kɔrɔta-Karan 18:17

Yɛhoyadala den Bɛnaya, wo le ye Mansa Dawuda makandannɛnu kun na. Mansɛ makawandilɛ le ala den-keinu na.

1 Samuwɛli 23:13

Dawuda anubɛ ala keminɛ minnu si mɔgɔ kɛmɛ wɔrɔ (600) nyɔgɔn bɔ le, anu bɔra Kiyaila soe burɔ tiriya! Anu tora tala. Anu ma anu daga makɛ kan-tina-kelen. A lamɔɛn Mansa Sɔli bolo ko Dawuda ara bɔ Kiyaila, a ma a tɔrɔ tala nyɔ tun.

1 Samuwɛli 25:13

Dawuda ya a fɔ anu ye ko, “Wo ni wola faannu don wo kawɛ kɔrɔ.” Anu ya a ma iko Dawuda ya a fɔ anu ye nya min. Ale Dawuda fanan ya ala faan bi. Mɔgɔ kɛmɛ nani (400) nyɔgɔn tara. Mɔgɔ kɛmɛ fila (200) nyɔgɔn tora anu kɔma daga makandan tinɛ.

1 Samuwɛli 27:3

Dawuda anubɛ ala keminɛnu anubɛ wonuta denbayɛnu sigira nyɔ anubɛ ala musi filɛ, Ahinowan min bɔra Yɛsɛreli anubɛ Nebalila musu tonɛ, Abigɛli, min bɔra Kamɛli soe burɔ.

1 Samuwɛli 27:4

Mansa Sɔli ya a lamɔɛn tumɛ min ko Dawuda ara a buri ka ta Kati soe burɔ, a ya a fara a nyinɛ la.

1 Samuwɛli 30:1

Dawuda anubɛ ala keminɛnu bi Mansa Akisi fɛ wati min, Amalɛkinu nara bui Yuda nyamanɛ dugula-waralɛ ma ka bui Dawudala soe Sikilagi ma ka a mintan ka anuna musi bɛɛ bira. Anu ma mɔgɔ-wo-mɔgɔ faga kɔnɔ anu tara anu bɛɛsi la anu bolo le. Tele fila a sawa nyɔgɛ,

1 Samuwɛli 30:14

Ma tara bui Kɛrata mɔgɛnu ma minnu bi Yuda nyamanɛ dugula wara la. Wo kɔma, ma tara bui Kelabu kegeyɛnu ma ka Sikilagi soe mintan.”

1 Samuwɛli 30:9

Dawuda anubɛ ala keminɛ mɔgɔ kɛmɛ wɔrɛ (600) wulita ka ta. Anu kera yi do ma min tɔgɛ Bɛsɔri, a ya mɔgɔ kɛmɛ fila (200) to nyɔ bawo wonu bara bandan. Anubɛ mɔgɔ kɛmɛ nanɛ (400) tara Amalɛkinu sagaranna.