2 Samuwɛli 15:13 - ALLALA KUMƐ

¹³ Mɔgɛ do tara a fɔ Mansa Dawuda ye ko, “Isirɛla mɔgɛnu bara sɔ ila den Abasalɔm fɛ kɔɔ!”

2 Samuwɛli 15:13 Iomraidhean Croise

2 Samuwɛli 15:6

Isirɛla mɔgɛ min bɛɛsi taranta nala anuna kumɛ la mansɛ wara ka anuna kumɛ fɔ a kilɛ fɛ wo wati rɔ, Abasalɔm ya a ma wo damasi la wo nya na le. Wo le ya a wara-koe diya Isirɛla mɔgɛnu ye.

2 Samuwɛli 3:36

Anu ya kumɛ wo lamɔɛn min kɛ, wo ya anu hɛnɛ, ado ale mansɛ ya koe min bɛɛsi ladan saya-koe wo rɔ, wo ya mɔgɛnu hɛnɛ.

Yaburi 3:1

E, Mari, n yogenu siyayanɛ pu! Mɔgɔ-siyaman bara anu kan-kɔ sɔ n na.

Yaburi 62:9

Hadama-dannu fɛyanɛ iko ni-lafɛ kelan. A dɔgɔma wo, a kinama wo, wo bɛɛ fu. Hali i ya wo bɛɛ rasuman nya-kun-kelen, wo bɛɛ fɔkɔlɔ iko pukɛ.

Matiyu 21:9

Nyama min bi tagamana Yisa yarɔ anubɛ nyama min bi tagamana a kɔma, wonu ya gbele-gbelan dabira ko, “Mansa Dawudala dan, i ni sɛnɛ! Min bi nala Mari tɔgɛ rɔ, Allata duwɛ ni to wo kuma! Alla tanto!”

Matiyu 27:22

Pailɛti ya anu manyinika ko, “Anu bi Yisa min kelela Allata-Mɔgɔ-Yabɔnɛ, wo ye a fɛ, n ni nfen ma wo la worɔ?” Anu dama ya sɔnkɔ layɛlɛ ko, “A gbangban kɔlɔma ma!”

Kɛlɛ-Kurugbɛnu 9:3

A ban wo fɔla, a berennu tara Sɛkɛm so-burɔ-mɔgɛnu nadɛn ka anu dantɛgɛ. Sɛkɛm kɛnu sɔnta Abimɛlɛkita mansayɛ ma bawo anu berennɛ le.