2 Samuwɛli 15:10 - ALLALA KUMƐ

¹⁰ A ke nyɔ, a ya kilayɛ lata Isirɛla bɔnsɔn tan-ni-filɛ damasi ma. A ko, “Ni wo ya buru-kan lamɔɛn, wo ni gbele-gbelen sewɛ bolo. Wo ni a fɔ ko, ‘Abasalɔm ara ma mansɛ la Hiburɔn soe burɔ.’ ”

2 Samuwɛli 15:10 Iomraidhean Croise

2 Samuwɛli 13:28

Ale Abasalɔm ya a fɔ ala wɔli-kɛlɛnu ye ko, “Wo ni wo yɛ bɛn Aminɔ ma. Gbɛɛ wa a bira tumɛ min, n ba a fɔ wo ye, wo ni a faga. Hali wo ma kilan. Dunu sa wole kuma. Dunɛ ye nde le kuma. Wo ni wo kerinteya, hali wo ma sika.”

2 Samuwɛli 14:30

Wo le ya a ma, Abasalɔm ya a fɔ ala wɔli-kɛlɛnu ye ko, “Yohabu lela sɛnɛ tugunnɛ ntɛ la. Wo ta tɛ tugu ala sɛnɛ wo la.” Wonu tara tɛ tugu nyɔ la.

2 Samuwɛli 15:9

Mansɛ ya a fɔ a ye ko, “Alamɛ Alla tora i fɛ.” Abasalɔm tara Hiburɔn soe burɔ.

2 Samuwɛli 19:10

Ma ya Abasalɔm min dantɛgɛ ka a ma mala mansɛ la a gbɛ rɔ, wo kunyɛ ara to kɛlɛ rɔ. Nfenna worɔ, mɔgɔ do ti a sɛbɛ don Mansa Dawuda bi-koe ma ka na a la yan?”

2 Samuwɛli 2:1

Dawuda ban saya-tolon kɛla, a ya Mari manyinika. A ko, “N ni ta sigi soe do kun na wo rɔ Yuda nyamanɛ rɔ, wa?” Mari ko, “Ɔn!” Dawuda ko, “Soe nyamintan ye wo la?” Mari ko, “Hiburɔn soe.”

2 Samuwɛli 2:11

San wɔrɔnfila karɛ wɔrɔ, a ye Yuda nyamanɛ kun na Hiburɔn soe burɔ.

2 Samuwɛli 5:5

San wɔrɔnfila karɛ wɔrɔ, Dawuda ye mansayɛ la Yuda nyamanɛ rɔ. A siginɛ Hiburɔn soe burɔ. Wo kɔma, a tara sigi Yerusalɛm soe burɔ. San bi-sawa ani san sawa, a ye mansayɛ la Isirɛla anubɛ Yuda kun na.

1 Mansɛnu 1:11

Nba, Nɛbi Netan tara a fɔ Silamɛni na Batasiba ye ko, “N na Batasiba, ile ma a lamɔɛn wa, ko Hagiti-Adonaya ara a nyɛrɛ ma mansɛ la kaka? Ma tigi Dawuda ma ko lɔn wo rɔ bɛ mumɛ!

1 Mansɛnu 1:34

Wo wa ke nyɔ tumɛ min, Saraka-Masɔla Sedoki anubɛ Nɛbi Netan ni dantɛgɛ-tuli kɛ Silamɛni kunyɛ rɔ ka a ma mansɛ la Isirɛla mɔgɛnu kun na. Wo ni buri fɛ ka a fɔ ko, ‘Alamɛ Mansa Silamɛni mɛra!’

2 Mansɛnu 9:13

Tiriyante wo rɔ, anu ya anuna durukinu bɔ anu kan na ka anu tasa ale Yehu kɔrɔ dugi ma wo tumɛ ale Yehu sɔnɛ kan-tina-mayɛlɛnɛ do rɔ anu damasi kuma. Wo kɔma, anu ya buri fɛ. Anu dama ya a lasɔnkɔ ko, “Yehu ara ma mansɛ la.”

1 Ko-Kɔrɔta-Karan 11:3

Woletɔ Isirɛla kun-tiginu bara a lakiri gben yisi-kimɛ rɔ ka to kan kelen tɔ. Anu ya dantɛgɛ-tuli kɛ Dawuda kunyɛ rɔ ka a ma anuna mansɛ la Hiburɔn soe burɔ iko Mari ya a fɔ Nɛbi Samuwɛli ye nya min.

1 Ko-Kɔrɔta-Karan 12:23

Dawuda ye Hiburɔn soe burɔ wati min, kɛlɛ-den-kɔrɛ donu nara kofu Dawuda ma nyɔ ka a sigi mansayɛ la Mansa Sɔli gbɛ rɔ iko Mari ya a fɔ nya min.

1 Ko-Kɔrɔta-Karan 12:38

Kɛlɛ-dan kɛ damasi kundɛnta kan-tina-kelen Hiburɔn soe burɔ. Anu damasi sɔndɔmɛ sɔnɛ Dawuda la ka a ma mansɛ la Isirɛla mɔgɛnu kun na. Hali kɛlɛ-den ma minnu na, wonu fanan burɛ ye wo nya na le.