2 Samuwɛli 15:1 - ALLALA KUMƐ

¹ Wati-tenbinɛ, Abasalɔm ya kirindi kelen bi anubɛ a sagan-soeenu. A ya kemini-mɔgɔ bi-loli fanan bi minnu si sɔ a yarɔ.

2 Samuwɛli 15:1 Iomraidhean Croise

2 Samuwɛli 12:11

Mari ko a ara ban a latɛgɛla ko fɔ ila bonna-mɔgɛ do wa tɔrɔyɛ lana i kuma. A ko fɔ a wa ila musinu bi i bolo ka anu di kei-gbɛrɛkɛ ma. Wo wa ma tumɛ min, i si a lɔn wo rɔ ko a ara min fɔ, tonyɛ le wo la. Kei wo si a sa ila musinu fɛ tele rɔ gbaga!

1 Mansɛnu 1:33

mansɛ ya a fɔ anu ye ko, “Wobɛ n makandannɛnu ni nna den Silamɛni bi ka a sigi n nyɛrɛta sofɛlɛ la. Wo ni ta a la Kiyɔn tenke dafɛ.

1 Mansɛnu 1:5

Wo ya a taran, Mansa Dawudala den Abasalɔm bara faga. A tagbara-sɛ Hagiti-Adonaya siginɛ a gbɛ rɔ. Adonaya, wo mafɛlɛn di kɔnɔ a fa ma a kolo hali lun-kelen-bɛrɛn. Mansaya-sɔgɛ ya Adonaya bira kosɛbɛ! A ya soee-laburi-kirindinu sɔrɔn a nyɛrɛ ye anubɛ kemini mɔgɔ bi-loli minnu si sɔ a yarɔ.

Yaburi 20:7

Donu lanɛ anuna kɛlɛ-kɛ-kirindinu na. Donu fanan lanɛ anuna soeenu denu na. Kɔnɔ male lanɛ mata Mari Allata sɛnbɛ le la.

Hɛnkilimaya-Kumɛnu 11:2

Mɔgɔ-wasinɛ ti mɛ yarabila kɔnɔ hɛnkilimayɛ ye mɔgɔ-mafaganɛ bolo.

Hɛnkilimaya-Kumɛnu 16:18

Mɔgɔ-wasinɛ ti mɛ buila. Wasinteyɛ si mɔgɛ kasara.

Hɛnkilimaya-Kumɛnu 17:19

Sɔsɔli-sɛ di mɔgɛ min ye, hakɛ di wo tigi ye. Nyɛrɛ-matɔgɔlɛ anubɛ nanparan ti fara.

Tɔn-Fɔɛ-Fila-Nyɔgɛ 17:16

Wo ye mansɛ min yabɔla ka a sigi wo kuma, a fɔlɔtɛ, a kana a raya ka soeenu nadɛn siyaman ata kɛlɛ-dannu ye. A kana mɔgɛnu nata so san tinɛ Iyipiti bawo Mari ya a fɔ ko Isirɛla mɔgɛnu kana sɛgi nyɔ tun mumɛ!

1 Samuwɛli 8:11

A ya a fɔ anu ye ko, “Wo ye mansɛ min sɔrɔnna, a ye wo birala ka le. A si wola den-keinu bi ka anu ma kɛlɛ-dannu na. Donu si kɛlɛ kɛ kirindi la. A si a ma, donu fanan si kɛlɛ kɛ soee la. Donu fanan si anu buri ala kirindinu yarɔ ka ta kɛlɛ-kɛ-tinɛ.