2 Samuwɛli 14:32 - ALLALA KUMƐ

³² Abasalɔm ya a fɔ a ye ko, “Bawo n bara i kele, i ma sɔn na-koe ma. A sɔgɛ ye n na, i ni ta mansɛ manyinika n ye ko nfenna n bɔra Kesa nyamanɛ rɔ ka na yan? Ni n tora nyɔ nun, wo ma fisa? A sɔgɛ ye n na, i ni a ma, n ni mansɛ yen n yɛ la. Ni yo sa n bolo, a ni n faga worɔ.”

2 Samuwɛli 14:32 Iomraidhean Croise

Ko-Dabirɛnu 3:12

Kei wo ko, “I ya musi min di n ma, wo le ya kɔlɔma-gbɔɛ wo di n ma. N ya a dɔn.”

2 Samuwɛli 13:37

Abasalɔm ya a buri. A tara a sigi Amihudila den Mansa Talamayi warɛ min bi Kesa nyamanɛ kun na. San sawa a ye nyɔ. Mansa Dawuda mɛra ala den Aminɔ dila.

2 Samuwɛli 14:31

Yohabu tara Abasalɔm warɛ bɔn la ka a manyinika a sɛbɛ-kuna-wɛ la. A ko, “Nfenna ila wɔli-kɛlɛnu bara tɛ tugu nna sɛnɛ la?”

2 Samuwɛli 3:3

Ala dan fila nyɔgɛ tɔgɛ le Keleyabu. Wo na le Abigɛli la, Nebalila musu-tonɛ, kɔni min bɔra Kamɛli soe burɔ. Ala dan sawa nyɔgɛ tɔgɛ le Abasalɔm. Wo na le Meyaka la. Mansa Talamayi min bi Kesa nyamanɛ kun na, wola dunmusi le kɛ la.

Yaburi 36:2

A wasinɛ ha, a mirinɛ ko a ye hakɛ minnu kɛla, Alla ti wonu lɔn ka a kɔn wola ko la.

Bɔ-Koe-Iyipiti 14:12

Wo tumɛ ma ye Iyipiti nyamanɛ rɔ, ma ma a fɔ i ye nun ko i ni ma to nyɔ ka wɔlɛ kɛ Iyipiti kɛnu ye? Yanni ma ni faga wulɛ kɛ rɔ, a fisa worɔ, ma ni to tɔrɔla Iyipiti kɛnu ye.”

Bɔ-Koe-Iyipiti 16:3

ka a fɔ anu ma ko, “Yanni ma ni kɛ nyɔgɔn sufa tɔrɔyɛ sɔrɔn yan, a fisa nun Mari ni ma faga Iyipiti nyamanɛ rɔ. Ma ye Iyipiti nyamanɛ rɔ tumɛ min, ma ye mɛya-fannu anubɛ dɔn-fannu dɔnna nun ka wasa. Kɔnɔ wo ara na ma la wulɛ kɛ rɔ alako wo ni a ma, nyama kɛ bɛɛsi ni faga kɔnkɛ bolo.”

Bɔ-Koe-Iyipiti 17:3

Kan-nagbalɛ ya a ma, anu ya gbunya-kuma-fɔɛ dabira Musa ma. Anu ko, “Nfenna i ya ma labɔ Iyipiti ka na male la yan, ba? A di i ye mabɛ mala denbayɛnu anubɛ mala kolo-fannu ni faga kan-nagbalɛ bolo yan, wa?”

Hɛnkilimaya-Kumɛnu 28:13

Mɔgɛ min si a hakɛ dogon, wo tigi ti ta yarɔ. Kɔnɔ mɔgɛ min bi a hakɛ bɛɛ labɔla gbɛ ma ka anu boloka, Mari si kinikini wo tigi ma.

Yɛrɛmaya 8:12

A bɛnta kun-tigi wonu ni miliya anu kɛ-nya-yogomɛ la. Kɔnɔ miliyɛ-bɔrɔ-pɛrɛ, a sa anu yɛ la. Hali anu bara hakɛ-siyaman kɛ, mɔgɔ ti miliyɛ bira anu yakɔrɛ ma lefan! Wo le si a ma, anu fanan bi buila iko doinu. Mari ko mɔgɛnu-tɔrɔ-tele wa ke, wonu denu si fɛrɛn dugu la.

Matiyu 25:44

“Nba, anu si n yabi ko, ‘Mari, ma ya i kɔnkɔtoe yen tumɛ nyamintan, ka, i kan-lagbalanɛ, ka, bon sa i bolo, ka, i gbu-makolɔn, ka, i kirayanɛ, ka, i ye yele la, ma ma sɔn i dɛnbɛna?’

Romu 3:19

Nba, ma ya a lɔn ko minnu bi Allata tɔn wara-koe kɔrɔ, tɔn-kitabu kɛ sɛbɛra wonu denu ye. Wo sɛbɛnɛ alako mɔgɛna masigima-fɔɛ ni ban ka duninya-mɔgɛ bɛɛ lana Allala kiti kɔrɔ,

1 Samuwɛli 15:13

A ke Mansa Sɔli ma nyɔ, Mansa Sɔli ya a kɔndɔn ka a fɔ a ye ko, “Mari ni ata duwɛ layigi i kuma. N bara Marita kumɛ bira.”

1 Samuwɛli 20:8

I yandi, ko-nyimɛ kɛ kɛ n ye. I wara ila lanyiri min kiri n ye nun Mari yala, i ni wo latɔnbagaya. Ni i lara a la ko n bara ko-yogomɛ do le ma, yanni i fa ni n faga, a fisa, ile ni n faga.”