2 Samuwɛli 14:25 - ALLALA KUMƐ

²⁵ Isirɛla nyamanɛ lakofunɛ ka a sa a nyɔgɔn kuma, mɔgɔ-wo-mɔgɔ mafɛlɛn ma di Abasalɔm ko. Ka a bi a kian ma ha ka a sigi a kunyɛ la, fɛɛ-wo-fɛɛ sa a la.

2 Samuwɛli 14:25 Iomraidhean Croise

Yobu 2:7

Setanɛ ya a bɔ Mari dafɛ. A ya a ma, sumunɛ tara fɛrɛnna Yobu fɛrɛ bɛɛ ma purususu!

Hɛnkilimaya-Kumɛnu 31:30

Musi donu yakɔrɛla kinyɛ si mɔgɛ yanfa, ado a ti a laban. Kɔnɔ musi minnu bi kilanna Mari la, wonu si gbiliyɛ sɔrɔn.

Aiseya 1:6

Ka a bi i kunyɛ ma ha ka yigi i kian ma, kɛndɛya-tina-wo-tina sa i rɔ. I fɛrɛ magboro-gboronɛ, ado tɛlɛ anubɛ da gbansan le ye i ma. Ila tɛlɛnu kubɛlɛ, bɛsi sa anu na, ado anu makirini ma.

Daniyɛli 1:4

Kɔnɔ a ye min yatɔnbɔnna, anu ni kinya, anu ni ma hɛnkilimɛnu na, anu ni ma mɔgɔ-kolonɛnu na, anu ni ko nya-yen yona, ado fɛɛ kana taran anu na fanan. A bɛnta, wo mɔgɔ-sufanu ni sigi mansa-bolɔn la. Ale mansɛ ya a fɔ tun ko ale Asipinasi si to wonu karanna anuna Babilɔn kan anubɛ anuna buku-sɛbɛni-kɔrɛnu karan ma.

Matiyu 23:27

“Gbalo-belebele ye wole tɔn-karan-mɔgɛnu anubɛ Farisinu kuma! Wole nyɛrɛ-mayiralɛnu, wo mani de iko kanba-magbɛnɛnu minnu mafɛlɛn-nya kin a kɔma kɔnɔ a burɛ fanɛ mɔgɔ-faganɛnu kolenu na anubɛ fen-tulinɛnu.

Ɛfɛsa 5:27

Kirasiti ya wo bɛɛ ma le alako ala mɔgɛnu ba sɔ a yakɔrɔ, anu sɛninyanɛ ni taran, fɛɛ kana taran anu na. Anu tatinyani ma, anu matɔrɔmɔnyani ma, anu kanbalibɛliya-tina-wo-tina sa anu tɔ.

Tɔn-Fɔɛ-Fila-Nyɔgɛ 28:35

Sumunɛ si wo ban ka a fɔlɔ wo kiannu ma ha ka a sigi wo kunyɛnu na. A dumɛ si tagbaya wo ma, ado anu ti kɛndɛya hali!

1 Samuwɛli 16:7

Mari ya a fɔ a ye ko, “I hɛnkili kana na buri mɔgɔla kinyɛ anubɛ ala yanyɛ fɛ. N sa nyinina keminɛ kɛ ma. Hadama-dan si mɔgɛ yen nya min, nde, Mari ti mɔgɛ yen wo nya. Hadama-dan yɛ ye mɔgɔ fɛrɛ-bɔnkɛ le la kɔnɔ nde, Mari yɛ ye mɔgɔ-burɛ le la.”

1 Samuwɛli 9:2

Kisa wola dan do ye nyɔ min tɔgɛ Sɔli. Sɔli kɛ, kemini-hakikɛ le, ado Isirɛla mɔgɛ bɛɛ dan le a kanban-kunyɛ la. A kin fanan.