2 Samuwɛli 14:19 - ALLALA KUMƐ

¹⁹ Mansɛ ya a fɔ a ye ko, “Yohabu, wo le ya i labila kɛ la, nyɛ?” Musi wo ko, “N bara n keli iko ita mansayɛ anubɛ ila simayɛ ye nya min, ila nyinikali kɛ masangba-kunya sa. Ila kɛlɛ-den-kun-tigi Yohabu, wo le ya n nabila kɛ nya na, yɔ!

2 Samuwɛli 14:19 Iomraidhean Croise

2 Samuwɛli 11:11

Yuraya ya a fɔ ale Dawuda ye ko, “N ta-nyɔgɛ Isirɛla anubɛ Yuda kɛlɛ-dan damasi ye kɛlɛ kɛla kaka, ado Marita tɔn-kenkirɛ ye anu fɛ nyɔ. Nna kɛlɛ-kun-tigi Yohabu wonubɛ ata mɔgɔ-banu bi kila gbɛkole le ma. Nfenna wo rɔ, nde si ta n nyɛrɛ ladiya n barɛ bɔn la ka n sa n fanbolo ka n nasɔ n fanbolo, mabɛ nna musi? N bara n keli iko ita mansayɛ anubɛ ila simayɛ ye nya min, n ti ko sufa wo ma.”

2 Samuwɛli 14:18

Mansɛ ya a fɔ a ye ko, “N bi i manyinikala ko kelen ma, ado fɔ i wa wo tonyɛ fɔ n ye.” Musi ko, “N tigi, i ya i miri fenfen ma, n manyinika wo la.”

2 Samuwɛli 14:3

N bi i labilala min na, i ye tala wo le fɔla mansɛ ye.” Wo kɔma, Yohabu ya musi wo labila.

2 Samuwɛli 18:13

Ni nde ya mansɛla kumɛ wo tinya ka ale Abasalɔm faga, fɔ mansɛ wa wo lamɔɛn. Ile ti n fɛka wo wati rɔ, ado ko-wo-ko ra ti kɛ mansɛ ma.”

2 Samuwɛli 3:27

Abina ke soe tarɛ dɛ ma, Yohabu ya a bi. Anu ya anu mata doni. Yohabu ya a nyɛrɛ ma iko a ye gbundu-kumɛ do le fɔla a ye. A ya Abina buyi punsɔgɔ. A ya Abina faga bawo wo le fɔlɔn ya ale dɔgɛ Asahɛli faga.

2 Samuwɛli 3:29

Alamɛ Yohabu anubɛ ala denbayɛ ya tɔrɔyɛ kɛ sɔrɔn ka a tɛgɛ Abina faga-koe kɛ ma. Alamɛ anu ya tɔrɔya-su kɛnu sɔrɔn, kɔrɔsini-gbɛ wo, fɛrɛma-kirayɛ wo, ni wo ma, anu ni to wurundi-kɛ-wɔlɛ kɛla iko musu-kɔrɔnɛ, ni wo ma, anu kunyɛ ni to kɛlɛ rɔ, ni wo ma, anu ni faga kɔnkɛ bolo. Tɔrɔya-su kelen-kelan kɛnu ni a bɔnsɔn bɛɛsi tɔrɔ kelen-kelenyɛ ma.”

2 Samuwɛli 3:34

Anu ma a kiannu nakiri. Anu ma a bolenu nakiri. A fagara le dɔrɔn iko karagbɛlɛnu ba mɔgɔ faga. A ban saya-tolon kɛ sala, mɔgɛnu donta di kɛ rɔ tun.

2 Mansɛnu 2:2

Anu tamatoe, Nɛbi Ilaya ya a fɔ Nɛbi Ilaisa ye ko, “To yan. Mari wara n nata Bɛtɛli soe burɔ.” Kɔnɔ Nɛbi Ilaisa ko, “N bara n keli wobɛ Mari-nimɛ ye, n ti to yan!” Wo le mara anu natɛ la Bɛtɛli.

Bɔ-Koe-Iyipiti 4:15

N ba kumɛ min fɔ ile ye, i si wo fɔ ale Aruna ye. A si ma ile dɛ la kuma tinɛ. N si wo mɔgɔ filɛ dɛnbɛ kuma tinɛ. A bɛnta, wo ni minnu ma, n si wo karan wonu na.

Hɛnkilimaya-Kumɛnu 25:2

Ma si Alla gbiliya bawo a sa-koe bɛɛsi sala ma ye gbɛ ma. Ma si mansɛnu fanan gbiliya bawo anu si koenu fɛsɛfɛsɛ a kilɛ fɛ.

Hɛnkilimaya-Kumɛnu 4:27

I ni ko-yogoma-kilɛ masangba ka ta kila-telennɛ fɛ. Hali kin-fa-nya kelan, i kana a bɔ telenbagaya-kilɛ fɛ.

Yilan-Yilan Koe 20:17

“ ‘I yandi, i ni sɔn ma ni tenbi ila nyamanɛ kɛ rɔ, mabɛ mala kolo-fannu. Ma ti kila-wɛ madasa mumɛ! Ma ti ta wola ki-fannu tɔ anubɛ wola sɛnɛnu tɔ mumɛ! Hali wola kɔlɔnnu, ma ti yi bi anu tɔ ka ma min anubɛ ka a di mala kolo-fannu ma. Ma ye tala ma ya-telen tɔ ha ma si tenbi ila nyamanɛ la.’ ”

Luka 21:15

bawo n si kumɛnu don wo da rɔ ka hɛnkili di wo ma. Wo si min fɔ, hali wo yogo kelen ti ke wo sɔsɔla ka wo nɔ.

Tɔn-Fɔɛ-Fila-Nyɔgɛ 28:14

Kɔnɔ Mari ko wo kana ata tɔn tinya doni-bɛrɛni! Wo kana bɛsɛnu kɔ hali ka wo niyi sa anu kuma.”

Tɔn-Fɔɛ-Fila-Nyɔgɛ 5:32

Musa ya a fɔ anu ye tun ko, “N ya a fɔ wo ye ko ni wota Mari Alla ya fenfen fɔ wo ye, wo ni kɛwɔlɛ kɛ wo la. Wo kana tɔn kɛ do-wo-do masɔsɔ.

Yasowa 1:7

I ni i yisi gbɛlɛya ka i wakila. I ni nna kumɛ bira iko n ya tɔnnu fɔ Musa ye nya min. Hali tɔn kelen, i kana nyina wo ko. I wa ta kan-bo-kan wo rɔ, n si to i fɛ ka i wara-koe sabati.

1 Samuwɛli 1:26

Hana ya a fɔ Ilayi ye ko, “N fa, i ya n lɔn tun? Nde le taranta Mari madiyala yan i dafɛ nun.

1 Samuwɛli 17:55

Dawuda ye tala Kolati kɛlɛ tinɛ tumɛ min nun, Mansa Sɔli ya ala kɛlɛ-den-kun-tigi Abina manyinika ko, “Keminɛ min bi tala kɛlɛ-kɛ-tinɛ kɛ la, yonna den bi wo la?” Abina ya a fɔ a ye ko, “N tigi, nde ma kɛ lɔn.”

1 Samuwɛli 20:3

Dawuda ya a fɔ a ye ko, “I fa ya a lɔn serr, ko n di i ye, ado a ya a lɔn fanan ko, ni a ya ko-sufa kɛ fɔ i ye, a si i yisi tɔrɔ i ma kosɛbɛ! N bara n keli i ye Mari Alla la, n bi lakira bonda-dɛ le la kɛ la.”

1 Samuwɛli 25:26

Mari le dɔrɔn ya a ma, i ma i ya-lamunun i yogenu na ka anu damasi faga. N bara n keli Mari la ko i yogenu si tɔrɔyɛ sɔrɔn iko Nebali kɛ, ado mɔgɔ-wo-mɔgɔ ya a miri ko-yogomɛ ma i wara la, wo tigi si tɔrɔyɛ sɔrɔn iko n buin Nebali kɛ.