2 Samuwɛli 14:14 - ALLALA KUMƐ

¹⁴ Kɔnɔ a mara nya-wo-nya, fɔ ma dama wa faga le. Ma mani de iko yi ra wa wuya dugi ma. Mɔgɔ ti ke wo madɛnna tun. Hali Alla, niyi-bɔɛ ma di a ye. Kɔnɔ Alla si fɛrɛ nyini ka mɔgɔ-konnɛ lasɛgi a ma tun.

2 Samuwɛli 14:14 Iomraidhean Croise

2 Samuwɛli 11:25

Mansa Dawuda ya a fɔ kilayɛ wo ye ko, “Ta a fɔ Yohabu ye ko a ma-kunya sa, hali a yisi ma tinya bawo mɔgɔ ti a lɔn ni min kunyɛ ye tola kɛlɛ rɔ. A fɔ anu ye ko anu ni anu sɛbɛ don ha anu ni nɔ-ko sɔrɔn soe wo ma.”

2 Samuwɛli 14:15

N tigi, ni i ya a yen, n bara na kɛ fɔ i ye, nna mɔgɛnu denu bara n takilan. N ya n miri, n ko ni n nara i wara n yili-latɛgɛnɛ le, n ko ni n ya i madiya fenfen na, i si wo ma le.

1 Mansɛnu 11:39

Mari ya kumɛ-laban min fɔ n ye, a ko a si Mansa Dawuda kegeyɛnu tɔrɔ ka a tɛgɛ Mansa Silamɛni hakɛla ko ma. Kɔnɔ a ko a ti to wo mala burubukai!”

Yobu 14:14

Ni hadama-dan fagara, a niyi si sɛgi a rɔ tun, ba? Kɔnɔ n si ila wati-hakikɛ makɔnɔ ha nta tɔrɔyɛ kɛ ni bɔ n kuma.

Yobu 30:23

I wara saya gbɛrɛn n ma, mɔgɛ bɛɛ ta tinɛ, kɔni.

Yobu 34:15

mɔgɛ bɛɛ si faga wo rɔ ka yɛlɛma gbangban la tun.

Yobu 34:19

Ka a fɔ kun-tigi le mɔgɛ la, Alla ti kawa wo ma. A ti lafisayalɛ kɛ fen-tiginu anubɛ bolo-kolɔnnu tɛma bawo ale le ya anu dama dan.

Yaburi 22:14

N sɛnbɛ bɛɛ ara ban fegba iko yi wa bon dugi ma. N natugurun-nya bɛɛsi ara bɔ anu nyɔgɔn na. N yisi ara lee iko li-kɛɛn.

Yaburi 22:15

N kan la ara gbala iko daga-gbɛnkian. N nagan ara nɔrɔn n naganagan la. I ya n bolokanɛ to gbangban rɔ iko furi.

Yaburi 58:7

Anu ni tunu yen, iko yi wa bon dugu ma. Anu tenbi anuna kalabɛn lakɛla, alamɛ anu foora.

Yaburi 77:8

A ara a ban keninteyɛ yirala ma la le, wa? A sa ala lanyiri kanbalila ma ye tun, ba?

Yaburi 79:3

Anu ya a ma, ila mɔgɛnu yele tora yigila iko yi. Yele yigira Yerusalɛm kan tinɛ bɛɛ rɔ iko gboron-gboronna yi. Mɔgɔ-wo-mɔgɔ ma to a niyi la min si anu togon.

Yaburi 90:10

Ma siyi si san bi-wɔrɔnfila le bɔ dɔrɔn. Ni ma kɔgɔra, ma si san bi-segin bɔ. Kɔnɔ hali ma ye ma diya wati min, yakɔrɔ-mamɔɛ ye ma kuma tolon, ado ma siyi ti mɛ banna.

Yaburi 90:3

Ile le ya a fɔ hadama-dan ma ko a bɔra kan min, a ye sɛgila nyɔ le. I si a yɛlɛma gbangban la a bɔra min tɔ.

Bɔ-Koe-Iyipiti 21:13

Kɔnɔ ni min ma a lawuli a ma, a ni mɔgɛ do faga, ado Alla kitira a la, mɔgɛ wo si a buri ka ta kan tinɛ do rɔ n bi nala min yirala wo la. A si to a niyi la nyɔ.

Makawandili Kumɛnu 9:5

Tonyɛ le wo la bawo min bi a niyi la, wo fisa bawo wo hɛnkili ye ko kelen pe dɔrɔn ma, wo le ko a ye nala fagala. Kɔnɔ min bara faga, wo sa ko-wo-ko kalama. A sa fenfen taranna a yarɔ lakira, ado mɔgɛnu ti mɛ nyinala a wara-koe la.

Nimisa Koe 3:31

N Tigi Mari kinikinite. A ti a ban ma la hali!

Isikiyɛli 18:23

Wole miri ko karagbɛlɛ wa faga, wo di nde, wo Tigi Mari ye, wa? Ade. A di n ye le, a ni ko-yogoma-kɛ boloka alako a ni to a niyi la.

Saraka-Masɔlɛnuta Tɔnnu 26:40

“Bawo wo si wo nyɛrɛ porokɔlɔ n bolo ka murutiya n ma woletɔ wo ti ma n diyana-mɔgɛnu na wo rɔ tun. Nde si ma wo yoge la gbɛ! N si wo latuntun wo yogenu ma ka ta wo la pon! Kɔnɔ n ba a yen n bara tɔrɔyɛ min nana wo kuma, wo ara koloya ha wo ara wo kegeyɛnu famayigi alako anu ni anu sɔ anu hakɛ la anubɛ anu benbanu ya min tinya.

Yilan-Yilan Koe 35:15

Lakisi-soe kɛnu bi dugurannu anubɛ sundannu ye. Ni mɔgɛ do fagara mɔgɛ bolo, a ma a lawuli a ma, wo si a buri ka ta nyɔ.

Yilan-Yilan Koe 35:25

Anu si mɔgɔ-fagalɛ wo bi ka sɛgi a la lakisi-soe wo rɔ a bɔra kan min. A siginɛ si to soe wo burɔ ha saraka-masɔla-kun-tigi-wɛ wo ni faga tumɛ min.

Yilan-Yilan Koe 35:28

mɔgɔ-fagalɛ wo si sɛgi a warɛ iko fɛɛbɔnɛ.

Matiyu 22:16

Anu ya anuna karan-dan donubɛ Mansa Hɛrodila fɛ-bilalɛnu nata Yisa ma. Wonu ko, “Karan-mɔgɔ, ma ya a lɔn ko mɔgɔ-telennɛ le ile la. I ye mɔgɛnu karanna tonyɛ la Alla sako rɔ. I ti kilan mɔgɔ-wo-mɔgɔ la, ado bɛɛ rakɛn ile yala.

Kɛwɔlɛnu 10:34

Pita ya kumɛ dabira. A ko, “N bara a lɔn de gbɛ ko tonyɛ le, mɔgɛ bɛɛ kelen Alla yala. A ti lafisalayɛ kɛ hali!

Romu 2:11

ado Alla ti mɔgɔ do lafisaya do ko.

Tɔn-Fɔɛ-Fila-Nyɔgɛ 10:17

Ale wota Mari Alla tenbira bɛsɛ mumɛ bɛɛ la. Ale tenbira kun-tiginu na. Alla-makawanɛ le ale la. Ata sɛnbɛ kolo. A bɛnta wo ni a gbiliya ka yɛrɛyɛrɛn a kɔrɔ. A ti lafisayalɛ kɛ. A ti sɔn gbundu-koe ma.

Hiburunu 9:27

A fɛrɛ sa fɔ mɔgɛ bɛɛ ni faga iko kelen pe, wo kɔma, Alla ni anu kiti tɛgɛ.

1 Pita 1:17

Wo tenbi Alla matarala, wo ye a fɔla ko, “Ma Fa,” ado ale le ye mɔgɛ bɛɛ kiti tɛgɛla nya-kun-kelen iko mɔgɔ kelen-kelennamɛ-bɛɛta kɛwɔlɛ ye nya min. A ti lafisayalɛ kɛ. Woletɔ wo siyi-toe min tonɛ dugu-kole kɛ kuma gbɛ, wo ni wo laban a gbiliya tinɛ.