2 Samuwɛli 14:11 - ALLALA KUMƐ

¹¹ A ya a fɔ mansɛ ye tun ko, “N tigi, i yandi, ita Mari Alla madiya n ye alako n na-kelen-nyɔgɛ min bi nna dan doi tayili-sara-koe rɔ a na-kelen-nyɔgɛ la ka a faga, wo kana bɔnɛ lakoloya ka tenbi a fɔlɔtɛ la.” Mansa Dawuda ya a fɔ a ye ko, “A ye mabɛ Alla tɛma, yanba-gbalɛ ti yalan ila dan wo ma muk!”

2 Samuwɛli 14:11 Iomraidhean Croise

Ko-Dabirɛnu 14:22

Kɔnɔ Burama ya a fɔ Sɔdɔm so-tigi wo ye ko, “Fɔ kɛlɛ-dannu ya minnu dɔn kilɛ la, n kan sa wonu ma. Wo kɔma, i ni n diyana-mɔgɛnutɛ bɔ nɔnfuli la minnu tara n fɛ kɛlɛ rɔ, Mamire anubɛ Aneri anubɛ Esikoli, kɔni. Kɔnɔ n bara lanyiri kiri Mari Alla ye min bi fan bɛɛ kun na, min ya san-kole anubɛ dugu-kole dan ko ile so-tigitɛ ye fan minnu na, hali wo sanbara-yili anubɛ yesekara-kolo kelan, n ti wonu bi i bolo. N bi wo tɛgɛla min ma, alako i kana a fɔ n kɔma ko i wara nde ma nɔnfulu-tigi la.”

Ko-Dabirɛnu 31:50

Ni i ya nna dunmusinu bira boloko-yogomɛ-kɛ, nde ya sa i la kɔnɔ Alla kolonkɛ ye i la. Ni i ya dunmusu-gbɛrɛkɛ furu ka anu sa nna dunmusinu kuma, hali sereyɛ sa ma tɛma yan, i hɛnkili to a ko ko Mari le sereyɛ la mabɛ ile tɛma.”

2 Samuwɛli 14:10

Mansɛ ya a fɔ a ye ko, “Ni mɔgɔ-wo-mɔgɔ ya i niyi ragbɛrɛn i ma, na wo tigi la n bara. Wo ti wo nyɔgɔn ma tun.”

2 Samuwɛli 14:12

Ale musi ya a fɔ mansɛ ye tun ko, “N tigi, i yandi, kuma kelen pe ye n bolo, a to n ni wo fɔ.” Mansa Dawuda ko, “Tana ma wo la.”

2 Samuwɛli 14:21

Tɔ-a-la, mansɛ ya a fɔ Yohabu ye ko, “N bara ban a latɛgɛla iko a di i ye nya min. Ta ale keminɛ Abasalɔm bi. I ni na a la yan tɔ.”

1 Mansɛnu 1:52

Silamɛni ko, “Nba, ni a ya a kɛ-nya latelen, n ti ko-wo-ko ma a la worɔ. Kɔnɔ ni a tora a gbɛ da la, n bi a fagala le worɔ serr!”

Yɛrɛmaya 4:2

Ni wo ya wo keli Mari kelan rɔ, wo kɔma ka lanyiri wo kanbali, sibole bɛɛ si duwɛ sɔrɔn wo lela ko la, ado anu si to ale Mari matɔgɔla ala ko-ladannɛnuna ko la.

Yilan-Yilan Koe 35:19

Furi wo na-kelen-nyɔgɔ-bɛrɛbɛrɛ si a lasɔ kumɛ wo la ka a na-kelen-nyɔgɛ tayili sara. Ni a ya mɔgɛ wo lasɔrɔn, ale fanan si wo faga.

Matiyu 10:30

Nba, wole don, hali wo kun-sigi, Alla ya wo bɛɛ yatɛ lɔn.

Kɛwɔlɛnu 27:34

Woletɔ n bi wo madiyala, wo yandi, wo ni fen dɔn. Wo makoe ye wo la wo niyila ko la. Ni wo ya fen dɔn, wo fenfen ti to-a-rɔ.”

1 Samuwɛli 14:45

Kɔnɔ kɛlɛ-dannu ya a fɔ Mansa Sɔli ye ko, “A kin Yonatan kɛ ni faga min bara male Isirɛla kunka, wa? Ade! Wo fɛ yan! Ma ara ma keli Mari la, hali Yonatan kɛ kun-sigi kelan ti wurun. Yonatan kɛ ya koe min ma male Isirɛla mɔgɛnu ye bi, a ya wo ma le bawo Alla le ya a dɛnbɛ.” Anu ya Yonatan latanka sayɛ ma.

1 Samuwɛli 20:42

Yonatan ya a fɔ Dawuda ye ko, “Alamɛ Alla tora i fɛ. Malebɛ ile sarata min ma ma nyɔgɔn tɛma kɛ la, Mari si wo latɔnbagaya ma mamanɛnu tɛma burubukai!” Dawuda tara a kun fɛ. Yonatan tara soe.

1 Samuwɛli 28:10

Mansa Sɔli ya a keli Mari rɔ ka a fɔ ko, “Ni i ya wɔlɛ kɛ n ye, i ti tɔrɔya sɔrɔn wola ko la muk!”