2 Samuwɛli 13:3 - ALLALA KUMƐ

³ Ale Aminɔ diyana-mɔgɛ do ye nyɔ, wo kɛwu de! Wo tɔgɛ le Yonadabu. Mansa Dawuda kɔrɔ Simɛyala dan le ale Yonadabu la.

2 Samuwɛli 13:3 Iomraidhean Croise

Ko-Dabirɛnu 3:1

Mari Alla ya nima-fan min bɛɛsi dan nun, duguma-fan halli wo bɛɛ ko. Duguma-fan nara ka musi manyinika ko, “Alla le ya a fɔ wo ye nun ko wo kana kɔlɔma-gbɔɛ dɔn nakɔɛ kɛ rɔ, wa? Ile lara wo la?”

Ko-Dabirɛnu 38:1

Wo le wati rɔ, Yuda bɔra a na-kelen-nyɔgɛnu fɛ ka ta a sigi kei do warɛ min tɔgɛ Hira, Adulam soe burɔ.

Ko-Dabirɛnu 38:20

Yuda ya baa-den kelen bi ka wo don a diyana-mɔgɛ Hira bolo alako wo ni ta ala tulumɛ wonu kunka musi wo bolo kɔnɔ a diyana-mɔgɛ wo ma musi wo taran nyɔ.

2 Samuwɛli 13:2

A yɛ bɔra dunmusi wo la. Bawo a ti ke a lasɔrɔnna min kɛ, a tora mɔɛn! Sunkurun-nasɔlɔnɛ le. A ma ta wɛ kei-wara-sigi rɔ.

2 Samuwɛli 13:32

Kɔnɔ ale Mansa Dawuda kɔrɔ Simɛyala den Yonadabu ya a fɔ a ye ko, “N fa, anu ma ila den-kei damasi faga. Fɔ Aminɔ kelan, wo le fagara, ado kebi Aminɔ diginta Tema ma, wo diminyɛ ma bɔ Abasalɔm burɔ tun. Hali i wa Abasalɔm gbu mafɛlɛn, i si a lɔn a yakɔrɛ ma ko Aminɔ faga-sɔgɛ le ye a la nun.

2 Samuwɛli 13:4

Yonadabu ya a fɔ Aminɔ ye ko, “Mansa-dan le ile la, ado tuma-wo-tuma, n bi a yenna i yisi magboyanɛ. Nfen mara?” Aminɔ wo ya a fɔ a ye ko, “N na-kelen-nyɔgɛ Abasalɔm, wo tirisan-musi di n ye kosɛbɛ!”

2 Samuwɛli 14:2

Musu-hɛnkilimɛ min siginɛ Tekoya soe burɔ, a ya kilayɛ lata wo do ma. Musi wo nanɛ, ale Yohabu ya a fɔ a ye ko, “I nyɛrɛ ma saya-di-kɛlɛ la. I kunyɛ fosokore to i kuma. I ni bɛgi-gbɛ don i kan na. A ma iko i wara mɛ diyi kɛla dɔgɔma-ma-de!

2 Samuwɛli 21:21

Wo tara a kɔgɔ raka Isirɛla mɔgɛnu telen tɔ. Dawuda kɔrɔ Simɛya, wola den Yonatan, wo ya wo faga.

1 Ko-Kɔrɔta-Karan 2:13

Obɛdila den Yɛsi ya den-kei wɔrɔnfila sɔrɔn. Ala sarɛ le Ɛliyabu la. Wo tatugunnɛ le Abinadabu wo, Sama wo,

1 Ko-Kɔrɔta-Karan 27:32

Mansa Dawuda fa na-kelen-nyɔgɛ min tɔgɛ Yonatan, makawandi-kɛla-nyimɛ anubɛ kɛdi-sɛbɛlɛ le ale la. Mansɛla dannu karannɛ le ale Yonatan anubɛ Hakimɔnila den Yɛhiyɛli la.

Ɛsita 5:10

Kɔnɔ a ya a bira a rɔ. A tara bɔn la. A ya a diyana-mɔgɛnu kele a warɛ bɔn la. A ya ala musi Sirɛsi fanan kele.

Ɛsita 5:14

Ala musi anubɛ a diyana-mɔgɛnu ya a fɔ ko, “Nfenna i ti mɔgɔ dun tinɛ ladan, Mɔdekɛyai kɛ si dun kan min? Wola yanyɛ ni ma nunkan-nya bi-sawa ani nunkan-nya wɔrɔ la. Sina sɔgɔma, i ni ta a fɔ mansɛ ye alako a ni Mɔdekɛyai dun wo la. Wo wa ka a la, i sewanɛ si ta mansɛ fɛ musi wo warɛ fen dɔn tinɛ.” Heman mirinɛ ko anu bara kuma-telennɛ le fɔ a ye wo la. A ya mɔgɔ dun tinɛ wo ladan.

Ɛsita 6:13

A tara a dantɛgɛ ala musi anubɛ a diyana-mɔgɛnu ye. Ala musi anubɛ a diyana-mɔgɛnu ya a fɔ a ye ko, “I wara fɔlɔla foola Mɔdekɛyai kɛ la le kɛ la, ado Yahudiya le ale la. I don ti a nɔ mumɛ!”

Hɛnkilimaya-Kumɛnu 19:6

A sɔgɛ ye mɔgɔ-siyaman na, anubɛ mɔgɔ-banu ni to diyanayɛ rɔ. A sɔgɛ si mɔgɔ-siyaman bira fanan, anubɛ mɔgɔ-kɔlɛnu ni to kirabɔla.

Yɛrɛmaya 4:22

Mari ko kun-takolɔn le wole, ala mɔgɛnu na bawo wo ma ale lɔn. A ko denniya-hɛnkili le ye wo bolo. Wo ma fenfen lɔn. A ko wo kusan wunduyogoyɛ la kɔnɔ wo ma ko-wo-ko lɔn ko-nyimɛ wara-koe rɔ.

1 Kɔrɛnti 3:19

Duninya kɛ ya min lɔn hɛnkilimayɛ la, kuntanyɛ le wo la Alla yala. Iko a sɛbɛnɛ Allala kitabu rɔ nya min ko, “Alla si hɛnkilimɛnu bira anu nyɛrɛta halliyɛ rɔ.”

Yemesi 3:15

Hɛnkili-su wo ma yigi ka bɔ Arinyɛni tɔ. Hadama-danta kɛ-nya-yogomɛ anubɛ duninyatɛ le wo la. Setanɛ bolo-gbɛ le wo la,

Kɛlɛ-Kurugbɛnu 14:20

A biran-kei ya Samsinna musi kɛ wo bi ka wo di ala sanka-dunɛ wo ma min bi ladɛn wo rɔ kɔnɔ a ya wo ma dogon tɔ.

1 Samuwɛli 16:11

Samuwɛli ya Yɛsi manyinika, a ko, “Den-kei-gbɛrɛkɛ sa i bolo kɛnu kɔma?” Yɛsi ya a fɔ ko, “Anu dɔgɛ ye nyɔ rɔ kɔnɔ wo ye sagɛnu fɛ binyɛ rɔ.” Samuwɛli ya a fɔ a ye ko, “Awa, a kele de! Ma ti sarakɛ bɔ fɔ a wa na fɔlɔn.”

1 Samuwɛli 16:9

Yɛsi ya ala den Sama fanan yira a la. Kɔnɔ Samuwɛli ya a fɔ tun ko, “Mari ma sɔn kɛ fanan na.”