2 Samuwɛli 13:29 - ALLALA KUMƐ

²⁹ Wɔli-kɛlɛ wonu ya Aminɔ faga iko Abasalɔm ya a fɔ anu ye nya min. Mansa Dawudala den-toenu sigira anuna sofɛli-kinamɛnu na ka anu buri.

2 Samuwɛli 13:29 Iomraidhean Croise

Ko-Dabirɛnu 36:24

Siyirila den Sibiyɔn wo ya den-kei mɔgɔ fila sɔrɔn. Anu tɔgɛ le Aya anubɛ Ena. Ena wo ye a fa Sibiyɔnna sofɛlɛnu de-nyinina wulɛ rɔ tumɛ min, ale le fɔlɔfɔlɔn ya tenke-yi-kaliyanɛ yen nyɔ.

2 Samuwɛli 12:10

A ko nba, min bi nala mala ile la gbɛ, ka a bi ila dannu ma ka a sigi i kegeyɛnu na, mɔgɔ kelen-kelen si faga wo dama rɔ tɔrɔyɛ bolo bawo i wara ata kumɛ tinya ka Yurayala musi bi.

2 Samuwɛli 13:30

Yanni anu denu ni ke Yerusalɛm, mɔgɛ do tara a fɔ Dawuda ye ko, “Abasalɔm ara ila den-kei bɛɛsi faga tɛrr! Hali mɔgɔ-den-kelen ma to anu tɔ.”

2 Samuwɛli 14:6

N fa, den-kei fila le n bolo nun. Wonu denu kɛlɛta sɛnɛ rɔ mɔgɔ sa kan min ka anu fara. Doi ya a ta-nyɔgɛ faga.

2 Samuwɛli 18:9

Abasalɔm namatoe, a bɛnta Mansa Dawudala kɛlɛ-dan donu na. A siginɛ sofɛli-kinamɛ la. Sofɛlɛ wo bɔmatoe kɔlɔma-kuru-wɛ do kɔrɔ tumɛ min, Abasalɔm kun-sigi bilara kɔlɔma wo bolɔn do la. Sofɛlɛ wo tora tala ka Abasalɔm dunnɛ to kɔlɔma wo la.

1 Mansɛnu 1:33

mansɛ ya a fɔ anu ye ko, “Wobɛ n makandannɛnu ni nna den Silamɛni bi ka a sigi n nyɛrɛta sofɛlɛ la. Wo ni ta a la Kiyɔn tenke dafɛ.

1 Mansɛnu 1:38

Wo kɔma, Saraka-Masɔla Sedoki wo, Nɛbi Netan wo, Bɛnaya wo, anubɛ mansɛ makandannɛnu, wonu tara Silamɛni bi ka a sigi Mansa Dawudata sofɛlɛ la. Anu tara a la Kiyɔn tenke dafɛ.

Hɛnkilimaya-Kumɛnu 29:12

Ni kun-tigi ya a tole masɔ foninya-fɔlɛnu na, ala mɔgɔ-ba bɛɛ si ma wunduyogenu na.

Saraka-Masɔlɛnuta Tɔnnu 19:19

“Wo ni nta tɔnnu bira. Wo kana kolo-fen subolo filɛ lamara kan tinɛ kelen. Anu kana anu nyɔgɔn yɛlɛ. Wo kana fen subolo filɛ ki sɛnɛ kelan rɔ. Wo kana kurɛ don wo kan na min nadannɛ yesekari subolo fila la.

Maika 7:3

Ko-yogoma-kɛlɛnu karan-mɔgɛ le wole la. Wola kun-tiginu anubɛ wola kiti-salɛnu bi dogonta-fannu makelela mɔgɛnu bolo kiti-sa-tinɛ. Sɛnbɛ ye minnu na, wonu bi yanfɛnu donna mɔgɛnu ma.