2 Samuwɛli 13:28 - ALLALA KUMƐ

²⁸ Ale Abasalɔm ya a fɔ ala wɔli-kɛlɛnu ye ko, “Wo ni wo yɛ bɛn Aminɔ ma. Gbɛɛ wa a bira tumɛ min, n ba a fɔ wo ye, wo ni a faga. Hali wo ma kilan. Dunu sa wole kuma. Dunɛ ye nde le kuma. Wo ni wo kerinteya, hali wo ma sika.”

2 Samuwɛli 13:28 Iomraidhean Croise

Ko-Dabirɛnu 9:21

A ya nɔnbɔ-gbɔ-yi wo do min. Wo ya a bira. A lakolɔn sani tora ala fani-bɔn la.

2 Samuwɛli 11:13

Mansa Dawuda ya a kele fen dɔn tinɛ. Wo kɔma, wulɔn suyi nyɛrɛ rɔ, a ya a lamin kɔlikɔli! Kɔnɔ hali wo, Yuraya ma ta a warɛ bɔn la. A tara ki a gbɛ rɔ mansa-makandannɛnu bara nyandan rɔ.

2 Samuwɛli 11:15

A ya min sɛbɛ kɛdi wo rɔ, a ko Yohabu ni Yuraya lata kɛlɛ kunaya tinɛ. A ko a wa ban wo mala, anu ni anu bɔ a dafɛ alako a kunyɛ ni to kɛlɛ rɔ. Yuraya tara kɛdi wo don Yohabu bolo.

2 Samuwɛli 12:10

A ko nba, min bi nala mala ile la gbɛ, ka a bi ila dannu ma ka a sigi i kegeyɛnu na, mɔgɔ kelen-kelen si faga wo dama rɔ tɔrɔyɛ bolo bawo i wara ata kumɛ tinya ka Yurayala musi bi.

2 Samuwɛli 13:27

Kɔnɔ hali wo, Abasalɔm nɔrɔta a fa ma Aminɔla ta-koe la. Tɔ-a-la, Dawuda sɔnta ala dan doinu ta-koe ma Abasalɔm anubɛ Aminɔ fɛ. Abasalɔm ya dɔn-fen-siyaman tabɛn anu ye.

2 Samuwɛli 14:6

N fa, den-kei fila le n bolo nun. Wonu denu kɛlɛta sɛnɛ rɔ mɔgɔ sa kan min ka anu fara. Doi ya a ta-nyɔgɛ faga.

1 Mansɛnu 20:16

Isirɛla kɛlɛ-dan wonu tara bui Siriyanu ma tele-latelen-wati. Wo ya a taran, Mansa Bɛnhedadi anubɛ a ta-nyɔgɔ-mansa bi-sawa ani mansa filɛ wonu bi anu kun tafin tinɛ anuna fani-bɔnnu na.

Ɛsita 1:10

Ladiyɛ wo tele wɔrɔnfila nyɔgɛ ma, dolo-minyɛ ya mansɛ lasewa. A ya a fɛ-birala tɛgan mɔgɔ wɔrɔnfila kele, Mɛhuman wo, Bisita wo, Habɔna wo, Bigita wo, Abagita wo, Sitari wo, anubɛ Karakasi.

Yaburi 104:15

Ado nfan, anu si ke gbɛɛ sɔrɔnna min si a ma, anu ni sewa. I si ɔlifi-tuli fanan di anu ma alako anu ni anu yakɔrɛ mamun. I ye dɔn-fan dila anu ma alako anu ni to sɛnbɛ sɔrɔnna.

Bɔ-Koe-Iyipiti 1:18

Iyipiti mansɛ ya tinkɔrɔ-sigilɛ wonu kele ka anu manyinika ko, “Nfenna wo ara Hiburu mɔgɛnuna den-keinu kɛndɛ to?”

Makawandili Kumɛnu 10:19

Dɔn-fan la ye danna alako mɔgɛ ni taran a diya. Minni-fan ye minna sewa-koe le la. Kɔnɔ ni wodi ma, fenfen ti sɔrɔn.

Makawandili Kumɛnu 9:7

Woletɔ ta fen dɔn sewɛ rɔ, i ni minni-fan min i fanbolo bawo i ye min kun na, Alla ara sɔn wo ma, bi ma!

Daniyɛli 5:30

Wulɔn suyi nyɛrɛ rɔ, mɔgɛ do nara Mansa Bɛlisasa faga tinɛ. Mansa Dariyasi min bi Midiya nyamanɛ kun na, Babilɔn nyamanɛ tora wo bolo. Wo ya a taran, Dariyasi sɔrɔn-san ara san bi-wɔrɔ ani san fila (62) bɔ.

Nehami 1:10

Anu si mintan iko wɔnɔ-dɛngban anubɛ bin-gbalɛ si mintan nya min gburr!

Luka 21:34

“Wo ni a ma wo fɛrɛma wo nyɛrɛla ko la! Wo kana wo nyɛrɛ ma nugulamɛ anubɛ gbɛɛ-minnɛnu na. Wo kana hɔn niyi-kɛ-koenu na. Ni wo ya wonu ma, tele wo si wo latɛrɛna.

Kɛwɔlɛnu 5:29

Pita anubɛ Marita kilayɛnu ya a yabi ko, “A fɛrɛ sa fɔ ma ni Allala kumɛ bira ka mɔgɛnutɛ to nyɔ.

Yasowa 1:9

N ma a fɔ i ye fɔlɔ nun ko i ni i yisi ragbɛlɛya ka i kerinteya, wa? I kana kilan, i yisi kana tinya. I tara kan-bo-kan, nde, ita Mari Alla si to i fɛ nyɔ.”

Kɛlɛ-Kurugbɛnu 19:22

Anu bi nyɛrɛ-ladiyɛ wo kun na, kemini-karagbɛlɛ donu nara kurɔn mini bɔn wo ma. Anu bi dɛ matugula anu ma. Anu bi a fɔla kɛmɔgɛ wo ye ko, “Kei min donta i kuma, a labɔ ma ma. Ma ni ma sa a fɛ.”

Kɛlɛ-Kurugbɛnu 19:6

Anu kɛmɔgɔ filɛ sigira ka fen-dɔn-kɛ ka anu min. Anu ban, a biran-kei ya a madiya tun, a ko, “I yandi, bi su kelan ki n fɛ yan. N ni i ladiya.”

Kɛlɛ-Kurugbɛnu 19:9

Anu ban fen dɔnla tele rɔ, keinubɛ a fɛ-sigi-musi anubɛ ala wɔli-kɛlɛ wonu wulita. A biran-kei ko, “Wurɛla-tumɛ le wara ke kɛ la. Min fisa, ki yan bi. N ni i ladiya. A la sa mɛla finna tun. Sina i si suru tala i warɛ.”

Ruti 3:7

Bowasi banta fen-dɔn-kɛla ka a kan lakimɛ tumɛ min, a nyagalenta ka ta a sa dɔn-fen-senda-siginɛ dafɛ. A kinɔgɔra tumɛ min, Ruti tara a fɛrɛ ma dɔidɔi! A ya Bowasila birinkan kɔrɔbi ka a rasagan a kian dugu la.

1 Samuwɛli 18:22

Mansɛ ya ala mɔgɔ-banu natuntun alako anu ni ta kuma Dawuda la gbundi rɔ dunmusi wo furu-koe rɔ. A sɔgɛ ye a la ko anu ni a fɔ Dawuda ye ko ale di mansɛ ye, ado a di mɔgɔ-banu fanan ye alako anu ni a fɔ a ye fanan ko, “Wati-nyimɛ le kɛ la i bolo ka mansɛla dunmusi furu.”

1 Samuwɛli 28:10

Mansa Sɔli ya a keli Mari rɔ ka a fɔ ko, “Ni i ya wɔlɛ kɛ n ye, i ti tɔrɔya sɔrɔn wola ko la muk!”

1 Samuwɛli 28:13

Mansɛ wo ya a fɔ a ye ko, “Ni i wara min yen, wo fɔ. I kana kilan” Musi wo ya a fɔ a ye ko, “N bara lakira-mɔgɛ do yen. A ye bɔla dugi rɔ.”