2 Samuwɛli 13:23 - ALLALA KUMƐ

²³ San fila kɛ kɔma, Abasalɔm wuli ala saga-siyi matɛgɛla Beyali-Hesɔ soe burɔ min bi Ifɛrɛm nyamanɛ dafɛ. A ya mansɛla dan bɛɛsi kele ladiyɛ kɛ kuma.

2 Samuwɛli 13:23 Iomraidhean Croise

2 Samuwɛli 13:24

A tara a fa Dawuda wara ka a fɔ a ye ko, “N fa, n bi tala nna sagɛnu siyi matɛgɛla. A di n ye wobɛ ila mɔgɔ-banu ni bɛn wo ladiyɛ rɔ.”

1 Mansɛnu 1:19

Adonaya ye sarakɛnu bɔla ka a dan-natenbi, ninkinu anubɛ ninki-bulan-tɔlɔnɛnu anubɛ sagɛnu, kɔni. A ya ila dannu anubɛ Saraka-Masɔla Abiyatari anubɛ ila kɛlɛ-den-kunyɛ Yohabu kele saraka-bɔɛ wo rɔ kɔnɔ a ma sɔn ila den Silamɛni kelela muk!

1 Mansɛnu 1:25

A ara ta ka ninkinu anubɛ ninki-bulan anubɛ sagɛnu siyaman bɔ sarakayɛ la. A ya ila dan bɛɛ kele anubɛ ila kɛlɛ-den-kunyɛ Yohabu anubɛ Saraka-Masɔla Abiyatari, ado anu bi fen dɔnna kan-tina-kelen kaka. Anu bi duwala ko, ‘Alamɛ Mansa Adonaya mɛra!’

1 Mansɛnu 1:9

Lun kelen, Adonaya ya sagɛnu anubɛ ninkinu anubɛ ninki-bulan-tɔlɔnɛnu ma sarakɛ la kuri do kuma min tɔgɛ Duguma-Fen-Kuri. Kuri wo sɔnɛ Ɛnrogɛli tenke dafɛ. Ale Adonaya ya a dɔgɛnu kele anubɛ mɔgɔ-ba min bɛɛ ye Yuda bɔnsɔn nyamanɛ rɔ alako anu bɛɛ ni bɛn saraka-bɔɛ wo rɔ.

2 Mansɛnu 3:4

Mansa Mesa min bi Mohabu nyamanɛ rɔ, saga-waga-siyaman-tigi le wo la. San-bo-san, a si saga-den waga kɛmɛ (100,000) di Isirɛla mansɛ ma anubɛ a siyi ka bɔ saga waga kɛmɛ ma dutiyɛ la.

2 Ko-Kɔrɔta-Karan 26:10

Wo kɔma, a ya nyamanɛ-kumafɛlɛn-bɛndɛ-layan-bɛ donu sɔ wulɛ rɔ. A ya kɔlon-siyaman sin kɔnkɛ kɔrɔ anubɛ lɛɛnu tɔ bawo kolo-fen-siyaman bi a bolo nyɔ rɔ. Sɛni-sɛ di a ye min kɛ, a ya mɔgɔ-siyaman lata ala sɛnɛnu tɔ minnu si sɛnɛnu wɔrɔ ka ki-fannu ki a ye.

Nihɛmaya 11:33

Hesɔ anubɛ Rema anubɛ Kita anubɛ

1 Samuwɛli 25:2

Kei do ye nyɔ rɔ Kelabu kebila-mɔgɛ do le. A tɔgɛ le Nebali. A siginɛ Meyɔn soe burɔ kɔnɔ dugi do ye a bolo Kamɛli soe dafɛ. Nɔnfulu-tigi le ale la. Saga waga sawa (3,000) ye a bolo. Baa waga kelen (1,000) bi a bolo fanan. Ala musi tɔgɛ le Abigɛli. Musi kɛ kin, ado a hɛnkili kolo. Kɔnɔ musi kɛla kei Nebali, a wunduyogo, ado a yisi lakala. Dawuda tora wulɛ le tɔ. A ya a lamɔɛn ko Nebali ye ala sagɛnu siyi matɛgɛla Kamɛli soe burɔ.

1 Samuwɛli 25:36

Abigɛli tara ala kei Nebali wara. A ya a taran, ala kei ye ladiyɛ min kun na, wo manɛ de iko mansɛtɛ. A ara a min kɔlikɔli. A sewanɛ baan bolo woletɔ Abigɛli ma kuma-wo-kuma fɔ a ye ha wo wulun sɔgɔma.

1 Samuwɛli 25:7

N bara a lamɔɛn ko wo ye wola saga-siyi matɛgɛla. Wola saga-fɛ-biralɛnu bara mɛ n bolo yan kɔnɔ ma ma ko ma anu na, ado anu bi ma tɛma wati min, mɔgɔ-wo-mɔgɔ ma fenfen kankan anu bolo fanan.