2 Samuwɛli 13:12 - ALLALA KUMƐ

¹² A dɔgɔ-musu Tema wo ya a fɔ a ye ko, “I kana n fɔrɔsɛ ko-yogoma-su kɛ ma min ma daga Isirɛla mɔgɛnu tɛma.

2 Samuwɛli 13:12 Iomraidhean Croise

Ko-Dabirɛnu 34:2

Hemori min bi mansayɛ la Hɛfa nyamanɛ wo rɔ, wola dan Sɛkɛm buira Daina ma ka a sa a fɛ.

Ko-Dabirɛnu 34:7

Yakobala den-keinu bɔmatoe firɛ rɔ kolo-fannu fɛ, anu ya a lamɔɛn ko Sɛkɛm bara a sa anu dɔgɔ-musi fɛ. Anu diminyara ha mɔninyɛ ya anu bira bawo anu ya a lɔn ko Sɛkɛm bara yarabiyi sa anu fa Isirɛla kuma.

Hɛnkilimaya-Kumɛnu 7:7

A la ara wuli finna, n ya kemini-mɛsɛ do yen min kun-takolɔn a ta-nyɔgɛnu tɛma. A ye tala soe tɔnkɔn do rɔ musi dola bɔn magbenna.

Saraka-Masɔlɛnuta Tɔnnu 18:11

Ni a taranta, mɔgɔ fa ya musi do furu, wo ni dunmusu-gbɛrɛkɛ to a kɔma ala kei-kɔrɛ warɛ, hali wo, mɔgɛ kana a sa dunmusi wo fɛ bawo a tirisan le wo fanan na.

Saraka-Masɔlɛnuta Tɔnnu 18:9

a tirisan-musi hali min makolota kan-tina-gbɛrɛ le. A kana a sa wonu fɛ.

Saraka-Masɔlɛnuta Tɔnnu 20:17

Ni kei do ya a sa dunmusi donubɛ a na fɛ, kisimiriya-koe le wo la. Wo si mɔgɔ sawɛ wonu nakɛ tɛ rɔ ka anu mintan gburr! Mari ti sɔn wo ko sufanu ma.

Tɔn-Fɔɛ-Fila-Nyɔgɛ 22:21

anu si ta dunmusi wo la a fala bonda-dɛ la. Kei minnu bi soe wo burɔ, wonu si a mabon kuri la nyɔ, ha a ni faga. Sunkurɔn ya miliya-koe le ladan male Isirɛla mɔgɛnu tɛma bawo a ara kei-koe tɛgɛ a fa warɛ bɔn la, ado anu ma a latenbi wɛ ala kei ma fɔlɔn. Ni wole Isirɛla mɔgɛnu ya wo ma, wo si ko-yogomɛ kɛ sufa ban de wo tɛma.

Tɔn-Fɔɛ-Fila-Nyɔgɛ 22:29

kei min buira a ma wo la, wo si wodi-gbɛ gbu bi-loli bɔ ka dunmusi wo furu wo la a fa ma. A ti a ban dunmusi wo la muk, bawo a buira a ma le.

Kɛlɛ-Kurugbɛnu 19:23

Kɛmɔgɛ wo bɔra luyi ma anu bara, a ko, “N bɔnu, wo yandi, wo kana ko-yogoma-su kɛ ma. Koe minnu ma daga, wo kana wonu ma nna sundan la.

Kɛlɛ-Kurugbɛnu 20:6

Woletɔ n ya a suyi bi ka a ratɛgɛtɛgɛ ka a ratala Isirɛla bɔnsɔn tan-ni-fila bɛɛ la bawo anu bara ko-yogoma-su kɛ ma male Isirɛla mɔgɛnu tɛma.