2 Samuwɛli 12:9 - ALLALA KUMƐ

⁹ Mari ko nfenna i wara ala kumɛ bɔ a gbɛ rɔ? A ko nfenna i wara ko-yogoma-su kɛ ma? I wara a ma, Amonnu bara Yuraya faga kɛlɛ rɔ. Wo kɔma fanan, i wara ala musi bi!

2 Samuwɛli 12:9 Iomraidhean Croise

2 Samuwɛli 11:4

Mansa Dawuda ya mɔgɛ do sɔ Batasiba wo kele tinɛ. Musi wo nanɛ, Mansa Dawuda ya a sa wo fɛ. (Kɔnɔ wo ya a taran, musi wo bɔ-san le ala wati rɔ ka a nyɛrɛ sɛninya iko tɔn ya a fɔ nya min.) Anu ban, musi wo tara a warɛ bɔn la.

2 Samuwɛli 12:10

A ko nba, min bi nala mala ile la gbɛ, ka a bi ila dannu ma ka a sigi i kegeyɛnu na, mɔgɔ kelen-kelen si faga wo dama rɔ tɔrɔyɛ bolo bawo i wara ata kumɛ tinya ka Yurayala musi bi.

2 Samuwɛli 16:7

A ya Mansa Dawuda mamɔɛn dabira tun. A ko, “I bɔ yan! Ile mɔgɔ fagalɛ, ko-yogoma-kɛlɛ.

1 Mansɛnu 15:5

Mari ya kɛ ma le bawo Mansa Dawuda taranta a sako kɛla nun fɔ Yuraya Hɛti kɛ wara-koe dɔrɔn.

1 Mansɛnu 21:19

I ni a fɔ a ye ko nde, Mari ko a ara mɔgɔ faga, wo ma a wasa, a ni ala dugi bi tun? I ni a fɔ a ye tun ko wulinu ya Nebɔti yele manɛ kan min, anu si ale fanan yele manɛ nyɔ rɔ, yɔ!” Nɛbi Ilaya tara.

2 Ko-Kɔrɔta-Karan 33:6

A ya ala den-keinu ma saraka-mintantɛnu na bɛsɛnu ye Hinom lɛɛ rɔ. Bolo-tafɛlɛn-koe wo, duruya-koe wo, a yi-kɔrɔ-fɛlɛn-koe wo, a ya wo dama ma. Hali nyina-kɔlɛnu, a tara ke wonu fanan ma. A ya hakɛ min kɛ Mari la, wo da-rakoloyara. Wo le ya a ma, Mari fonde bɔra a kuma.

Yaburi 51:14

E, Alla, n bara niyi min bɔ, n makoto wola ko la. Wo kɔma, i wara n nakisi nya min, n si sigi sa ila telenbagayɛ wola ko la.

Yaburi 51:16

Ni i ye nyinina sarakɛ le ma nun, n si wo bɔ le kɔnɔ saraka-mintantɛ ti i hɛnɛ.

Yaburi 51:4

N bara hakɛ min kɛ, n bara bila ile Alla le fɔlɔfɔlɔn na. N bara karagbɛlɛya-siyaman kɛ i yala. Woletɔ n tɔrɛ i bolo, wo bɛnta, ado n yilikiyi i bolo, wo telenta le, yɔ!

Yaburi 90:8

I ye ma hakɛnu nabɔla gbɛ ma i yakɔrɔ. Hali ma hakɛ minnu dogonnɛ, i ye wonu yenna.

Hɛnkilimaya-Kumɛnu 14:2

Mɔgɔ-latelennɛ si kilan Mari la kɔnɔ karagbɛlɛ kɛ-nya si a yira ko Mari ma di a ye.

Aiseya 5:24

Nba kaka, wo ara wo suli min nayigi iko kɔlɔmatɛ, wonu si tuli. Wo fere minnu bi wo la, fɔnyɔ si wonu nayalan. Wo si ma iko binyɛ min sanɛ tɛ rɔ bawo wo ara wo ban Isirɛlata Alla Sɛnimɛ, Mari Sɛnbɛ-Bɛɛ-Tigita labilɛ la.

Yɛrɛmaya 18:10

Kɔnɔ ni a ya a yen, sibole wo ye karagbɛlɛya-koe kɛla, a ko a si a fonde yɛlɛma. A miri ye ko-nyimɛ min ma a ye nun, a ti wo ma tun.

Emɔsi 2:4

“Mari ko wole Yuda nyamanita-mɔgɛnu, wole ara hakɛ dan-natenbi, ado a si wo tɔrɔ, yɔ! Mari ko wo ara ale nyɛrɛta karan lɔn fufafuyi la ka tɛgɛ a rɔ. Wo ye bɛsɛnu kɔla iko wo benbanu ya a ma nya min.

1 Samuwɛli 15:19

Nfenna i ma Marita kumɛ wo bira? Nfenna wo ya wo buri tala fen-kolomɛ wonu birala ka Mari fonde magboya?”

1 Samuwɛli 15:23

Ka murutiya Mari ma, wo yogo a yala iko suwagayɛ. Wasinteyɛ yogo a yala iko bɛsi-kɔ-koe. Bawo i wara i ban Marita kumɛ birala woletɔ ale fanan bara a ban ile fananta mansayɛ ma.”

1 Samuwɛli 15:26

Samuwɛli ya a fɔ ko, “N ti bila i fɛ nyɔ. Ile ara i ban Marita kumɛ birala. Ale fanan bara a ban ita mansayɛ ma Isirɛla mɔgɛnu kuma!”