2 Samuwɛli 12:31 - ALLALA KUMƐ

³¹ A ya Amonnu ma ala yɔɔn la ka anu nawɔli sɛrɛ anubɛ dɛɛ anubɛ tɛgɛran la. A ya donu sɔ bulɔku-gbesi-ko-wɔlɛ la. A ya wo ma Amon nyamanɛ mɔgɛ dama la wo nya na le tɛrr! A ban wo mala, a ya ala kɛlɛ-nyama bi. Anu sɛgira Yerusalɛm.

2 Samuwɛli 12:31 Iomraidhean Croise

2 Samuwɛli 8:2

Wo kɔma, a tara bui Mohabu kɛnu ma ka anu bira. A ya anu sa dugi ma. A wa mɔgɔ fila faga, a sawa nyɔgɛ, a si wo to. Wole ya a ma, Mohabu nyamanɛ tora a kɔrɔ. Anu tora duti dila ale Dawuda ma.

1 Ko-Kɔrɔta-Karan 20:2

Mansa Dawuda ya anuna mansɛla mansaya-fulɛ bi a kunyɛ la ka a don a nyɛrɛ salɛ la. Fulɛ wo, sɛnɛ le wo la. Kuru-da-gbɛlɛnu nɔrɔnɛ a ma tala. Fulɛ wola gbiliyɛ anubɛ fui-fan bɔrɔ-talɛla gbiliyɛ rakɛn de! Wo kɔma, kɛlɛ ya fen-kolomɛ minnu bira, a ya wonu bi.

1 Ko-Kɔrɔta-Karan 20:3

Tɛgɛran wo, dɛɛ wo, sɛrɛ wo, a ya wonu don Amon wonu bolo ka anu ma ala yɔɔnnu na. Amonnuna soe wo bɛɛ rɔ, a ya a ma anu dama la wo nya na le tɛrr! A ban wo mala, a ya ala kɛlɛ-nyama bi. Anu sɛgira Yerusalɛm.

Yɛrɛmaya 43:9

“Kuri donu bi ka anu togon borongbɛ rɔ kilɛ la Iyipiti mɔgɛnuna mansala bolon-don-dɛ yarɔ Tapanisi soe burɔ yan. I ni wo ma i ta-nyɔgɛ Yuda kɛ donu yala.

Emɔsi 1:13

“Mari ko wole Amon nyamanita-mɔgɛnu, wo ara hakɛ dan-natenbi, ado a si wo tɔrɔ, yɔ! Wo ye wola nyamani-kuma-kɛlɛ kɛla tumɛ min, wo ya ko-yogoma-siyaman ma hali ka nyaganɛ-kolomɛnu buyi rafara Kaliyadi nyamanɛ rɔ.

Emɔsi 1:14

Wo sɔn, wonu denu bi a mala, a ye tɛ layigila wola soe kuma, Raba, kɔni, ka anubɛ a tarɛ mintan gburr! Wo wati rɔ, sɔnkɔ-sɔnkɔ anubɛ kɛlɛ si taran nyɔ rɔ. Kɛlɛ si gbɛlɛya wo kuma iko banda-fin-fɔnyɔ.

Emɔsi 1:3

Emɔsi ya Mari kuman-kan latenbi ko, “Wole Damasika kɛnu, wo ara hakɛ dan-natenbi, ado a ko a si wo tɔrɔ, yɔ! Wo ara Kaliyadi nyamanita-mɔgɛnu bira boloko-yogomɛ-kɛ.

Hiburunu 11:37

Anu ya donu mabon kuri la ha anu fagara. Anu ya donu kundu bɔ sɛrɛ la. Anu ya donu faga faan la. Donuna bolo-kolonyɛ ya a ma, anu bi saga-gbolenu anubɛ baa-gbolenu denu donna ka anu bɛnsɛnkɔninya. Mɔgɛnu ya anu bira boloko-yogomɛ-kɛ.