2 Samuwɛli 12:19 - ALLALA KUMƐ

¹⁹ Mansa Dawuda ya a yen min kɛ, anu bi wɛwɛ sala anu nyɔgɔn ye, a suira ala dan saya-koe ma. A ya anu manyinika, a ko, “Nna dan le wara faga, wa?” Anu ko, “Ɔn!”

2 Samuwɛli 12:19 Iomraidhean Croise

2 Samuwɛli 12:18

Lɔgɔkun kelen tenbinɛ, dan wo fagara. Ala mɔgɔ-banu kilanta wo fɔla a ye. Anu ko, “Dan kɛ kirɛ sanɛ wati min, ni ma kumara Mansa Dawuda la, a ti ma denkun. Kama, ni male tara a fɔ a ye gbɛ ko ala dan ara sa, a ti fɛɛ sa a nyɛrɛ la?”

2 Samuwɛli 12:20

Mansa Dawuda ya a lasɔ dugi ma. A tara a ku ka a kunyɛ rabɔ. A ya a mayɛlɛma. Wo kɔma, a tara Mari bato tinɛ. A bɔɛ nyɔ, a nara bɔn la. A ya dɔn-fan makele. Anu nara wo la tumɛ min, a ya a dɔn.

2 Samuwɛli 13:39

Kɔnɔ saya-koe wo makimanɛ, ala den Abasalɔm min bara a buri wo la, wo sɔgɛ ya Mansa Dawuda bira tun.

1 Tɛsalonaika 4:13

Ma na-kelen-nyɔgɛnu, minnu bara ta lakira nun, ma ye a fɛ, wo ni a lɔn anu bara-koe ye nya min. Wo le si a ma, wo ma ti kinikini iko minnu yigi sa habadan-nimayɛla ko la.