2 Samuwɛli 12:13 - ALLALA KUMƐ

¹³ Mansa Dawuda ya a sɔn a hakɛ la, a ko, “N bara bila Mari la.” Nɛbi Netan ya a fɔ a ye ko, “Mari ara i makoto, i ti faga.

2 Samuwɛli 12:13 Iomraidhean Croise

Ko-Dabirɛnu 39:9

Ila kei ara a ma, ma ra ara kɛnya bɔn kɛ la. A ma fenfen namara a nyɛrɛ ye, fɔ ile. Nde si nfen ko-yogomɛ ma n tigi wola musi la? Ni nde ya wo ma, n bara bila Alla la.”

2 Samuwɛli 24:10

Mansa Dawuda ban mɔgɛnu danna, a yisi ma kima tun. A ya a fɔ Mari ye ko, “N bara min ma kɛ la, n bara hakɛ-wɛ le kɛ kɛ la ka bila ile Mari le la wo la. I yandi, Mari, n makoto. N bara kun-takolonya-koe le ladan kɛ la.”

2 Samuwɛli 24:17

Mansa Dawuda ya ale niyi-bɔ-melika yen. A ya a fɔ Mari ye ko, “Ko-tinyanɛ ye nde le la. Nde le wara ko-yogomɛ ma. Mɔgɔ-makinikininɛ kɛnu bara nfen ko-yogoma ma? A bɛnnɛ tɔrɔyɛ kɛ ni sigi mabɛ nna denbayɛ le la.”

1 Mansɛnu 13:4

Mansa Yɛrabowami ya wo lamɔɛn min kɛ, a ya a bole sɔ Allata mɔgɛ wo la. A ko, “Wo ni a bira.” Mansɛ ya a bole min sɔ a la wo la, wo sɔngbɔnnɛ tora. A ma ke a bole wo radula tun.

1 Mansɛnu 21:20

Mansa Ehabu ya Nɛbi Ilaya yen tumɛ min, a ya a fɔ a ye ko, “N yoge, i wara n gba bɔ?” Nɛbi Ilaya ko, “Ɔn! Koe minnu ma di Mari ye, i wara i nyɛrɛ ma wonu malɛ la.

1 Mansɛnu 22:8

Mansa Ehabu ya a fɔ a ye ko, “Mɔgɔ kelen bi yan, Imilala den Nɛbi Mɛkaya, kɔni. Kɔnɔ wo ma di n ye mumɛ bawo a ti wɔlɔyiya-kuma-wo-kuma fɔ n ye min di n tole la fɔ a yogomɛ gbansan!” Mansa Yɛhosafati ya Mansa Ehabu makawandi ko, “A ma bɛn, i ni kuma-sufa kɛ fɔ muk!”

2 Mansɛnu 1:9

Wo kɔma, mansɛ ya ala kɛlɛ-den bi-loli bila ala kɛlɛ-den-kunyɛ do fɛ ko anu ni ta Nɛbi Ilaya bira. Wonu tara a siginɛ taran kɔnkɛ do kuma. Kɛlɛ-den-kunyɛ wo ya a fɔ Nɛbi Ilaya ye ko, “Ile Allata mɔgɛ, mansɛ ko i ni yigi yan!”

1 Ko-Kɔrɔta-Karan 21:8

Mansa Dawuda ya a fɔ Alla ye ko, “N bara min ma kɛ la, n bara hakɛ kɛ ka bila ile, Alla le la wo la. I yandi, n makoto. N bara kun-takolonya-koe le ladan kɛ la.”

2 Ko-Kɔrɔta-Karan 16:10

Mansa Esa diminyara nɛbi wo ma ha a ya a sa banba la. A donta ko-yogoma-kɛ la ata mɔgɛ donu na wo wati rɔ.

2 Ko-Kɔrɔta-Karan 25:16

Mansa Hamasa ya nɛbi wola kumɛ tɛgɛ a da rɔ. A ya nɛbi wo manyinika, a ko, “Ha bi, nde ara i manyinika n makawandi-koe rɔ? A sigi-a-la don! Ni wo ma, n si i wara-koe ka-a-la.” Kɔnɔ yanni nɛbi wo ni a rade, a ya a fɔ ko, “Kaka, n bara a lɔn ko Alla ara ban a latɛgɛla ko a si i kasara ka a tɛgɛ i wara min ma kɛ la, ado i ma i tole masɔ nna makawandili-kumɛ la.”

Yobu 33:27

A si sɔ nyama tɛma, a ni a fɔ ko, “N bara hakɛ kɛ.” A ni a fɔ ko, “N ma ko-nyima ma kɔnɔ Alla ara n nakanan.

Yaburi 103:12

Iko tele-bɔɛ fɛ-yan tele-yigi la nya min, a ye ma hakɛ masɛgila ma la wo nya na le.

Yaburi 51:16

Ni i ye nyinina sarakɛ le ma nun, n si wo bɔ le kɔnɔ saraka-mintantɛ ti i hɛnɛ.

Yaburi 51:4

N bara hakɛ min kɛ, n bara bila ile Alla le fɔlɔfɔlɔn na. N bara karagbɛlɛya-siyaman kɛ i yala. Woletɔ n tɔrɛ i bolo, wo bɛnta, ado n yilikiyi i bolo, wo telenta le, yɔ!

Yaburi 51:6

Kɔnɔ ile ye nyinina min ma n yisi rɔ fɔ ko-latelennɛ anubɛ tonyɛ dɔrɔn. I ni n sɔndɔmɛ lafa ita hɛnkilimayɛ la.

Bɔ-Koe-Iyipiti 9:27

Ale mansɛ ya mɔgɛ do sɔ Musa anubɛ Aruna kele tinɛ. Ale mansɛ ya a fɔ anu ye ko, “N bara bila wota Mari la wati kɛ rɔ. Yoe ye wota Mari bolo. Malebɛ nta mɔgɛnu yiliki.

Hɛnkilimaya-Kumɛnu 25:12

Mɔgɛ min si sɔn a tole masɔla labila-kumɛ la hɛnkilimɛ bolo, kumɛ wo si kinya a ye iko sɛnɛ-foro-hakikɛ min bo sa a yala.

Hɛnkilimaya-Kumɛnu 28:13

Mɔgɛ min si a hakɛ dogon, wo tigi ti ta yarɔ. Kɔnɔ mɔgɛ min bi a hakɛ bɛɛ labɔla gbɛ ma ka anu boloka, Mari si kinikini wo tigi ma.

Aiseya 38:17

Nna gboyanayɛ mara n ye kun-nadiyɛ la. I taranta n natankala gbalo-koe bɛɛ ma. I ye n hakɛ bɛɛ makotola.

Aiseya 43:24

woletɔ ma sa isɛnti sanna a ye tun. Ma sa a wasa-koenu kɛla ka to sogo-kɛɛn dila a ma. Kɔnɔ ma ara to ma hakɛ-dunɛnu sala a kuma. A ko ma ara to ko-yogomɛnu sigila a kuma min kɛ, wo ara a labandan.

Aiseya 44:22

A ya ma hakɛnu firan ma ma iko fɔnyɔ wa sigi banda-finyɛ kɔrɔ. A ye a fɔla ma ye ko ma ni sɛgi a ma. Ma lakanannɛ le ale la.

Nimisa Koe 3:32

Hali a ye tɔrɔyɛ sigila mɔgɔ ma, a si kinikini a ma bawo ata keninteyɛ da rakolo.

Saraka-Masɔlɛnuta Tɔnnu 20:10

“Ni kei do ya a sa a ta-nyɔgɛla musi fɛ, Mari ko wo ni anubɛ musi wo faga.

Saraka-Masɔlɛnuta Tɔnnu 24:17

“Min sanɛ wo kuma fanani, ni min ya mɔgɔ faga, wo ni wo fanan faga.

Sakaraya 3:4

Mari ya a fɔ a nyɛrɛ-kɔrɔ-wɔlilɛnu ye ko anu ni kei kɛla kura-nɔgɔnɛnu bɔ a ma ka ta anu na. Wo kɔma, a ya a fɔ ale Yasowa ye ko, “N bara i hakɛ makoto, ado n bi kura kurɛnu denu dila i ma gbɛ!”

Matiyu 14:10

Woletɔ a ya mɔgɛ do sɔ ka Yɔni kunyɛ tɛgɛ a la yele la.

Luka 15:21

Ala dan ko, ‘N fa, n bara hakɛ kɛ Alla anubɛ ile fanan na. A ma bɛn tun i ni n kele ko ila dan.’

Luka 18:13

“Kɔnɔ duti-makelelɛ wo ya a masɛgi a la. A ma sɔn hali ka a yɛ layɛlɛ san ma fɔ ka a kɔgɔ-dɛ matugu. A ko, ‘E, Alla, kinikini nde hakɛ-tigi ma!’

Kɛwɔlɛnu 2:37

Mɔgɛnu ya wo lamɔɛn tumɛ min, wo ya anu yisi tɔrɔ dɔgɔma-ma-de! Anu ya a fɔ Pita anubɛ Yisata kilayɛ doinu ye ko, “Ma na-kelen-nyɔgɛnu, ma si nfen ma gbɛ?”

Hiburunu 9:26

Ni wo mara nun, kebi duninya danta tumɛ min, a si tɔrɔ siyaman. Kɔnɔ a wati-kanbalinɛ, Yisa nara iko kelen pe ka dan wo ma ka a nyɛrɛ ma sarakɛ la alako mɔgɛnu hakɛnu ni ban feu!

1 Yɔni 1:7

ado ma sa ko-latelennɛ kɛla kɔnɔ ni ma tora waan rɔ iko ale ye waan rɔ nya min, ta-nyɔgɔnyɛ ye ma bolo ma nyɔgɔn fɛ worɔ. Allala den Yisa yele si ma sɛninya ka ma bɔ ma hakɛ bɛɛ rɔ.

Lankɛnimayɛ 1:5

Hinɛ anubɛ yisi-kimɛ wonu ni na fanan ka bɔ Yisa, Allata-Mɔgɔ-Yabɔnɛ bolo, dɛnkɛninya-sereyɛ, kɔni, ado a fɔlɔtɛ le Yisa la min nawulita ka bɔ furinu tɛma. A ye kun-tigiyɛ kɛla duninya-mansɛnu kun na fanan. A ara ma keni ka ma hɔrɔya mala hakɛnu ma ala sayɛ fɛ.

1 Samuwɛli 15:20

Mansa Sɔli ya a fɔ ko, “N ya Marita kumɛ bira le. N tara kɛlɛ kɛ iko a ya a fɔ n ye nya min. N nara anuna mansɛ Ekaki la. N ya Amalɛki damasi faga.

1 Samuwɛli 15:30

Mansa Sɔli ya Samuwɛli madiya, a ko, “Hali n bara hakɛ kɛ kɔnɔ gbiliyɛ di n ma nta mɔgɔ-banu anubɛ Isirɛla mɔgɛnu yala. A ma, ma bɛɛ ni ta ma nyɔgɔn fɛ alako n ni ta ita Mari Alla bato.”