2 Samuwɛli 11:15 - ALLALA KUMƐ

¹⁵ A ya min sɛbɛ kɛdi wo rɔ, a ko Yohabu ni Yuraya lata kɛlɛ kunaya tinɛ. A ko a wa ban wo mala, anu ni anu bɔ a dafɛ alako a kunyɛ ni to kɛlɛ rɔ. Yuraya tara kɛdi wo don Yohabu bolo.

2 Samuwɛli 11:15 Iomraidhean Croise

2 Samuwɛli 11:16

Yohabu ye kɛlɛ kɛla Raba soela foolɛ rɔ tumɛ min, kɛlɛ sɛnbɛ ye a la kan bara la, a ya ale Yuraya latuntun anu yogenu ma nyɔ.

2 Samuwɛli 11:17

Anu yogenu bɔra Raba soe burɔ ka na Yohabu kɛlɛ tinɛ. Anu ya Yuraya anubɛ Mansa Dawudala kɛlɛ-den-kun-tigi donu faga.

2 Samuwɛli 12:9

Mari ko nfenna i wara ala kumɛ bɔ a gbɛ rɔ? A ko nfenna i wara ko-yogoma-su kɛ ma? I wara a ma, Amonnu bara Yuraya faga kɛlɛ rɔ. Wo kɔma fanan, i wara ala musi bi!

1 Mansɛnu 15:5

Mari ya kɛ ma le bawo Mansa Dawuda taranta a sako kɛla nun fɔ Yuraya Hɛti kɛ wara-koe dɔrɔn.

Yaburi 51:14

E, Alla, n bara niyi min bɔ, n makoto wola ko la. Wo kɔma, i wara n nakisi nya min, n si sigi sa ila telenbagayɛ wola ko la.

Yaburi 51:4

N bara hakɛ min kɛ, n bara bila ile Alla le fɔlɔfɔlɔn na. N bara karagbɛlɛya-siyaman kɛ i yala. Woletɔ n tɔrɛ i bolo, wo bɛnta, ado n yilikiyi i bolo, wo telenta le, yɔ!

Makawandili Kumɛnu 8:11

Mɔgɛnu bi tola karagbɛlɛyɛ kɛla bawo anu sa anuna tɔrɔyɛ sɔrɔnna yona.

Yɛrɛmaya 17:9

Mari ko hadama-dan-sɔn yogo ha ka a dan-natenbi. A ti a sɔn yɛlɛma mumɛ, ado mɔgɛ ti ban hadama-dan-sɔn nya-yenna.

Yɛrɛmaya 20:13

Ma ni bɛti bɔ wona Mari ye. Ma ni Mari matɔgɔ bawo a ara makolamɛnu niyi lakisi. A ya wonu kunyɛ bɔ gbaran rɔ karagbɛlɛnu bolo.

1 Samuwɛli 18:17

Mansa Sɔli ya a fɔ Dawuda ye ko, “Ni i ya i kerinteya ka Marita kɛlɛ kɛ n ye, n si nna dunmusu-sirɛ di i ma min tɔgɛ Mɛrabu.” (Sɔli ya kɛ ma bawo a ma di a ye ale ni Dawuda faga fɔ Filisitinu.)

1 Samuwɛli 18:21

Mansa Sɔli ya a miri a yisi rɔ ko, “N si ke le Mikali fanan dila Dawuda ma. Wo si ma gbɛrɛ la a ye alako Filisitinu ni a faga.” Mansa Sɔli ya a fɔ Dawuda ye tun ko, “I si ma n biran-kei la gbɛ!”

1 Samuwɛli 18:25

Woletɔ mansɛ ya a fɔ anu ye ko anu ni ta a fɔ Dawuda ye ko, “N bi nyinina min ma ale bolo ka nna dunmusi furu a la, wo le, a ni ta Filisiti mɔgɔ kɛmɛ faga ka anu nakemininya. A ni na wonu sogo-kundinu na n ma. Wo si ma n tayili-sara la Filisitinu bara la.” (Mansɛ ye kɛ dama mala le alako Filisitinu ni Dawuda faga.)