2 Samuwɛli 11:1 - ALLALA KUMƐ

¹ Mansɛnuna kɛlɛ-kɛ-wati kenɛ, Mansa Dawuda ya Yohabu anubɛ ala mɔgɔ-banu anubɛ ala kɛlɛ-dan bɛɛsi lata. Anu ya Amonnu nɔ ha ka ta anuna so-karantan Raba soe lafoo ka ta bui anu ma. Kɔnɔ Mansa Dawuda tora Yerusalɛm soe burɔ.

2 Samuwɛli 11:1 Iomraidhean Croise

2 Samuwɛli 10:14

Amonnu ya a yen min kɛ, Siriyanu bara anu buri, anu denu fanan ya anu buri Abisayi kɔrɔ ka don tarɛ burɔ. Yohabu ya ala kɛlɛ-dan damasi bi. Anu sɛgira Yerusalɛm.

1 Mansɛnu 20:22

Kɛlɛ wo kanɛ a la, nɛbi wo tara a fɔ Mansa Ehabu ye tun ko, “Ila kɛlɛ-dannu makofu. I ni anu makaran kɛlɛ la bawo ka-nyɔgɔ-tumɛ yari, Siriya mansɛ wonu si na wo kɛlɛ tinɛ tun.”

1 Mansɛnu 20:26

Wo san nasɛgi, a ya ala kɛlɛ-dannu kele. Anu tara Afɛki soe kan ma Isirɛla mɔgɛnu kɛlɛ tinɛ.

1 Ko-Kɔrɔta-Karan 20:1

Wo san nasɛgi, mansɛnuna-kɛlɛ-wati kenɛ, Yohabu ya ala kɛlɛ-dannu bi. Anu tara bui Amon nyamanɛ ma. Lunyɛ do, anu tara bui anuna so-karantan do ma min tɔgɛ Raba ka a kasara. Kɔnɔ hali wo, Mansa Dawuda ma a maga Yerusalɛm soe burɔ.

2 Ko-Kɔrɔta-Karan 36:10

San kurɛ kenɛ, Mansa Nɛbukanasa tara ale Mansa Yɛhoyasin anubɛ Mari Bato-Bɔn fen-kolomɛnu na a bolo Babilɔn. Wo kɔma, a ya Mansa Yɛhoyasin fa dɔgɔma Sɛdɛkaya ma mansɛ la ale Yɛhoyasin gbɛ rɔ Yuda nyamanɛ anubɛ Yerusalɛm soe kun na.

Yaburi 60:9

E, Alla, yon si a ma, n ni don Idɔm nyamanita so-karantan rɔ? Yon si a ma, n ni Idɔm mɔgɛnu nɔ?

Makawandili Kumɛnu 3:8

Diya-wati ye nyɔ, gboya-wati ye nyɔ. Kɛlɛ-wati ye nyɔ, yisi-kima-wati ye nyɔ.

Yɛrɛmaya 49:2

Wati ye nala, mɔgɛ minnu siginɛ Amonnuna so-karantan Raba burɔ, Mari ko a si a ma, wonu ni kɛlɛ-sɔnkɛ lamɔɛn. Soe wo si to tonbonyɛ la. A dafɛ-so-mɛsɛnu si mintan gburr! Minnu ya kan-tinɛ wonu bi Isirɛla mɔgɛnu bolo nun, Isirɛla mɔgɛnu fanan si anu gben nyɔ.

Yɛrɛmaya 49:3

Hɛsibɔn kɛnu ni di sɔɛɛ! Eyai soe si na halaki. Raba musinu ni anu dɛ bolobɔ. Anu ni kasa-kurɛnu kɛ anu ma di-kɛ-tinɛ. Anu ni to yigi-ni-yɛlɛ kɛla kɔndɔfili bolo. A ko anu yogenu si ta anuna bɛsi Molɛki anubɛ a kɔlɛnu anubɛ anuna mɔgɔ-banu na.

Isikiyɛli 21:20

min si Amonnuna soe Raba yira mansɛ la. Mandan wo si Yuda kɛnuna so-latankanɛ Yerusalɛm yira ale mansɛ fanan na.

Emɔsi 1:14

Wo sɔn, wonu denu bi a mala, a ye tɛ layigila wola soe kuma, Raba, kɔni, ka anubɛ a tarɛ mintan gburr! Wo wati rɔ, sɔnkɔ-sɔnkɔ anubɛ kɛlɛ si taran nyɔ rɔ. Kɛlɛ si gbɛlɛya wo kuma iko banda-fin-fɔnyɔ.

Sakaraya 14:3

Wo kɔma, Mari si ta sibole kɛnu kɛlɛ iko a duruta a mala nya min nun.

Tɔn-Fɔɛ-Fila-Nyɔgɛ 3:11

(Mansa Ɔku kelen pe le tonɛ a niyi la nun Rɛfɛnnu tɔ. Kɔnɔ tɔ-a-la, anu ya a faga. A ya ala nɛgɛ-sofa min nadan, wola yanyɛ, nunkan-nya kɔnɔntɔ. A kɔnɛ, nunkan-nya nani. Ha kaka, ala nɛgɛ-sofa ye Raba soe burɔ Amonnuna nyamanɛ rɔ.)

1 Samuwɛli 18:30

Dawuda anubɛ Filisitinu ya kɛlɛ min bɛɛsi kɛ, Dawuda ya nɔ-ko sɔrɔn Filisitinu ma ka tenbi Mansa Sɔlila kɛlɛ-den-kun-tigi doinu na. Woletɔ Dawuda tɔgɛ bɔra bɛrɛkɛ!