2 Samuwɛli 10:8 - ALLALA KUMƐ

⁸ Amonnu ya anu sɔ-bole rabɛn anuna so-karantan-tarɛ-don-dɛ la min tɔgɛ Raba. Anu ya Siriya kɛlɛ-dan minnu masan Tɔbu nyamanɛ anubɛ Meyaka nyamanɛ rɔ, wonu fanan ya anu sɔ-bole rabɛn Dawuda kan ma gbɛkole ma.

2 Samuwɛli 10:8 Iomraidhean Croise

2 Samuwɛli 10:6

Amonnu ya a lɔn min kɛ ko anu bara Mansa Dawuda ma anu yoge la, anu tara Siriya kɛlɛ-dan mɔgɔ waga mogan (20,000) masan Soba soe anubɛ Bɛti-Rihobu soe burɔ. Anu tara mɔgɔ waga tan-ni-fila masan Tɔbu nyamanɛ rɔ fanan. Anu tara Meyaka nyamanita mansɛ wara ka ale anubɛ ala kɛlɛ-dan mɔgɔ waga kelen (1,000) masan.

2 Samuwɛli 10:7

Mansa Dawuda fanan ya wo lamɔɛn min kɛ, a ya ala kɛlɛ-den-kun-tigi Yohabu anubɛ ala kɛlɛ-dan bɛɛsi lata Amonnu kɛlɛ tinɛ.

2 Samuwɛli 10:9

Yohabu ya a yen ko a ye kɛlɛ tɛma gbɛ, kɛnu bi a yarɔ, kɛnu bi a kɔma. Woletɔ a ya ala kɛlɛ-den-tagbɛlɛnu natugu Siriyanu ma minnu bi gbɛkole ma.

2 Samuwɛli 23:34

Ahasabayila den Ilifɛlɛti ka bɔ Meyaka soe burɔ, Ahitafɛlila den Ɛliyamu ka bɔ Kailo soe burɔ,

1 Ko-Kɔrɔta-Karan 19:7

Kɛlɛ-dan kirindi-tigi mɔgɔ waga bi-sawa ani mɔgɔ waga fila (32,000), wonu wulita ka ta kofu Meyaka mansɛ anubɛ ala kɛlɛ-dannu ma. Anu dama wulita Mansa Dawuda kan ma ka ta anu daga makɛ Midaba soe dafɛ. Wo kɔma, Amonnuna kɛlɛ-dan damasi wulita Mansa Dawuda kɛlɛ kan ma.

1 Ko-Kɔrɔta-Karan 19:9

Amonnu ya anu sɔ-bole rabɛn anuna so-karantan-tarɛ-don-dɛ la min tɔgɛ Raba. Anu ya kɛlɛ-dan minnu masan, wonubɛ anuna mansɛnu fanan tara anu sɔ-bole rabɛn Mansa Dawuda kan ma gbɛkole ma.

Yɛrɛmaya 40:8

Nɛtanayala den Sumanyila wo, Kareyala dannu Yohenan anubɛ Yonatan wo, Tanhumɛtila den Sɛraya wo, Ifayila dan minnu bɔra Nɛtofa soe burɔ wo, anubɛ Yeyasanaya min bɔra Meyaka soe burɔ wo, wonubɛ anuna kɛlɛ-dannu tara kofu Kɛdalaya ma Misipa soe burɔ.

Yilan-Yilan Koe 13:21

Mɔgɔ-ba tan-ni-filɛ kɛnu bɔra Paran wulɛ rɔ ka ta Kenan nyamanɛ mafɛlɛn tumɛ min, anu ya Kenan nyamanɛ mafɛlɛn fɔlɔn Sini wulɛ rɔ dugula wara la. Anu tara a mafɛlɛnna dugula wara la ha Anaki bɔnsɔn-mɔgɛnu bi Hiburɔn soe burɔ kan min. Anu ya Anaki kebilɛ min taran nyɔ, wonu kunba, anu yan, anu sɛnbɛ kolo. Anuna kebila-kunyɛnu tɔgɛ le kɛnu na, Ahiman wo, Sɛsayi wo, Talamayi wo. (Hiburɔn soe kina Sowan soe ko min bi Iyipiti nyamanɛ rɔ, san wɔrɔnfila.) Anu tara Kenan nyamanɛ lakɔrɔsila fanan kantɔ ha Rihobu soe burɔ min bi Hamati kɔnkɔ-gbɛran wara la. Anu sɛgimatoe belenta nɔnbɔ-gbɔɛ tɔnsɔn kelen tɛgɛla ka wonu bi. Anu ya nɔnbɔ-tɔnsɔn min tɛgɛ, wo gbili. Ka a tɛgɛ ata gbiliyɛ ma, fɔ anu ba a kiri kɔlɔma ma. Mɔgɔ fila si kɔlɔma wo bi ka a sa anu kanban-kunyɛ ma. (Anu ya nɔnbɔ-gbo-tɔnsɔn wonu sɔrɔn fole min na, anu ya fole wo tɔgɔ sa Tɔnsɔn Fole.) Anu nara toro-gbɔɛ anubɛ kɔlɔma-gbɔɛ donu fanan na min tɔgɛ pamakarani.

Yasowa 19:28

Iburɔn, Rihobu, Hamɔn anubɛ Kena soe wonu ma ha ka ta ke Saidon soe ma.

Kɛlɛ-Kurugbɛnu 1:31

Asɛra bɔnsɔn-mɔgɛnu ma so-kun wɔrɔnfila mɔgɛnu gben, Ako wo, Saidon wo, Alabu wo, Akisibu wo, Hɛlaba wo, Afɛki wo, anubɛ Rihobu.

Kɛlɛ-Kurugbɛnu 11:3

Yɛfɛta ya a buri a fala dannu kɔrɔ. A tara a sigi nyamanɛ do rɔ min tɔgɛ Tobu. Kemini-karagbɛlɛnu nara anu nadɛn a fɛ. Ale mara wonuna kun-tigi la.

Kɛlɛ-Kurugbɛnu 11:5

Kɛlɛ buinɛ, Kaliyadi mɔgɔ-banu tara Yɛfɛta kele tinɛ Tobu nyamanɛ rɔ