2 Samuwɛli 10:6 - ALLALA KUMƐ

⁶ Amonnu ya a lɔn min kɛ ko anu bara Mansa Dawuda ma anu yoge la, anu tara Siriya kɛlɛ-dan mɔgɔ waga mogan (20,000) masan Soba soe anubɛ Bɛti-Rihobu soe burɔ. Anu tara mɔgɔ waga tan-ni-fila masan Tɔbu nyamanɛ rɔ fanan. Anu tara Meyaka nyamanita mansɛ wara ka ale anubɛ ala kɛlɛ-dan mɔgɔ waga kelen (1,000) masan.

2 Samuwɛli 10:6 Iomraidhean Croise

Ko-Dabirɛnu 34:30

Yakoba ya a fɔ ala den Simiyɔn anubɛ Lifayi ye ko, “Wo ara nanparan le di n ma kɛ la. Wo sɔn kɛ si a ma, ma si gboya Kenannu anubɛ Perasanu anubɛ sibolo-gbɛrɛ dama ye, ado male ma siya iko anu denu. Ni wonu ya anu nadɛn ma kan ma, anu si ma lato dogbe!”

2 Samuwɛli 10:5

Mansa Dawuda ya wo lamɔɛn min kɛ, a ya mɔgɛ donu nata wonu nabɛn tinɛ, Amonnu bara minnu namiliya wo la. A ya a sara anu bara, a ko anu ni to sigini Yɛrikɔ ha anu buyɛ ni bɔ tun. Wo kɔma, anu ni na to nala Yerusalɛm.

2 Samuwɛli 10:7

Mansa Dawuda fanan ya wo lamɔɛn min kɛ, a ya ala kɛlɛ-den-kun-tigi Yohabu anubɛ ala kɛlɛ-dan bɛɛsi lata Amonnu kɛlɛ tinɛ.

2 Samuwɛli 16:21

Ahitafɛli ya a fɔ a ye ko, “Ta i sa i fa fɛ-sigi-musinu fɛ, a ya ala bolɔn to minnu bolo, kɔni. I wa wo ma tumɛ min, Isirɛla mɔgɛ damasi si a lɔn wo rɔ ko diyanaya ti taran wobɛ i fa tɛma tun, ado wo si a ma, ila mɔgɛnu ni kerinteya.”

2 Samuwɛli 23:34

Ahasabayila den Ilifɛlɛti ka bɔ Meyaka soe burɔ, Ahitafɛlila den Ɛliyamu ka bɔ Kailo soe burɔ,

2 Samuwɛli 8:3

Rihobula den Mansa Hadadisa, min bi Soba soe wo kun na, wo tanɛ kɛlɛ-kɛ-tinɛ Yufereti bɛ dafɛ alako a ni nyɔ bi tun a yogenu bolo. Mansa Dawuda anubɛ ala kɛlɛ-dannu tara bui anu ma ka Soba soe bi anu bolo.

2 Samuwɛli 8:5

Siriya-nyamanita-mɔgɛ minnu siginɛ Damasika soe burɔ, wonu ya a lamɔɛn nkɛkuna ko Mansa Dawuda ara ta bui Soba soe ma, wonu ya anuna kɛlɛ-dannu nata Mansa Hadadisa dɛnbɛ tinɛ. Wonu fanan ke nyɔ, Mansa Dawuda ya mɔgɔ waga mogan-ni-fila (22,000) faga wonu tɔ.

2 Mansɛnu 7:6

Mari ya a ma, Siriyanu ya anu buri. Mari ya a ma anu na iko Siriya wonu bara kɛlɛ-den-siyamɛ anubɛ anuna kirindinu anubɛ anuna soeenu na-kan le lamɔɛn. Siriya wonu miri nun ko Isirɛla mansɛ ara Hɛti kɛlɛ-dannu anubɛ Iyipiti kɛlɛ-dannu masan anu kan ma.

Yaburi 48:4

Mansɛnu bara anu kundɛn mala soe kɛ kan ma nun.

Bɔ-Koe-Iyipiti 5:21

Anu ya a fɔ Musa anubɛ Aruna ye ko, “Wo ara min ma, Mari ara wo yen. A si wo tɔrɔ kamasɔrɔn wo ara ma magboya mansɛ anubɛ ala mɔgɔ-banu bara la. Wo ara ma faga-kilɛ yira anu na.”

Hɛnkilimaya-Kumɛnu 25:8

Mɔgɛ ban min tagbɛla, a kana bara koe wo la ka ta a ta-nyɔgɛ la kiti-tɛgɛlɛnu bara. Tumado, ni anu ya wo fɛsɛfɛsɛ, a si ma miliya-koe la ale bolo.

Yɛrɛmaya 40:8

Nɛtanayala den Sumanyila wo, Kareyala dannu Yohenan anubɛ Yonatan wo, Tanhumɛtila den Sɛraya wo, Ifayila dan minnu bɔra Nɛtofa soe burɔ wo, anubɛ Yeyasanaya min bɔra Meyaka soe burɔ wo, wonubɛ anuna kɛlɛ-dannu tara kofu Kɛdalaya ma Misipa soe burɔ.

Yɛrɛmaya 46:21

Hali ala kɛlɛ den sannɛnu, wonu tafagani de iko ninki-dan sɔrɔn-san. Anu fenfen ma ke kɛlɛ rakɔnɔna fɔ ka anu buri. Anu kasara-tele ara na. Anu tinya-tele ara ke.

Tɔn-Fɔɛ-Fila-Nyɔgɛ 3:14

Manasa kegeyɛ do min tɔgɛ Yeya, wo tara bui Agabi sigisɔn-mɔgɛnu ma ka soe wonu bi min bi Basan nyamanɛ rɔ ha ka ta ke Kɛsɔra anubɛ Meyaka nyamanɛnu da kɔrɔ. A ya a tɔgɛ sa soe wonu kuma ka wonu kele ko Yeyaya. Ha bi, anu bi soe wonu kelela wo nya na le.

Kɛlɛ-Kurugbɛnu 11:3

Yɛfɛta ya a buri a fala dannu kɔrɔ. A tara a sigi nyamanɛ do rɔ min tɔgɛ Tobu. Kemini-karagbɛlɛnu nara anu nadɛn a fɛ. Ale mara wonuna kun-tigi la.

Kɛlɛ-Kurugbɛnu 11:5

Kɛlɛ buinɛ, Kaliyadi mɔgɔ-banu tara Yɛfɛta kele tinɛ Tobu nyamanɛ rɔ

1 Samuwɛli 13:4

Isirɛla mɔgɛ damasi ya a lamɔɛn ko Mansa Sɔli ara bui Filisitinu ma, ado anu ya a lamɔɛn fanan ko Isirɛla mɔgɛnu gboyanɛ Filisitinu ye lass! Isirɛla mɔgɛ bɛɛ kofura Mansa Sɔli ma Kiligali kɛlɛ rɔ.

1 Samuwɛli 27:12

Mansa Akisi lara Dawuda la kosɛbɛ! A ya a miri a nyɛrɛ ma ko, “Bawo Dawuda ma di a wara-mɔgɛnu ye Isirɛla nyamanɛ rɔ, a si to wɔlila n ye a siyi-tele-bɛɛ rɔ.”