2 Samuwɛli 10:18 - ALLALA KUMƐ

¹⁸ Siriya wonu ya anu buri Dawudala kɛlɛ-dannu kɔrɔ. Kɛlɛ-dan minnu bi kirindinu naburila, Isirɛla mɔgɛnu ya wonu mɔgɔ kɛmɛ wɔrɔnfila (700) faga. Minnu fanan bi soeenu naburila, Isirɛla mɔgɛnu ya wonu mɔgɔ waga bi-nani (40,000) faga. Isirɛla mɔgɛnu ya Siriya kɛlɛ-den-kun-tigi Sobaki tanban. Wo le ya a ma, wo kunyɛ tora kɛlɛ rɔ.

2 Samuwɛli 10:18 Iomraidhean Croise

2 Samuwɛli 10:17

Mansa Dawuda fanan ya wo lamɔɛn min kɛ, a ya Isirɛla kɛlɛ-dannu kundɛn kan-tina-kelen. Wonu ya Yorodan bɛ tɛgɛ ka ta Siriyanu magbenna Hilam soe burɔ. Anu ya a taran, Siriya wonu bara anu sɔ-bole rabɛn tarɛ dɛ la anu denu kan ma. Anu ya kɛlɛ dabira.

2 Samuwɛli 8:4

Kɛlɛ-dan minnu bi soeenu naburila, Mansa Dawuda ya wonu mɔgɔ waga kelen anubɛ mɔgɔ kɛmɛ wɔrɔnfila (1,700) bira. So sa kɛlɛ-dan minnu bolo, a ya wonu mɔgɔ waga mogan (20,000) bira. Soee minnu si ke kirindi kɛmɛ saganna, a ya wonu namara. A toe, a ya wonu kin-kɔma-fasɛnu natɛgɛ.

1 Ko-Kɔrɔta-Karan 19:18

Siriya wonu ya anu buri Mansa Dawudala kɛlɛ-dannu kɔrɔ. Kɛlɛ-dan minnu bi kirindinu naburila, Isirɛla mɔgɛnu ya wonu mɔgɔ waga wɔrɔnfila (7,000) faga. Minnu bi tagamana anu kian ma, Isirɛla mɔgɛnu ya wonu mɔgɔ waga bi-nani (40,000) faga. Isirɛla mɔgɛnu ya Siriya kɛlɛ-den-kunyɛ Sofaki faga.

Yaburi 18:38

N ya anu gbesi dugi la. Anu ma ke anu nasɔla tun. Anu tora sani n kɔrɔ.

Yaburi 46:11

Mari Sɛnbɛ-Bɛɛ-Tigi ye ma fɛ. Mala kanannɛ le Yakobata Alla la.

Yaburi 68:2

A si anu gben iko fɔnyɔ si ta-sisi gben nya min. Karagbɛlɛnu si taran Alla tontɛ kɔrɔ, iko tɛ si kɛɛn lalee nya min.

Kɛlɛ-Kurugbɛnu 4:2

Kenan Mansa Yebin min siginɛ Hesɔ soe burɔ, Mari sɔnta ko wo ni Isirɛla mɔgɛnu nɔ. Mansɛ wota kɛlɛ-den-kun-tigi Sisara, min siginɛ Harosɛti-Hagoyim soe burɔ,

Kɛlɛ-Kurugbɛnu 4:22

Bɛraki ye Sisara lanyinina tumɛ min, Yeyɛli bɔra luyi ma ka a fɔ a ye ko, “Na bɔn la yan. I ye nyinina kei min ma, n si wo yira i la.” A donta musi fɛ bɔn la. Bɛraki ya Sisara suyi taran bɔn la kɔlɔma gbangbannɛ a kunyɛ rɔ bon-kole ma.

Kɛlɛ-Kurugbɛnu 5:26

Ale Yeyɛli le ya fani-bɔn balan-kɔlɔma-lasulennɛ do bi a maran la. A ya kundu-wɛ bi a bolo-nyimɛ la ka kɔlɔma wo gbangban a kunyɛ rɔ. A kunyɛ ratiira.