2 Samuwɛli 10:14 - ALLALA KUMƐ

¹⁴ Amonnu ya a yen min kɛ, Siriyanu bara anu buri, anu denu fanan ya anu buri Abisayi kɔrɔ ka don tarɛ burɔ. Yohabu ya ala kɛlɛ-dan damasi bi. Anu sɛgira Yerusalɛm.

2 Samuwɛli 10:14 Iomraidhean Croise

2 Samuwɛli 10:15

Siriyanu ya a lɔn yati, ko Isirɛla mɔgɛnu bara anu nɔ. Anu ya anu nyɔgɔn kundɛn kan-tina-kelen.

2 Samuwɛli 11:1

Mansɛnuna kɛlɛ-kɛ-wati kenɛ, Mansa Dawuda ya Yohabu anubɛ ala mɔgɔ-banu anubɛ ala kɛlɛ-dan bɛɛsi lata. Anu ya Amonnu nɔ ha ka ta anuna so-karantan Raba soe lafoo ka ta bui anu ma. Kɔnɔ Mansa Dawuda tora Yerusalɛm soe burɔ.

2 Samuwɛli 20:6

Ale mansɛ ya a fɔ Abisayi ye ko, “Siba kɛta nanparan ye tenbila le Abasalɔmtɛ la. Nna kɛlɛ-dannu bi, wo ni a sagaran. Ni wo ma, a si ta soe donu bi tarɛ mininɛ minnu ma, ado a masɔrɔn-koe si gbɛlɛya ma bolo.”

2 Samuwɛli 22:38

N tora n yogenu sagaranna ka anu nɔ. N ma sɛgi muk, fɔ n ya anu nato min kɛ dogbe!

2 Samuwɛli 23:18

Yohabu dɔgɔ Abisayi minnu na tɔgɛ Sɛruya, wo le ye kɛlɛ-kurugba bi-sawɛ kɛnu kun na. Abisayi wo le ya mɔgɔ kɛmɛ sawa faga ala tanbɛ la. Wo le ya a ma, ale tɔgɔ bɔra mɔgɔ bi-sawa kɛnu tɛma ka ma anuna kun-tigi la. Kɔnɔ ale ma tɔgɛ sɔrɔn iko mɔgɔ sawɛ kɛnu.

1 Ko-Kɔrɔta-Karan 18:12

Sɛruya Abisayi tara Idɔm kɛ mɔgɔ waga tan-ni-segin (18,000) faga lɛɛ do rɔ min tɔgɛ Kɔgɛ.