2 Samuwɛli 1:8 - ALLALA KUMƐ

⁸ A ya n sibole manyinika. N ya a fɔ a ye ko Amalɛki le nde la.

2 Samuwɛli 1:8 Iomraidhean Croise

Ko-Dabirɛnu 14:7

Anu sɛgira anu kɔma kilɛ la ka ta ke Kɛdɛsi soe ma (min tɔgɛ fanan Emisipati), ka Amalɛkinu kɛlɛ ka anuna nyamanɛ bi anu bolo. Anu ya Amoranu kɛlɛ fanan minnu siginɛ Hasason-tama soe burɔ.

2 Samuwɛli 1:13

Wo wati rɔ, Dawuda ya saya-tiilɛ wo manyinika, a ko, “Ile bɔra mintɔ?” Keminɛ wo ko, “Amalɛki le nde la kɔnɔ n siginɛ wola nyamanɛ le tɔ.”

2 Samuwɛli 1:7

Ale mansɛ ya a tintan tumɛ min, a ya n yen. Wo kɔma, a ya n takele. N ya a labira.

2 Samuwɛli 1:9

A ya a fɔ n ye ko a tanban boloko-yogomɛ-kɛnɛ, ado a ye saya-bonda-dɛ le la kɛ la. A ko n ni ta a laban.

Yilan-Yilan Koe 24:20

Mari ya ko-rayirɛ kɛ Nɛbi Belam ye Amalɛki mɔgɛnuna ko la. A ya wɔlɔyiya-kumɛ doni fɔ anuna ko la. “Fanka-tigi le Amalɛki mɔgɛnu na ka tenbi mɔgɛ kɛnu na kɔnɔ hali wo, ala ban anu si kasara pɔ!”

1 Samuwɛli 15:3

A ko wo ni ta bui Amalɛkinu ma ka anu nato dogbe! Wo ni anu bolo-fan bɛɛsi halaki pɔ! Kei wo, musu wo, den wo, anubɛ anuna kolo-fannu, wo ni wo damasi halaki.”

1 Samuwɛli 27:8

Ka a fɔlɔ wo wati ma gbɛ, Dawuda anubɛ ala keminɛnu kɛnɛna tala buila Kɛsɔranu anubɛ Kirisanu anubɛ Amalɛkinu ma. Wonu bara mɛ sigini nyɔ nun. Dawuda anubɛ ala keminɛnu kɛnɛna tala anu gbenna ha Sura soe burɔ ha ka ta ke Iyipiti nyamanɛ rɔ fanan.

1 Samuwɛli 30:1

Dawuda anubɛ ala keminɛnu bi Mansa Akisi fɛ wati min, Amalɛkinu nara bui Yuda nyamanɛ dugula-waralɛ ma ka bui Dawudala soe Sikilagi ma ka a mintan ka anuna musi bɛɛ bira. Anu ma mɔgɔ-wo-mɔgɔ faga kɔnɔ anu tara anu bɛɛsi la anu bolo le. Tele fila a sawa nyɔgɛ,

1 Samuwɛli 30:13

Dawuda ya a manyinika, a ko, “Ile bɔra mi? Ila kun-tigi ye yon na?” Keminɛ wo ya a fɔ a ye ko, “Iyipiti kɛ le nde la. N bi yɔɔnyɛ le la Amalɛki kei do kɔrɔ. N kirɛ le nun woletɔ anu ya n boloka kilɛ la. A tele sawɛ le kɛ la gbɛ, n bi n nyɛrɛ ma.

1 Samuwɛli 30:17

Anu wulita anu kɛlɛla ha wo wulɔn-sɔgɔma-wurɛ la. Amalɛki wonuna kɛlɛ-dannu kunyɛ ma bɔ a rɔ fɔ kemini mɔgɔ kɛmɛ nani (400) minnu sigira nyomɛnu na, wonu denu dɔrɔn kunyɛ bɔra a rɔ.