2 Samuwɛli 1:23 - ALLALA KUMƐ

²³ “Mansa Sɔli anubɛ Yonatan, anu di mɔgɛnu ye. Anu sɔn bɛɛ kelen, ado anu niyi bɔra anu nyɔgɔn fɛ le. Anu natiri kokɛ ko, ado anu tagbɛlɛ yarɛ ko.

2 Samuwɛli 1:23 Iomraidhean Croise

2 Samuwɛli 1:24

“E, Isirɛla musinu, wo ni wo di Mansa Sɔlila ko la. Ale le ya wo fɛrɛya bɔ kura-wulen-hakikɛnu na ka wo makiri sɛnɛ anubɛ dugu-kɔrɔ-nɔnfulinu na.

2 Samuwɛli 2:18

Sɛruwala den mɔgɔ sawɛ ye nyɔ nun. Wonu tɔgɛ le Yohabu anubɛ Abisayi anubɛ Asahɛli, ado Asahɛli wo ye a burila iko woyan.

2 Samuwɛli 23:20

Yɛhoyadala den Bɛnaya, Kabisili kɛ, kɔni, kɛlɛ-kɛla-wɛ do le ale fanan na. Ale fanan ya kerinteya ko-siyaman kɛ. Mohabu kɛnuna kɛlɛ-kɛla-nyana mɔgɔ fila ye nyɔ, ale ya wonu faga. Lun kelen kima-wati rɔ, ado dugi manamanɛ, a donta denkɛ la ka yara kelen faga nyɔ.

1 Ko-Kɔrɔta-Karan 12:8

Kɛlɛ-nyana denu bi kɛnu na ka bɔ Kadi bɔnsɔn rɔ. Dawuda ye kan-tina-latankanɛ wulɛ rɔ tumɛ min, anu nara kofu Dawuda ma nyɔ. Wonu si kɛlɛ kɛ nɛgɛ-walan anubɛ tanbɛ la. Anu makilannɛ iko yarɛ. Anu bi gbanna kɔnkɛ kuma iko sensɛ.

Yobu 9:26

N niyi mani de iko yi ye tala yanba-kun-gbalɛ min na. A lakala iko tanbakɔrɔmanɛ tenbi yigila sisi-dan kan ma.

Hɛnkilimaya-Kumɛnu 30:30

A fɔlɔtɛ le yarɛ la. Sɛnbɛ ye a la sogenu tɛma ado a ti kilan fenfen na.

Keninteya-Siginu 5:16

A da-gbole-masusun di. A wara-koe ara sɔ n yɛ la. Wole Yerusalɛm musinu, nna kei ye ka le.

Yɛrɛmaya 4:13

Ma yogenu bi nala iko banda-finyɛ. Anuna kɛlɛ-kɛ-kirindinu bi nala anu burila iko tɔnkɔlɔn. Anuna soeenu bi anu burila iko kokɛ. A si gbɛlɛya ma kuma bawo wo ye nala kasarala le kɛ la.

Nimisa Koe 4:19

Ma yogenu yigira ma kan ma iko tanbakɔrɔmanɛ si bɔ san ma nya na fii! Anu ya ma sagaran kɔnkɛnu tɛma. Anu ya ma latɛrɛna wulɛ rɔ ka ma bira.

Tɔn-Fɔɛ-Fila-Nyɔgɛ 28:49

“Mari si a ma, sibolo-gbɛrɛkɛ-mɔgɛnu si na wo tɛma ka bɔ wula-yan la pon, wo ti minnu kuman-kan lamɔɛn hali! Wonu si na kɛ wo ma iko bibinu.

Kɛlɛ-Kurugbɛnu 14:18

Wulɔn wo wurɛ la, mɔgɔ bi-sawɛ wonu nara Samsin wara ka a fɔ a ye ko, “Nfen sufa di liyi ko? Nfen sufa ragbɛlɛ yarɛ ko?” Samsin ya a fɔ anu ye ko, “Ni wo ma nna nyɛnkumɛ kɛ manugu-nɛgɛ nun, wo ti ke tulɛ kɛ bɔla a dɛ la nun, wo ti nna tili kɛ kɔrɛ lɔn nun muk!”

1 Samuwɛli 18:1

Mansa Sɔli anubɛ Dawuda ban kirabɔɛ wo la, Mansa Sɔlila den Yonatan anubɛ Dawuda diyara kɔikɔi! Dawuda di Yonatan ye iko a nyɛrɛ di a ye nya min.

1 Samuwɛli 20:2

Yonatan ya a fɔ a ye ko, “Alla ni i tanka wo ma. Mɔgɔ-wo-mɔgɔ ti i faga. N fa ti ko-wo-ko ladan n nyina-ma-ko-lɔn bawo ni a ye ko-wo-ko mala, fɔ a wa wo fɔ n ye. I wara i faga-koe min fɔ kɛ la, tonya sa wo rɔ!”