2 Samuwɛli 1:22 - ALLALA KUMƐ

²² Yonatan kusan kalabɛn lakɛla, ado ni a fa Sɔlila faan ye a bolo, a ti kinikini mɔgɔ-wo-mɔgɔ ma. Anu kɛnɛna anu yogenu fagala hali minnu makilannɛ.

2 Samuwɛli 1:22 Iomraidhean Croise

Yɛrɛmaya 50:9

N si sibolo kurun nabɔ kantɔ-wara la ka na kɛ Babilɔn kɛnu ma. Wonu si nyamanɛ kɛlɛ ka a nɔ. Donso-nyana le wonu na, min bole di kalabɛn la dɔgɔma-ma-de!

Tɔn-Fɔɛ-Fila-Nyɔgɛ 32:42

Mari ko yele si bɔ ata kalabɛn-sungbannu na ka tinti dugi ma. A ma di minnu ye, ata faan si wo bɛɛsi faga le. A yoge fenfen ti to a niyi la, hali mɔgɔ-tanbannɛnu anubɛ mɔgɔ-biranɛnu fanan si faga.

1 Samuwɛli 14:47

Mansa Sɔli ye mansayɛ la Isirɛla kun na tumɛ min, a kɛnɛna a yogenu kɛlɛla kan tinɛ bɛɛ rɔ. A ya Mohabu kɛnu kɛlɛ anubɛ Amonnu anubɛ Idɔm kɛnu anubɛ mansɛ minnu bɔra Soba nyamanɛ rɔ anubɛ Filisiti mɔgɛnu. A ya min bɛɛsi kɛlɛ, a ya wonu nɔ.

1 Samuwɛli 14:48

Kɛlɛ-kurugba-bɛrɛbɛrɛ le ale Mansa Sɔli la. Hali Amalɛkinu, a ya wonu nɔ. A ya Isirɛla mɔgɛnu kunka anu yogo-siyaman bolo.

1 Samuwɛli 18:4

Ale ye duruki min donna a kan na, a ya wo di Dawuda ma. Wo kɔma, a ya ala kɛlɛ-kɛ-duruki anubɛ ala kɛlɛ-kɛ-faan anubɛ ala kalabɛn anubɛ ala tɛ-kiri-fan di a ma fanan.