2 Samuwɛli 1:11 - ALLALA KUMƐ

¹¹ Dawuda anubɛ ala kɛlɛ-dannu ya anuna durukinu tafara yisi-tinya bolo.

2 Samuwɛli 1:11 Iomraidhean Croise

Ko-Dabirɛnu 37:29

Anu kɔrɔ sarɛ Rubɛn nara kɔlɔn dɛ la anu kɔma tumɛ min, a ma Yusufu taran kɔlɔn wo rɔ tun. Ala duruki min bi a kan na, a ya wo rafara mɔninyɛ bolo.

Ko-Dabirɛnu 37:34

Yakoba ya ala duruki rafara a kan na mɔninyɛ bolo ka kasa-kurɛ don a kan na. A mɛra ala dan dila.

Ko-Dabirɛnu 44:13

Bɛnyamɛ kɔrɔnu ya anuna durukinu tafara anu kan na yisi-tinya bolo. Anu ya anuna dunɛ wonu bi tun ka anu kiri anuna sofɛlɛnu kɔ tɛma. Anu sɛgira anu kɔma Iyipiti nyamanɛ rɔ.

2 Samuwɛli 13:19

A ya ta-gbangban kɛ a kunyɛ rɔ ka ala duruki wo rafara a kan na. A ya a bolo filɛ burun a yɛ la. A dimatoe tara.

2 Samuwɛli 13:31

Mansɛ ya wo lamɔɛn nkɛkuna, a ya a lakɔɛnma ka ala duruki rafara yisi-tinya bolo. Wo kɔma, ale mansɛ ya a rasagan dugi ma ferengben! Ala wɔli-kɛlɛ minnu bi a fɛ, wonu fanan ya anuna durukinu tafara.

2 Samuwɛli 3:31

Dawuda ya a fɔ Yohabu anubɛ ala kɛlɛ-dannu ye ko anu ni di Abinala ko la. Anu ni anuna durukinu tafara ka kasa-duruki don. Anu bi tala Abina furi la furi-bi-fan kuma kaburu-soe la tumɛ min, Dawuda nyɛrɛ-nyɛrɛ bilara anu fɛ.

2 Mansɛnu 5:7

Isirɛla mansɛ wo ya kɛdi wo karan tumɛ min, a ya ala duruki rafara yisi-tinyɛ bolo. A ya a fɔ ko, “Siriya mansɛ kɛ mirinɛ ko kiraya-dandannɛ le nde la, wa? A miri le ko Alla le nde la, wa? Sɛnbɛ ye nde bolo ka mɔgɔ faga anubɛ ka furi niyi bila a rɔ? N bara a lɔn kɛ le ma ko n kɛlɛ-sɔgɛ ara a bira.”

2 Ko-Kɔrɔta-Karan 34:27

A tubira ka a nyɛrɛ famayigi ale Mari ye. A donta diyi-kɛ rɔ ka ala fulɛ fili dugu ma bawo a ara a yen, Mari ye nala Yerusalɛm kɛnu tɔrɔyala nya min. Kɔnɔ Mari ko a ara ale mansɛla matarali-kan lamɔɛn.

Ɛsira 9:3

Kuma sufa kɛ lamɔɛn n bolo, n ya nna duruki rafara n kan na ka n kun-sigi anubɛ n buyɛ mawurun yisi-tinya bolo. N yisi-tinyanɛ ya n sigi dugi ma.

Ɛsita 4:1

Kuma sufa wo lamɔɛn Mɔdekɛyai bolo, a ya ala duruki rafara yisi-tinya bolo. A ya kasa-kurɛ kɛ a ma. A ya ta-gbangban kɛ a kunyɛ rɔ. A ya soe bira diyi-kɛ anubɛ woronde la a bolo.

Yɛrɛmaya 36:24

Ale mansɛ anubɛ ala mɔgɔ-banu ya kɛ lamɔɛn min kɛ, anu yisi ma tɔrɔ. Anu ma kilan defan!

Yowɛli 2:13

Wo kana wola durukinu tafara yisi-tinya bolo tun kɔnɔ a ko wo ni tubi-yisi-bɛrɛbɛrɛ sɔrɔn. Wo ni wo ya-lamunun wota Mari Alla la bawo wo di a ye, ado a nyimayanɛ wo ye. A fonde ti bɔ yona, ado ala keninteyɛ kolo. A rabɛnnɛ wo makoto-koe la, wo tɔrɔ ko ma de!

Kɛwɔlɛnu 14:14

Min ma-sɔgɛ ye mɔgɛnu na, Banabasi anubɛ Pɔli ya wo lamɔɛn tumɛ min, anu ya anuna durukinu tafara yisi-tinya bolo. Anu burimatoe donta nyama tɛma ka gbele-gbelen ko,

Romu 12:15

Sewa wonu fɛ minnu bi sewala. Di wonu fɛ minnu bi dila.

Yasowa 7:6

Yasowa anubɛ Isirɛla mɔgɔ-banu ya anuna durukinu tafara yisi-tinyɛ bolo. Anu ya anu nyɛrɛ fɛrɛn dugu la Marila tɔn-kenkirɛ yakɔrɔ. Anu ya gbangban kɛ anu kunyɛ rɔ ka a yira ko anu bara nimisa. Anu telenta sani dugu ma gbɛn!