2 Yɔni 1:6 - ALLALA KUMƐ

⁶ N bi keninteyɛ min ma wo la, wo kɔrɛ le ko ma ni to Allala tɔnnu birala. Tɔn wo ko wo dama ni to keninteyɛ rɔ tɛban, iko wo ya a lamɔɛn nya min fɔlɔ-nun!

2 Yɔni 1:6 Iomraidhean Croise

Yɔni 14:15

“Ni nde di wo ye, wo si nna kumɛnu bira.

Yɔni 14:21

Minnu ba nna kumɛ bira ka to a kɛla, n di wonu denu ye, ado wonu si diya n Fa Alla ye fanan. Anu si diya nde ye ka n nyɛrɛ yira anu na.”

Yɔni 14:23

Yisa ya a yabi ko, “Min ba n keni, wo tigi si nna kumɛ bira. N Fa Alla si wo tigi keni. Mabɛ n Fa Alla si na a wara ka to siginɛ a fɛ.

Yɔni 15:10

Ni wo ya nna kumɛ bira, wo si to nta keninteyɛ tɛma wo rɔ iko n ya n Fa Allala kumɛnu bira nya min ka to aleta keninteyɛ tɛma.

Yɔni 15:14

Ni wo ya nna kumɛ bira, n diyana-mɔgɛnu de wole la.

Tɔn-Fɔɛ-Fila-Nyɔgɛ 13:4

Wo si bila wota Mari Alla fɛ ka a gbiliya bɛrɛkɛ ka ata kumɛnu anubɛ ata tɔnnu bira. Wo ni ale bato ka ma lanaya-mɔgɛnu na ale ye.

1 Yɔni 2:24

Wo ya karan min namɔɛn fɔlɔ, wo kana nyina wo ko. Wo ni a mara wo yisi rɔ gben! Wo ya min namɔɛn fɔlɔ, ni wo tora wo yisi rɔ, wo si to Allala dan anubɛ a Fa rɔ worɔ tuma-wo-tuma.

1 Yɔni 2:5

Ni min bi Allala kumɛ birala, mɔgɛ le wo la minna keninteyɛ ara kanbali Alla wara la. Ni min ko a tonɛ Alla rɔ tuma-wo-tuma, fɔ a ni ko ladan iko Yisa Kirasiti ya a ma nya min. Ma si a lɔn wo le fɛ ko ma ye Alla rɔ.

1 Yɔni 2:7

N diyana-mɔgɛnu, n bi tɔn min sɛbɛla wo ma kɛ la, a kura ma. Tɔn-kɔrɔ-kɔrɔmɛ le wo la min bi wo bolo kebi fɔlɔfɔlɔ. Karan le wo la, wo ara min namɔɛn nun.

1 Yɔni 5:15

ado ma wa a matara tuma-wo-tuma, a ye ma kan lamɔɛnna. Ma ya a lɔn ko tonyɛ le kɛ la. Ma ya a lɔn fanan ko ma wa a matara min na, a ara ban wo dila ma ma.

1 Yɔni 5:3

Ka Alla keni, wo le ko ma ni ala tɔnnu bira, ado ala tɔn-bira-koe ma gbɛlɛ ma kuma

2 Yɔni 1:5

Woletɔ, n diyana-mɔgɛ, n bi i madiyala ko ma ni to ma nyɔgɔn kenina. N bi min sɛbɛla kɛ la, tɔn-kura ma. Tɔn-kɔrɔ-kɔrɔmɛ le min bi ma bolo kebi fɔlɔfɔlɔ.