2 Yɔni 1:11 - ALLALA KUMƐ

¹¹ Ni min duwara a ye, wo ara ma a ta-nyɔgɛ la ko-yogoma-kɛ rɔ.

2 Yɔni 1:11 Iomraidhean Croise

Yaburi 50:18

Wo wa kankan-wo-kankan yen, wo si ma wo diyana-mɔgɛ la. Wobɛ yɛlannu bi tola ko kelen tɔ.

Ɛfɛsa 5:11

Wo kana bila wonu fɛ minnu bi pinpirɔ-ko-fuyinu mala, ado fɔ wo ni pinpirɔ-koe wonu nabɔ gbɛ ma.

1 Timoti 5:22

I kana gbaran i nyɛrɛ la ka i bole sa mɔgɔ kuma tiriya Marita wɔlɛla ko la. Ni i ya wo ma, wo wa bui, wo filɛ ara don hakɛ rɔ. I ni i nyɛrɛ mara sɛninyɛ rɔ wati bɛɛ.

Hiburunu 5:13

ado min bi a susunna, den-pulan le wo la fɔlɔn. A ma ko-nyimɛ anubɛ ko-yogomɛ dan-nafarɛ lɔn.

Yude 1:23

I ni donu fɔrɔn ka anu bɔ tɛ rɔ alako wonu ni kisi. Wo ni kinikini donu ma fanan hali wo kilannɛ anu na. Kɔnɔ hali anu bi kurɛ min donna anu fɛrɛ ma hakɛ-kɛ-tinɛ, wonu ni gboya wo ye. Wo kana wo gbɛrɛn mɔgɔ-su wonu ma.

Lankɛnimayɛ 18:4

Wo kɔma, n ya kuman-kan-gbɛrɛ lamɔɛn bɔla Arinyɛni tɔ. A ye a fɔla ko, “Nna mɔgɛnu, wo bɔ! Wo ni bɔ a fɛ feu! Wo kana kofu a ma ata hakɛ rɔ alako wo kana tɔrɔyɛ sɔrɔn a fɛ!