2 Kɔrɛnti 9:5 - ALLALA KUMƐ

⁵ Woletɔ n ya n miri ko a bɛnnɛ n na-kelen-nyɔgɛ kɛnu ni sɔ ma yarɔ. Wo ya lanyiri kiri kɔ-fan minna ko la, yanni n ni ke nyɔ, wo ni wonu nadɛn. Woletɔ, n ba ke tumɛ min, n si koe bɛɛ rabɛnnɛ taran. Wo si a yira ko wo bolenu fulenta bawo a di wo ye. Wo ye a bɔla wo yisi bɛɛ la. Mɔgɔ ma wo fɔrɔsɛ.

2 Kɔrɛnti 9:5 Iomraidhean Croise

Ko-Dabirɛnu 33:11

I yandi, n bi i madiyala, n nara sanbɛ minnu na i ye, i ni wonu bira n bolo. Alla ara hɛrɛ di n ma ka n makoe bɛɛ nyinya.” A tora Isɔ madiyala. A laban, Isɔ ya a sanbɛ wonu bira.

2 Mansɛnu 5:15

Anubɛ ala wɔli-kɛ-dan wonu sɛgira Nɛbi Ilaisa wara. Anu ke a ma, a ko, “Ka a bi bi ma, n bara a lɔn ko alla-wo-alla sa nyɔ Isirɛlata Alla kɔma. I yandi n fa, n bara na i sanbɛ minnu na, wonu bira n bolo.”

1 Kɔrɛnti 16:2

Lɔgɔkunyɛ a tele-fɔlɔtɛ, wo kelen-kelennamɛ-bɛɛ ni fan do lamara a dan na iko a ye a sɔrɔnna nya min. Woletɔ n ba na tumɛ min, hali wo ma gbɛsɛ-gbɛsɛ ladɛn tun.

2 Kɔrɛnti 8:6

Woletɔ Taita min ya wɔlɛ kɛ dabira, ma ya a madiya ko a ni to a kɛla. A ni to wo dɛnbɛna ka keninteya-wɔlɛ wo dafa.

2 Kɔrɛnti 9:3

N bi n na-kelen-nyɔgɛ kɛnu natala, wo le ya a to, mala kɔgɔ-rakɛ kana ma fuyi la. Wo ni wo rabɛn wota dɛnbɛnɛ wo la wo bolo iko n ya a fɔ nya min.

2 Kɔrɛnti 9:6

Wo ni wo hɛnkili to kɛ ko. Mɔgɛ min si sugi doni fui, wo si doni de tɛgɛ. Min si sugi siyaman fui, wo si a siyaman tɛgɛ.

Filipai 4:17

A ma ma, n makoe ye kɔ-fen na wo bolo. Min fisa, n ni to wo yenna sabatila ka a tɛgɛ wota foninsereyɛ ma. Wo le di n ye,

Kɛlɛ-Kurugbɛnu 1:15

A ya a fɔ a fa ye ko, “I ya kan tinɛ min di ma ma, dugu-magbalanɛ le wo la. I ni kan-tina-nyima di ma ma tenkenu bi kan min.” A fa ya kan tinɛ do di anu ma kɔnkɔ-nyamanɛ rɔ tenkenu bi kan min. Tenke kelen bi kan tɔ, kelen bi dugu la.

1 Samuwɛli 25:27

N fa, i yandi, n bara na ila mɔgɛnu sanbɛ la. Anu bira.

1 Samuwɛli 30:26

Dawudanu ke anu barɛ Sikilagi soe burɔ, anu ya fen-kolomɛ minnu sɔrɔn kɛlɛ rɔ, a ya a diyana-mɔgɛnu kɔ wonu tɔ minnu bi kun-tigiyɛ la Yuda nyamanɛ rɔ. A ya wonu nata minnu ma, a ko, “Ma ya sanbɛ minnu bi Mari yogenu bolo, wo le kɛnu na.”