2 Kɔrɛnti 8:7 - ALLALA KUMƐ

⁷ Dɛnkɛninyɛ ye wo bolo, wo kusan kumala, ado lɔnnɛ ye wo bolo fanan. Wo ara wo raya ka dɛnbɛnɛ kɛ anubɛ ka wola keninteyɛ yira ma la. Wo ara ma-a-la koe wo bɛɛ rɔ. Woletɔ ma ye a fɛ, wo ni keninteya-wɔlɛ kɛ fanan kɛ foninsereyɛ la.

2 Kɔrɛnti 8:7 Iomraidhean Croise

Matiyu 25:22

“Wo kɔma, a ya sɛnɛ-bɔrɔ filɛ don min bolo, wo nara. A ko, ‘N fa, i ya sɛnɛ-bɔrɔ fila don n bolo. Sɛnɛ-bɔrɔ fila-gbɛrɛ mafɛlɛn, n bara min sɔrɔn tɔnɛ la.’

Romu 15:14

N na-kelen-nyɔgɛnu, nde lanɛ a la ko wo fanɛ ko-nyimɛ la, ado wo fanɛ lɔnnɛ bɛɛ la fanan. Tonyɛ le, wo si ke wo nyɔgɔn makawandila.

1 Kɔrɛnti 1:5

Yisa Kirasiti ya a ma, wo ara ma-a-la ko-nyimɛ-bɛɛ rɔ, ado a ya sɛnbɛ di wo ma ka ata kumɛ lake. A ya lɔnnɛ fanan di wo ma a wara-koe rɔ.

1 Kɔrɛnti 12:13

A ye wo nya na le fanan Kirasitita bagbuyi rɔ. I mara Yahudiya la wo, i mara sibolo-gbɛrɛ la wo, i mara yɔɔn na wo, i mara hɔrɔ la wo, ma dama ara batasi bagbu kelen tɔ ata Ni-Sɛnima kelen de bolo. Ma dama ara fa Allata Ni-Sɛnima kelen wo la.

1 Kɔrɛnti 12:8

Ata Ni-Sɛnima kelan wo si hɛnkilimaya-kumɛ di do ma. Lɔnnɛ ye kawandili min tɔ, a si sɛnbɛ wo di mɔgɔ-gbɛrɛ ma fanan.

1 Kɔrɛnti 13:2

Hali kawandili-bɔ-sɛnbɛ dira n ma ka lɔnnɛ bɛɛ sɔrɔn ka gbundu-koe bɛɛ lɔn, ni wo ma, dɛnkɛninyɛ ni wara n bolo ha ka kɔnkɛnu bɔ anu gbɛ rɔ, ni keninteya sa n yisi rɔ, fenfen ma n na.

1 Kɔrɛnti 13:8

Keninteyɛ ti ban mumɛ! Wɔlɔyiya-kuma-fɔɛnu bi nyɔ kɔnɔ wonu fanan ti mɛ. Kan-gbɛrɛ-fɔɛnu bi nyɔ kɔnɔ wonu si to-a-rɔ. Lɔnnɛ ye nyɔ kɔnɔ wo bɛrɛn si tenbi.

1 Kɔrɛnti 14:12

Nba, wole fanan bi wo nya na le. Wo hɔnnɛ Allata Ni-Sɛnimɛta fandɛ fanan na min kɛ, a fisa, wo ni wo raya ka wonu sɔrɔn min si chɔchi dɛnbɛ.

1 Kɔrɛnti 4:7

Yon ya wo lafisaya donu ko? Fan min bɛɛ ye wo bolo, Alla le ma wonu di wo ma, wa? Nba, nfenna wo ye wo nyɛrɛ matɔgɔla iko min bi wo bolo, ale le ma wo di wo ma, wa?

2 Kɔrɛnti 7:7

Ala nɛ dɔrɔn fɛ, wo ma. A ya dantɛgɛlɛ sa ka a bɛn wo ya a yisi-kimɛ nya min. Wo ya a ma, ma yisi kimara. N yen-sɔgɛ ya wo bira nya min, a ya wo rakaran ma ye anubɛ wo nimisara nya min. Wo rabɛnnɛ nya min ka n fɛka fanan, n ya wo bɛɛ lamɔɛn tumɛ min, n sewara kati!

2 Kɔrɛnti 8:6

Woletɔ Taita min ya wɔlɛ kɛ dabira, ma ya a madiya ko a ni to a kɛla. A ni to wo dɛnbɛna ka keninteya-wɔlɛ wo dafa.

2 Kɔrɛnti 9:14

Woletɔ ka a tɛgɛ Allata hinɛ ma wole wara la, anu bi Alla matarala wo ye anu yisi-lakanɛ la.

2 Kɔrɛnti 9:8

Nba, Alla si ke hɛrɛ dila wo ma ka tenbi wo makoe dan la. Woletɔ wo makoe-nyinya-fannu si taran wo bolo ka mɔgɔ donu fanan kɔ sewɛ la.

Ɛfɛsa 4:29

Wo kana kuma-dumanɛnu fɔ kuma tinɛ, fɔ mɔgɔ-dɛnbɛn-kumɛnu dɔrɔn! Wo si ko nyinya mɔgɛnu ma ka duwɛ lana wonu ma minnu bi anu tole masɔla wo kan la.

Filipai 1:11

Yisa Kirasiti kelen pe si ke wo lafala ko-nyimɛ minnu na, alamɛ wo yisi fara wonu na. Alamɛ Alla ya gbiliyɛ anubɛ tantolɛ sɔrɔn wo bɛɛ rɔ.

Filipai 1:9

Nta madiyalɛ le kɛ la ko wola keninteyɛ ni to koloyala dɛɛ! Wo ni lɔnnɛ anubɛ hɛnkili-kanbalinɛ sɔrɔn wo bɛɛ rɔ.

2 Tɛsalonaika 1:3

Ma na-kelen-nyɔgɛnu, ma ye baraka birala Alla ye wolela ko la tumɛ bɛɛ! Wo bɛnta bawo wola dɛnkɛninyɛ ye tola koloyala bɛrɛkɛ! Wola keninteyɛ min bi wo nyɔgɛnu tɛma, wo fanan bi koloyala le kati!

2 Timoti 2:1

Nba, nna dan, i ni Alla madiya ko a ni i sɛnbɛ makofu. A si i sɛnbɛ makofu ka a tɛgɛ ata hinɛ ma i wara la Yisa Kirasiti baraka rɔ.

Hiburunu 12:28

Nba, ma ni Alla tanto ka baraka bira a ye bawo a ye mansayɛ la dinkirɛ min, wo ye ma bolo. Wo ti ke bɔla a gbɛ rɔ muk! Ma ni ma raya ka a hɛnɛ a kilɛ fɛ gbiliyɛ anubɛ kilan bolo,

1 Pita 1:22

Nba, wo nyɛrɛta sɛninyɛ kɛra tonya-birɛ le fɛ. Keninteya-bɛrɛ ye wo yisi rɔ wo ta-nyɔgɛ dɛnkɛninya-mɔgɛnu ye. Wo ni to wo nyɔgɔn kenina bɛrɛkɛ wo yisi bɛɛ la.

2 Pita 3:18

Kɔnɔ wo ni to koloyala ma Mari anubɛ ma Kisilɛ Yisa Kirasitita hinɛ anubɛ a lɔn-koe rɔ. Gbiliyɛ ni di ale ma habadan! Amina.

Lankɛnimayɛ 3:17

Wo ye wo kɔgɔ rakala ko nɔnfulu-tigi le wole la. Wo ko wola nɔnfuli ara wara. Wo ko wo makoe ye min bɛɛ la, wo ye wo bolo. Kɔnɔ wo makinikininɛ nya min wo, wo tɔrɔnɛ nya min wo, wo ma wo lɔn feu! Wo bolo-kolɔn gbɛ! Wo fiyonyanɛ. Kura sa wo ma.