2 Kɔrɛnti 8:16 - ALLALA KUMƐ

¹⁶ Ma si baraka bira Alla ye bawo keninteyɛ min nyɔgɔn ye male bolo, a ya wo nyɔgɔn di Taita ma wo dɛnbɛn-koe la!

2 Kɔrɛnti 8:16 Iomraidhean Croise

2 Ko-Kɔrɔta-Karan 31:8

Mansa Hɛsakaya anubɛ ala mɔgɔ-banu ya a yen min kɛ ko nyamanita-mɔgɛnu bara na kɛ nyɔgɔn sufa la, anu ya Mari tanto ka Marita mɔgɛnu matɔgɔ fanan.

Ɛsira 7:27

Saraka-Masɔla Ɛsira ya a fɔ ko, “N si ma benbanuta Mari Alla tanto bawo a ara a ma, mansɛ ara kɛ nyɔgɔn sufa gbiliyɛ di Mari Bato-Bɔn ma Yerusalɛm soe burɔ.

Nihɛmaya 2:12

Alla ya min sa n sɔndɔmɛ rɔ nyɔla ko la, n ma wo fɔ mɔgɔ-wo-mɔgɔ ye. Suyi tɛma, n ya n ta-nyɔgɔ mɔgɔ-dande bi ka ta soe kɔmɛ lakɔrɔsi. Ma tara sofɛlɛ kelen pe le la ma bolo, nde siginɛ min na, kɔni.

Yɛrɛmaya 31:31

Mari ko wati ye nala, a si sarama-kan-kurɛ kiri ale anubɛ wole, Isirɛla anubɛ Yuda kɛnu tɛma.

Yɛrɛmaya 32:40

A ko a si habadan-sarama-kan kiri anu ye wo le, ko a ti a fara ko-nyima-kɛ la anu ye, ado a ko a si a ma, anu ni to a gbiliyala anu yisi bɛɛ la. Wo si a ma, anu ti anu kan-kɔ sɔ a la tun.

2 Kɔrɛnti 7:12

N ma kɛdi wo sɛbɛ wo ma ka a tɛgɛ min bara ko-yogomɛ kɛ anubɛ ko-yogomɛ kɛra min na. N ya a sɛbɛ le alako Alla ni a gbɛ wo ye, ma di wo ye nya min.

2 Kɔrɛnti 7:7

Ala nɛ dɔrɔn fɛ, wo ma. A ya dantɛgɛlɛ sa ka a bɛn wo ya a yisi-kimɛ nya min. Wo ya a ma, ma yisi kimara. N yen-sɔgɛ ya wo bira nya min, a ya wo rakaran ma ye anubɛ wo nimisara nya min. Wo rabɛnnɛ nya min ka n fɛka fanan, n ya wo bɛɛ lamɔɛn tumɛ min, n sewara kati!

2 Kɔrɛnti 8:23

Nba, Taita kɛ, n ta-nyɔgɛ le. A ye wɔlila n fɛ wo dɛnbɛn tinɛ. Nba, n na-kelen-nyɔgɛ minnu bi tala a fɛ, chɔchinu denu ya wonu sɔ. Anu si gbiliyɛ di Kirasiti ma.

2 Kɔrɛnti 8:6

Woletɔ Taita min ya wɔlɛ kɛ dabira, ma ya a madiya ko a ni to a kɛla. A ni to wo dɛnbɛna ka keninteya-wɔlɛ wo dafa.

Filipai 2:20

Male dɛnkɛninya-mɔgɛnu tɛma, wola ko siginɛ mabɛ Timoti le dɔrɔn yisi rɔ gben!

Kɔlɔsi 3:17

Wo ye koe min bɛɛ kɛla anubɛ wo ye koe min bɛɛ fɔla, wo ni wo bɛɛ kɛ Mari Yisa tɔgɛ rɔ. Wo ni baraka bira ma Fa Alla ye Mari Yisa baraka rɔ.

Lankɛnimayɛ 17:17

Anu ya anuna sarati di sogo-feremɛ wo ma alako a ni mansayɛ kɛ ha Allata kumɛ wo ni bɔ-a-la tumɛ min, ado Alla le ya miriya kelan wo di anu ma ko anu ni a sako kɛ.