2 Kɔrɛnti 8:1 - ALLALA KUMƐ

¹ N na-kelen-nyɔgɛnu, ma ye a fɛ, wo ni a lɔn Alla ara min kɛ Masidoniya chɔchinu ye ata hinɛ fɛ.

2 Kɔrɛnti 8:1 Iomraidhean Croise

Matiyu 25:22

“Wo kɔma, a ya sɛnɛ-bɔrɔ filɛ don min bolo, wo nara. A ko, ‘N fa, i ya sɛnɛ-bɔrɔ fila don n bolo. Sɛnɛ-bɔrɔ fila-gbɛrɛ mafɛlɛn, n bara min sɔrɔn tɔnɛ la.’

Kɛwɔlɛnu 11:23

A kera nyɔ tumɛ min, Alla ara ata duwɛ layigi ata mɔgɛnu kuma nya min, wo yen a bolo, a sewara. A ya anu dama makawandi ko anu ni lanayɛ kɛ ka telen Mari ye anu yisi bɛɛ la.

Kɛwɔlɛnu 16:9

Pɔli ya Masidoniya kɛ do yen ko-rayirɛ rɔ suyi wo rɔ. A sɔnɛ a madiya tinɛ. Ko-rayirɛ wo rɔ, a ko, “Na ma dɛnbɛ Masidoniya nyamanɛ rɔ!”

Kɛwɔlɛnu 24:17

“San donu kɔrɔ n sa Yerusalɛm soe burɔ min kɛ, n tara wodi la nna mɔgɔ bolo-kolɔnnu ye nyɔ anubɛ ka sarakɛnu bɔ.

Romu 15:26

Chɔchi minnu bi Masidoniya sigisɔn anubɛ Akeya sigisɔn rɔ, wonu bara a latɛgɛ anu nyɛrɛ ma ka bolo-kolɔnnu dɛnbɛ Allala mɔgɛnu tɛma Yerusalɛm.

1 Kɔrɛnti 15:10

Kɔnɔ n mara kilayɛ la ka a tɛgɛ Allata hinɛ ma, ado a ya keninteyɛ min yira n na wo la, wo ma ma fuyi la. N wɔlita bɛrɛkɛ ka tenbi kilaya-toe bɛɛ la, hali n nyɛrɛla kɛwɔli ma kɔnɔ Allala hinɛ ye wɔlila n tɔ.

2 Kɔrɛnti 11:9

N bi wo tɛma tumɛ min nun, ni n makoe bilara fenfen na, n ma wo yakɔrɔ-mamɔ n dɛnbɛn-koe la. N makoe ye fan min bɛɛ la, ma na-kelen-nyɔgɛ minnu bɔra Masidoniya, wonu nara wo bɛɛ la n ye. Iko a ye nya min kebi fɔlɔ, n ti ma dunɛ la wo ye mumɛ! Alamɛ a tora wo nya fanan.

2 Kɔrɛnti 9:12

Wola dɛnbɛnɛ ma Allala mɔgɛnu makoe dɔrɔn nyinya. Wo si a ma, mɔgɛnu ni baraka bira Alla ye fanan.

2 Kɔrɛnti 9:2

N ya a lɔn ko wo fanan si sɔn dɛnbɛni-koe wo ma. N bara n kɔgɔ raka wola ko la Masidoniya kɛnu ye. N ya a fɔ anu ye ko kebi serun, wole, ma na-kelen-nyɔgɛ minnu bi Akeya sigisɔn rɔ, wo ya wo rabɛn dɛnbɛni-koe wo rɔ. Ka a tɛgɛ wola dɛnbɛnɛ wo ma, wo ara mɔgɛ donu yisi lawuli dɛnbɛni-kɛ-tinɛ.

2 Kɔrɛnti 9:4

Ni Masidoniya kɛnu nara n fɛ, anu ni a taran ko wo rabɛnni ma, ma dama si miliya worɔ bawo ma lara wo damasi la. Wole bɛrɛn si miliya fanan!

Ɛfɛsa 3:8

Hali Allata mɔgɛ bɛɛ tenbira nde la kɔnɔ Alla ara n gbiliya ka kibara-nyimɛ lake-fɛrɛ kɛ di nde ma. A ya wo di n ma alako n ni Kirasitita hina-waranɛ yira wole sibolo-gbɛrɛnu na.

Kɔlɔsi 1:29

N bi wɔlila wola ko la ka n taya bɛrɛkɛ! Kirasiti ye fanka min dila ma ma, fanka wo ye wɔlila n tɔ.

1 Tɛsalonaika 4:10

Ado nfan, wo ye wo kɛla wo na-kelen-nyɔgɛ bɛɛ ye Masidoniya nyamanɛ kan bɛɛ rɔ, yɔ! Woletɔ ma na-kelen-nyɔgɛnu, ma ye wo madiyala ko wo ni diyanayɛ kuma-sa dɛɛ!