2 Kɔrɛnti 7:5 - ALLALA KUMƐ

⁵ Hali ma kera Masidoniya nyamanɛ rɔ tumɛ min, ma ma ma sulen mumɛ! Tɔrɔyɛ bilanɛ ma fɛ kan tinɛ bɛɛ rɔ. Sɔsɔlɛ le gbansan ye mala foolɛ rɔ. Kilan fanan bi ma yisi rɔ.

2 Kɔrɛnti 7:5 Iomraidhean Croise

Ko-Dabirɛnu 8:9

Kɔnɔ purulan ma a sigi tina sɔrɔn, woletɔ a sɛgira Nowa wara kulɔn rɔ kamasɔrɔn yi ye dugu-kole bɛɛ kuma fɔlɔn. Nowa ya a bole labɔ ka purulan wo bira ka a ladon kulɔn rɔ.

Yobu 18:11

A ma si to banna ko-makilannɛnu bolo kan tinɛ bɛɛ rɔ. Anu bilanɛ a fɛ kan-bo-kan.

Aiseya 33:12

Mɔgɛnu si mintan, anu kolenu ni ma iko kore. Anu si mintan tiriya iko tiri-gbalɛ wa mintan ka ma bugurɛ la.

Yɛrɛmaya 20:10

N si mɔgɛnu yen wɛwɛ sala n kan ma. Anu bi a fɔla ko, “Ala kumɛ dama si ma kumakɔ-koe la tolon!” Anu bi a fɛ ka n yasere-masa anuna mɔgɔ-banu ye. N diyana-mɔgɛ kɛnu bi n napɛrɛnna ni n si sama nya min doni! Anu bi a fɔla ko, “Tumado ma si a bolo labira alako ma ni a nɔ nya min.” Anu bi nna makawandili-kumɛnu yili-sara-koe rɔ n na kɛ nya na le.

Yɛrɛmaya 45:3

ile Baruki ko ale Mari ara dumɛ sa ila tɔrɔyɛ kuma. I ye a fɔla tun ko sulen-wo-sulen sa ile ma. I mun na ara tɛgɛ bandan bolo.

Yɛrɛmaya 6:25

Wo kana ta binyɛ rɔ de! Wo kana kila kun bira. Wo kana wo ma bawo faan-damɛ ye wo yogenu bolo la. Kumakɔɛ ye kan-tinɛ bɛɛ rɔ.

Yɛrɛmaya 8:18

E, Alla, n yisi-tinyɛ ti sa mumɛ! N sɔn tɔrɔnɛ feu!

Kɛwɔlɛnu 20:1

Sɔnkɔ-sɔnkɛ banta tumɛ min, Pɔli ya dɛnkɛninya-mɔgɛnu kele anu nyɔgɔn fɛ ka anu sɛnbɛ don. A ya a masara anu na ka Masidoniya nyamanita-kilɛ bira.

Romu 15:26

Chɔchi minnu bi Masidoniya sigisɔn anubɛ Akeya sigisɔn rɔ, wonu bara a latɛgɛ anu nyɛrɛ ma ka bolo-kolɔnnu dɛnbɛ Allala mɔgɛnu tɛma Yerusalɛm.

1 Kɔrɛnti 15:31

N na-kelen-nyɔgɛnu, tele-wo-tele, n bi saya-masibɛ kɔrɔ, ado n wasinɛ wole Kɔrɛnti kɛnu na ka a tɛgɛ ma Mari Yisa, Allata-Mɔgɔ-Yabɔnɛ ara min ma wo ye.

1 Kɔrɛnti 16:5

N ba Masidoniya nyamanɛ ratagama tumɛ min, n si na ke wo ma worɔ bawo n bi bɔla nyamanɛ wo le tɔ.

2 Kɔrɛnti 2:13

Kɔnɔ hali wo, n hɔnta ha ka a dan-natenbi bawo n ma ke ma na-kelen-nyɔgɛ Taita yenna. Wo le ya a to, n ya n masara nyɔ-mɔgɛnu na ka Masidoniya nyamanita-kilɛ bira.

2 Kɔrɛnti 2:3

Wo le ya a to, n ya kɛdi doi wo sɛbɛ wo ma bawo n sa a fɛ ka na wo wara ka diminya wole ma minnu bɛnta ka n nasewa. N lanɛ a la ko n ba sewa tumɛ min, wole fanan sewanɛ worɔ.

2 Kɔrɛnti 2:9

N ya kɛdi wo sɛbɛ wo ma ka a lɔn ni wo rabɛnnɛ ka nta kumɛ bira tuma-wo-tuma. N bi a fɛ ka wo kɔrɔbɔ nun, ni wo si koe wo bira sɛbɛ la nya min.

Kalesiya 4:11

ado n hɔnnɛ wo kuma kati! N bara wɔlɛ min bɛɛ kɛ wo ye, wonu kana to fu!

Tɔn-Fɔɛ-Fila-Nyɔgɛ 32:25

Wo si belenna fagala wola luyinu ma kɛlɛ bolo. Hali wo tenbi bɔn la, wo kumakɔnɛ si to kilan bolo. Kemini-mɛsɛ wo, sunkurun-mɛsɛ wo, a bɛɛ si faga. Hali dennɛnu anubɛ kun-gbɛnu ti to anu niyi la.

1 Tɛsalonaika 3:5

Wo le ya a to, n ma ke a birala n tɔ tun. N ya Timoti lata wo ma alako a ni wola dɛnkɛninyɛ ragbɛ. N kilannɛ nun ko Setanɛ ara wo yakɔrɔ-mamɔ ka mala wɔlɛ bɛɛ ma fuyi la!