2 Kɔrɛnti 7:11 - ALLALA KUMƐ

¹¹ Alla ya a ma, wo yisi lafinta min kɛ, wo ni a mafɛlɛn a ya wo dɛnbɛ nya min. Wo ara wo ma sɛbɛna-mɔgɛnu na gbɛ! A sɔgɛ ya wo bira ka a yira ko sɔn sa wo la! Wo diminyara kati, ado wo kilanta bawo wo ya ko-yogomɛ le ma. N yen-sɔgɛ ya wo bira. Nta hɔnyɛ ya wo bira fanan. A di wo ye ka ko-yogoma-kɛlɛ wo tɔrɔ! Wo ya a lagbɛ ko fɛɛ sa wo la kɛ fenfen tɔ.

2 Kɔrɛnti 7:11 Iomraidhean Croise

Nihɛmaya 13:25

N ya musi tigi wonu makuma. N ya anu danka ka anu gbesi ka anu kun-sigi mawurun. Wo kɔma, n ya a ma, anu ya anu keli Alla ye ko anu denu wo, anuna dannu wo, furu-nyɔgɔnya ti don anubɛ sibolo-gbɛrɛnu tɛma tun.

Yobu 42:6

N darɔ-kannu bara a ma, n bara miliya. Wola ko la, n bara tubi ka n sa sundu-kunyɛ ma i kɔrɔ.

Yaburi 119:139

N yisi ye kerunna n burɔ bawo n yogenuna ko sa ila tɔn kɛnu wara-koe rɔ.

Yaburi 130:6

N bi gbaranna n tigi Mari makɔnɛ la, iko surɔ-bon-makandannɛ si gbaran banda-ka-dɛ la nya min.

Yaburi 145:19

Makolamɛ minnu bi a gbiliyala, a si wonu makoe nyinya. A si anu di-kɛ-kan lamɔɛn ka anu kisi.

Yaburi 2:11

Wo ni wɔli Mari ye ka a gbiliya. Wo ni sewa ka kilan a la.

Yaburi 35:13

Kɔnɔ n yoge wonu kirayanɛ, n dira anuna ko la kosɛbɛ! N ya kasa-duruki bila n kan la ka n nyɛrɛ lakɔnkɔ anuna ko la. Nna madiyalɛ ma yabilɛ sɔrɔn min kɛ, n tora dila anuna ko la

Yaburi 38:9

E, Mari, i ya a lɔn serr, ko n bi nyinina nna kɛndɛya-koe le ma. I ye n kurun-kan bɛɛ lamɔɛnna.

Yaburi 42:1

E, Alla, iko yi-kimani-sɔgɛ si woyan bira nya min, i sɔgɛ si n bira wo nya na le.

Yaburi 69:9

N bi miriya-nyima min telenna i Bato-Bɔn la, wo mani de iko tɛ le ye n mintanna n yisi rɔ. Anu bi mɔɛn-kumɛ minnu natala i ma, wo ye sɛgila nde le ma.

Hɛnkilimaya-Kumɛnu 14:16

Hɛnkilimɛ si kilan Mari la, a ni a bole bɔ ko-yogomɛ rɔ. Kɔnɔ kun-takolɔn ti a miri ko-ladan tinɛ. A kunyɛ wa wuli koe min na, a ye wo le ladanna.

Hɛnkilimaya-Kumɛnu 28:14

Mɔgɛ min bi tola Mari gbiliyala, wo tigi si sewa. Kɔnɔ min bi tola a yisi gbɛlɛyala, wo tigi si tinya pɔ!

Keninteya-Siginu 8:6

Mɔgɔ-wo-mɔgɔ kana diya i ye nde kɔma. I kana i bole don musu-wo-musu kawɛ kɔrɔ nde kɔma. Fen de keninteyɛ la min makawara iko sayɛ. Keliyɛ fanan gbɛlɛ iko sayɛ. Keliyɛ mani de iko ta-mɛlɛn-nɛ wa a labɔ woron-gbalɛ ma.

Aiseya 26:8

Ma ye i sako kɛla ka ma yigi sa ile rɔ. Ma ye nyinina fan min bɛɛsi ma, ile le wonu kun-bira-yili la ma ye.

Aiseya 66:2

A ya fan bɛɛ dan a kɔɛn le la. Fan bɛɛ ye gbɛ kɛ le ma bawo ale le ya wonu nadan. Mari ko a si sewa mɔgɔ-sufa kɛnu na, minnu ma wasi, ado anu tole ma gbɛlɛ. Anu bi kilanna a la ka a sako kɛ.

Daniyɛli 6:14

Mansɛ ya wo lamɔɛn tumɛ min, a yisi tinyara Daniyɛlila ko la. Ale mansɛ ya a raya ka Daniyɛli kunyɛ bɔ nanparan wo rɔ. A tora a rayala ha wurɛla-tumɛ la.

Maraka 3:5

Yisa ya anu dama mafɛlɛn. A diminyara anu ma kɔnɔ a kinikinita anu ma fanan anuna yisi-gbɛlɛyɛla ko la. A ya a fɔ kei wo ye ko, “I ni i bole rasagan.” A ya a bole rasagan nkɛkuna, a kɛndɛyara kelenna!

Yɔni 2:17

Ala karan-dannu ya anu yili to Allata kitabu ko bawo a sɛbɛnɛ ko, “E, Alla, ila bɔnla hɔn-koe ye n mintanna iko tɛ.”

Kɛwɔlɛnu 17:16

Nba, Pɔli ye Sailasi anubɛ Timoti makɔnɔna Atɛn soe burɔ tumɛ min, a ya soe wo lafanɛ taran bɛsɛnu na. Wo ya Pɔli lamɔni bɛrɛkɛ!

Romu 11:20

tonyɛ le kɔnɔ wo hɛnkili ni to kɛ ko. Anu kerita a la le bawo anu ma dɛnkɛninya Alla ma. Wole ara to anu gbɛ rɔ bawo wo ara dɛnkɛninya a ma. Kɔnɔ wo kana wasi wola ko la fɔ wo kun ma ni kɔ.

Romu 14:18

Min bɛɛ si wɔlɛ kɛ Kirasiti ye kilɛ kɛ fɛ, wo tigi si diya Alla ye ka tɔgɔ-nyimɛ sɔrɔn mɔgɛnu bolo.

Romu 3:5

Ni mala telenbɛlitayɛ ya Allala telenbagayɛ labɔ gbɛ rɔ, wo ye kama? Ma si nfen fɔ worɔ? Mɔgɛnu bi kɛ le fɔla, yɔ! Ni Alla ya ma yiliki, ma si a fɔ ko a ma telen, wa?

1 Kɔrɛnti 12:25

Alla ya a ladan wo nya alako sɔsɔli kana taran sɔlɔmɔnyanu tɛma, ado sɔlɔmɔnya bɛɛ ni a lɔn ko anu kelen-kelennamɛ-bɛɛ makoe ye anu nyɔgɔn na.

1 Kɔrɛnti 5:2

Wo wasinɛ nfenna worɔ? A fisa nun, wo ni don diyi rɔ miliyɛ bolo, ado mɔgɛ min bara ko-sifa wo ma, wo ni wo gben wo kurun tɔ!

2 Kɔrɛnti 13:7

Ma ye Alla matarala ko wo kana ko-yogoma wo ko-yogoma kɛ. Ni male foora a la wo, ni ma ma foo a la wo, wo hɔnya sa male la. Alako tun wole kana foo a la, wo le gbili male ma.

2 Kɔrɛnti 2:6

Ale ara tɔrɔyɛ min sɔrɔn wo bolo, wo ara a bɔ.

2 Kɔrɛnti 6:4

Kɔnɔ ma ya ma munyu tɔrɔyɛ anubɛ gbɛlɛyɛ anubɛ kɔndɔfili-su-bɛɛ kɔrɔ. Ma ye koe min bɛɛ kɛla, ma ye a yirala wonu tɔ ko Allata wɔli-kɛlɛ le male la.

2 Kɔrɛnti 7:1

N diyana-mɔgɛnu, lanyiri kɛ bɛɛ kirinɛ male le ye! Woletɔ koe min bɛɛ si fɛrɛ-bɔnkɛ anubɛ niyi latinya, ma ni ma nyɛrɛ sɛninya wonu ma. Ma ni ko-sɛnimɛ nyini ka to kilanna Alla la.

2 Kɔrɛnti 7:7

Ala nɛ dɔrɔn fɛ, wo ma. A ya dantɛgɛlɛ sa ka a bɛn wo ya a yisi-kimɛ nya min. Wo ya a ma, ma yisi kimara. N yen-sɔgɛ ya wo bira nya min, a ya wo rakaran ma ye anubɛ wo nimisara nya min. Wo rabɛnnɛ nya min ka n fɛka fanan, n ya wo bɛɛ lamɔɛn tumɛ min, n sewara kati!

2 Kɔrɛnti 7:9

Kɔnɔ tɔ-a-la, n sewani ma ko n bara a ma, wo yisi la ara fin kɔnɔ wola yisi-lafinyɛ ya a ma, wo ya wo kɛ-nyanu yɛlɛma. Yisi-lafinyɛ wo, Alla gbɛ le wo la. Woletɔ ma ma wo madumɛ hali!

2 Kɔrɛnti 9:2

N ya a lɔn ko wo fanan si sɔn dɛnbɛni-koe wo ma. N bara n kɔgɔ raka wola ko la Masidoniya kɛnu ye. N ya a fɔ anu ye ko kebi serun, wole, ma na-kelen-nyɔgɛ minnu bi Akeya sigisɔn rɔ, wo ya wo rabɛn dɛnbɛni-koe wo rɔ. Ka a tɛgɛ wola dɛnbɛnɛ wo ma, wo ara mɔgɛ donu yisi lawuli dɛnbɛni-kɛ-tinɛ.

Ɛfɛsa 4:26

Ni min diminyanɛ mɔgɛ ma, a kana sɔn, ala diminyɛ ni a ladon hakɛ rɔ. A diminyanɛ kana telen gbɛn,

Ɛfɛsa 5:11

Wo kana bila wonu fɛ minnu bi pinpirɔ-ko-fuyinu mala, ado fɔ wo ni pinpirɔ-koe wonu nabɔ gbɛ ma.

Filipai 2:12

Woletɔ n na-kelen-nyɔgɛnu, iko wo ara nna kumɛ bira nya min, n bi wo fɛ nyɔ tumɛ min, wo ni a bira wo nya kaka gben, hali n sa wo fɛ nyɔ. Wo ni wo raya ko wola sɔn-nyimayɛ la ni kanbali kilan anubɛ yɛrɛyɛran rɔ.

1 Tɛsalonaika 4:6

Nba, koe kɛnu tɔ, mɔgɔ-wo-mɔgɔ kana ko-yogomɛ ma a na-kelen-nyɔgɛ la, ni wo ma, ka baga a ma. Ma ara a fɔ wo ye nun ka a lagbɛlɛya wo kuma gben! Minnu bi ko-yogoma-su wonu kɛla, Mari si wonu tɔrɔ.

1 Timoti 5:20

Minnu ti sɔn hakɛ bolokala wo tɛma, wonu makuma gbɛ rɔ, alako mɔgɔ-toenu si kilan nya min.

2 Timoti 2:15

I ni i se-koe-bɛɛ kɛ ka ma wɔli-kɛla-nyimɛ la. Alla ni i lɔn wɔli-kɛlɛ la min miliyani ma ala wɔlɛla ko la. I ni to mɔgɛnu karanna Allala tonya-kumɛ la a kilɛ fɛ.

Taita 3:8

Tonyɛ le kɛ la. N bi a fɛ, i ni karan wonu bira bɛrɛkɛ, woletɔ minnu dɛnkɛninyanɛ Alla ma, wonu si to ko-nyimɛ kɛla wati bɛɛ. Wo kin, ado a bɛnnɛ mɔgɛ bɛɛ ma.

Hiburunu 4:1

Nba, Alla ya lanyiri kiri ma ye ko ma si don sulen tinɛ wo rɔ, ado lanyiri wo tonɛ a ma min kɛ, ma ni a ma ma fɛrɛma ko ma fenfen kana na foo sulan wo la iko ma benbanu.

Yemesi 3:17

Kɔnɔ hɛnkili min bɔnɛ san ma, a fɔlɔtɛ ye min na, a sɛnima. A yisi-kimanɛ fanan. A dinyanɛ. A madiya-koe ma gbɛlɛ. A fanɛ kinikinɛ la. A ye kɛwɔli-nyimɛnu kɛla. A ti lafisayalɛ kɛ. A ti a nyɛrɛ kɔrɔta.

1 Pita 1:17

Wo tenbi Alla matarala, wo ye a fɔla ko, “Ma Fa,” ado ale le ye mɔgɛ bɛɛ kiti tɛgɛla nya-kun-kelen iko mɔgɔ kelen-kelennamɛ-bɛɛta kɛwɔlɛ ye nya min. A ti lafisayalɛ kɛ. Woletɔ wo siyi-toe min tonɛ dugu-kole kɛ kuma gbɛ, wo ni wo laban a gbiliya tinɛ.

1 Pita 2:2

Wo ni ma iko den-sɔrɔn-sannu susun-sɔgɛ si minnu bira tuma-wo-tuma. Kin-yi-sɛnimɛ-sɔgɛ ni male bira wo nya na le. Woletɔ wo tenbi wo susunna, wola dɛnkɛninyɛ si to koloyala,

Yude 1:23

I ni donu fɔrɔn ka anu bɔ tɛ rɔ alako wonu ni kisi. Wo ni kinikini donu ma fanan hali wo kilannɛ anu na. Kɔnɔ hali anu bi kurɛ min donna anu fɛrɛ ma hakɛ-kɛ-tinɛ, wonu ni gboya wo ye. Wo kana wo gbɛrɛn mɔgɔ-su wonu ma.

Lankɛnimayɛ 3:19

Min bɛɛ di n ye, n si wo tigi makuma ka a kolo. Nba, wo ni wo raya ka wo kɛ-nya yɛlɛma ka wola hakɛ boloka.