2 Kɔrɛnti 7:10 - ALLALA KUMƐ

¹⁰ Yisi-lafinyɛ min bɔnɛ Alla bolo, wo si na yisi-yɛlɛmɛ la, ado wo si a laban kisi-koe ma wo bolo. Wo ti mɔni wo rɔ mumɛ! Kɔnɔ hadama-danta yisi-lafinyɛ si a laban sayɛ ma.

2 Kɔrɛnti 7:10 Iomraidhean Croise

Ko-Dabirɛnu 30:1

Resɛli ya a yen tumɛ min ko a ma dan sɔrɔn Yakoba ye, a ya a kɔrɔ-musi Liya makeliya. A ya a fɔ Yakoba ye ko, “Ni n ma dan sɔrɔn i ye, n bi fagala le.”

2 Samuwɛli 12:13

Mansa Dawuda ya a sɔn a hakɛ la, a ko, “N bara bila Mari la.” Nɛbi Netan ya a fɔ a ye ko, “Mari ara i makoto, i ti faga.

2 Samuwɛli 13:4

Yonadabu ya a fɔ Aminɔ ye ko, “Mansa-dan le ile la, ado tuma-wo-tuma, n bi a yenna i yisi magboyanɛ. Nfen mara?” Aminɔ wo ya a fɔ a ye ko, “N na-kelen-nyɔgɛ Abasalɔm, wo tirisan-musi di n ye kosɛbɛ!”

2 Samuwɛli 17:23

Ahitafɛli ya a yen min kɛ ko anu sa ata kawandili-kan birala tun, a ya kirikɛ sa ala sofɛlɛ kuma. A sigira a la ka a warɛ-kilɛ bira. A ke a warɛ-soe burɔ, a ya a kɛɛ ratala. A ban wo la, a tara a dun kɔlɔma la ka a nyɛrɛ faga. Anu ya a furi bi ka ta a togon anuta kebila kaburu-soe la.

1 Mansɛnu 21:4

Mansa Ehabu diminyanɛ sɛgira a warɛ bɔn la ka a tɛgɛ kumɛ wo ma Nebɔti ara min fɔ a ye. A ya a sa ala sofa rɔ ka a ya-lamunun dandan la. A ya a ban fen-dɔn-koe ma yisi-tinya bolo.

Yaburi 38:18

N ya n sɔ nna hakɛ la. Nna hakɛ ara n yisi gbala n tɔ don!

Hɛnkilimaya-Kumɛnu 15:13

Mɔgɛ min sewanɛ a burɔ, wo si to yɛlɛnna mukuyɛɛ! Yakɔrɔ-mamɔɛ si a ma, mɔgɛ ni a funu.

Hɛnkilimaya-Kumɛnu 15:15

Bolo-kolon-gbɛ yisi lafanɛ kɔndɔfili le la kɔnɔ min si wasa a bolotɛ kuma, tuma-wo-tuma wo sewani de!

Hɛnkilimaya-Kumɛnu 17:22

Ni-radiyɛ anubɛ kɛndɛyɛ le ye tala anu nyɔgɔn fɛ kɔnɔ yisi-tinya si mɔgɔ-siyi madɔgɔya.

Hɛnkilimaya-Kumɛnu 18:14

Mɔgɛ si ke ka a ragbɛlɛya kirayɛ rɔ kɔnɔ ni a yigi tɛgɛnɛ a nyɛrɛ la, a ti ke wo mala.

Makawandili Kumɛnu 7:3

Yisi-tinyɛ fisa yɛlɛn-kede-kede ko. Yisi-magboyɛ si mɔgɔ-yakɔrɛ yɛlɛma de kɔnɔ a si do sa mɔgɔ-hɛnkili kuma fanan.

Yɛrɛmaya 31:9

A ko wole, ala mɔgɛnu si sɛgi dila nyagalen bolo. Wo namato, a si wo niyi radiya. Wo ye bɔla kilɛ min fɛ, wo kan na ti gbala nyɔ. Wo ye bɔla kilɛ min fɛ, wo ti wo kian natugu nyɔ. Mari mani de wole, Isirɛla mɔgɛnu ye iko wo fa. Ala sarɛ le wole, Ifɛrɛm mɔgɛnu na.

Isikiyɛli 7:16

Minnu bi bɔla folenu tɔ ka anu buri kɛlɛ kɔrɔ, wonu si ta kɔnkɛnu tɔ. Anu si to dila nyɔ iko purulan ka a tɛgɛ anu hakɛla ko ma.

Yona 3:10

Anu bara min bɛɛsi ma, Alla ya wo yen. A ya a lɔn worɔ anu bara anu sɔn-yogomɛnu boloka. Woletɔ a ya a fonde yɛlɛma. A ma sɔn anu halaki-koe ma tun iko a ya a fɔ nya min nun.

Yona 3:8

Mɔgɛ bɛɛsi ni kasa-kurɛ kɛ a kan ma ka donu kiri anuna kolo-fannu na. Mɔgɛ bɛɛ ni anu sɔn-yogomɛnu boloka ka fara ko-yogomɛnu na. Ma ni Alla matara sɛnbɛ la.

Yona 4:9

Kɔnɔ Alla ya Nɛbi Yona manyinika tun ko, “Nfen bi a tola, i ye diminyala kɔlɔma kɛ ma ka?” Nɛbi Yona ya a yabi ko, “A bɛnta, n ni diminya. Sayɛ fisa nde ye kɛ ko.”

Matiyu 26:75

Yisa ya min fɔ Pita ye nun, a hɛnkili labirara wo ko ko, “Yanni dondɔn ni keke bi suyi kɛ rɔ, i si a fɔ kinyama sawa ko i ma n lɔn.” A bɔra luyi ma. A dira biribiri!

Luka 15:10

N bi a fɔla wo ye, hakɛ-tigi kelen ba tubi, Allala melikanu si sewa wo nya na le.”

Luka 18:13

“Kɔnɔ duti-makelelɛ wo ya a masɛgi a la. A ma sɔn hali ka a yɛ layɛlɛ san ma fɔ ka a kɔgɔ-dɛ matugu. A ko, ‘E, Alla, kinikini nde hakɛ-tigi ma!’

Kɛwɔlɛnu 11:18

Anu ya kɛ lamɔɛn tumɛ min, anu ya a makumɛ boloka ka Alla tanto. Anu ko, “Nba, Alla ara fɛrɛ di sibolo-gbɛrɛnu fanan ma ko anu ni tubi ka habadan-nimayɛ sɔrɔn!”

Kɛwɔlɛnu 3:19

Nba, wo ni yɛlɛma ka tubi Alla ma. Woletɔ a si wo hakɛ yesi feu, ka wo makoto. Ni wo ya wo ma,

2 Kɔrɛnti 12:21

N kilannɛ fanan ko n ba ta tumɛ min, nta Alla si n nafɛya wolela ko la. Wo siyaman bara hakɛ kɛ fɔlɔn. N kilannɛ, wo ti sɔn tubila ko-kɔsɔnɛ wonuna ko la. Wo ya min kɛ, wola yɛlɛnya-hakɛnu anubɛ nata-kɛwɔlɛnu si a ma, n ni di biribiri wo siyamanna ko la.

2 Kɔrɛnti 7:9

Kɔnɔ tɔ-a-la, n sewani ma ko n bara a ma, wo yisi la ara fin kɔnɔ wola yisi-lafinyɛ ya a ma, wo ya wo kɛ-nyanu yɛlɛma. Yisi-lafinyɛ wo, Alla gbɛ le wo la. Woletɔ ma ma wo madumɛ hali!

Hiburunu 12:17

A banta wo mala tumɛ min, a ye nyinina a fa ni duwa a ye kɔnɔ a fa ma sɔn. A ara min ma nun, fɛrɛ sa a ye ka wo yɛlɛma tun. Hali a ya-yi bɔra biribiri, a ti ke wo sɔrɔnna tun.

1 Samuwɛli 30:6

Dawudala keminɛnu yisi tinyanta anuna denbayɛnuna ko la ha Dawuda-mabon-sɔgɛ ya anu bira. Dawuda ye yakɔrɔ-mamɔɛ wo rɔ kɔnɔ hali wo, ata Mari Alla ya sɛnbɛ di a ma.