2 Kɔrɛnti 6:6 - ALLALA KUMƐ

⁶ Ma ara a yira ko Allata wɔli-kɛlɛ le ma la mala sɛninyɛ fɛ, mala lɔnnɛ fɛ, mala munyɛ fɛ, mala nyimayɛ fɛ, anubɛ mala keninteya-bɛrɛ fɛ Allata Ni-Sɛnimɛ baraka rɔ.

2 Kɔrɛnti 6:6 Iomraidhean Croise

Isikiyɛli 33:31

Woletɔ nta mɔgɛnu bi nala a kinkila nta kumɛ lamɔɛn-koe la i bolo. Kɔnɔ n bi min fɔla anu ye, anu ti wo ma. Keninteyɛ ye anu da-yanbɛ le la kɔnɔ fɔ anu bi kensunyɛ min kɛla darɔ-diyɛ la.

Romu 12:9

I ni keninteyɛ yira mɔgɛnu na i yisi bɛɛ la. Bɛɛ ni ko-yogomɛ kɔn. Min kin, wo ni kiri wo le ma.

Romu 15:19

N ya tamaserenu anubɛ kabana-ko-sɛnbɛmɛnu kɛ Allata Ni-Sɛnimɛta sɛnbɛ fɛ. Woletɔ ka a dabira Yerusalɛm ha ka ta ke Ilirikim nyamanɛ rɔ, n bara tagama wo bɛɛ rɔ Kirasitita kibara-nyimɛ lake-koe la.

1 Kɔrɛnti 12:8

Ata Ni-Sɛnima kelan wo si hɛnkilimaya-kumɛ di do ma. Lɔnnɛ ye kawandili min tɔ, a si sɛnbɛ wo di mɔgɔ-gbɛrɛ ma fanan.

1 Kɔrɛnti 13:4

Keninteyɛ si a munyu-bɛrɛkɛ. A fanɛ nyimayɛ la. A ti keliyɛ kɛ. A ti a nyɛrɛ kɔrɔbi. A ti wasi.

1 Kɔrɛnti 2:16

Iko a sɛbɛnɛ Allala kitabu rɔ nya min, “Yon ya Mari miriya lɔn? Yon si ke a makawandila?” Kɔnɔ malebɛ Kirasiti, miriya kelen de!

1 Kɔrɛnti 2:4

N ma wo makawandi halliya-kumɛnu anubɛ hadama-den-hɛnkilimayɛ fɛ. N ya wo ma Allala Ni-Sɛnimɛ sɛnbɛ-mayirɛ dɔrɔn de fɛ.

2 Kɔrɛnti 1:23

Alla le n sere la. A ya n yisi lɔn! Ka a tɛgɛ wola kinikinɛ ma, n ya a latɛgɛ ko n kana na Kɔrɛnti soe burɔ nun alako n kana a lagbɛlɛya wo kuma.

2 Kɔrɛnti 11:11

N ya kɛ fɔ nfenna? N ya wo fɔ bawo n ma wo keni, wa? Alla ya a lɔn ko wola ko di n ye kati!

2 Kɔrɛnti 11:4

Min bɛɛ ye nala wo wara ka Yisala kawandili-dogbɛrɛ bɔ wo ye, wo sewanɛ wonu na ka wo munyu wonu kɔrɔ. Male ya Yisala kawandilɛ min bɔ, kelen ma wonu na. Nba, wo ara niyi anubɛ kibara-nyimɛ min bira foninya-kilayɛnu bolo, wonu faranɛ matɛ ma feu! Wo ya Allata Ni-Sɛnimɛ anubɛ kibara-nyimɛ min sɔrɔn male bolo, kelen ma anu na feu!

2 Kɔrɛnti 11:6

Tumado, nde ma kusan kumala kɔnɔ n sa wo nya lɔnnɛ rɔ. Ma ara wo gbɛ wo ye koe bɛɛ rɔ.

2 Kɔrɛnti 12:15

N si sewa ka n bolo-fan bɛɛ ni wola ko la, hali ka n nyɛrɛ niyi fanan sa a kuma wo dɛnbɛn-koe la. Nta keninteyɛ ye koloyala wo ye min kɛ, wo si a ma, wota keninteyɛ ma ni to yigila n bara la, wa?

2 Kɔrɛnti 13:10

Yanni n ni ke nyɔ, n bi koe kɛnu sɛbɛla wo ma. Woletɔ n ba ke nyɔ tumɛ min, n kana a lagbɛlɛya wo kuma. Mari ya sɛnbɛ min di n ma, n bi wo lawɔlila ka wo lasabati kɔnɔ wo labui ko ma de!

2 Kɔrɛnti 2:10

Wo wa mɔgɛ do makoto ala ko-tinya-gbɛla ko la, nde fanan bara a makoto, ado ni a ya ko-yoge wo ko-yoge kɛ, n si a makoto min na, n bara a makoto ka a kɛ wolela ko la Kirasiti yala alako

2 Kɔrɛnti 2:4

N ya kɛdi wo sɛbɛ tɔrɔyɛ anubɛ yisi-lafinyɛ le la, ado n ya-yi yigira biribiri! N ma a sɛbɛ ka a tɛgɛ wo ladiminya-koe ma fɔ ka wo lalɔn n bara wo dama keni nya min.

2 Kɔrɛnti 3:3

A ara gbɛ feu, ko Kirasiti-nyɛrɛ le ya kɛdi kɛ sɛbɛ ka a don ma bolo. A ma sɛbɛ duwa-yi anubɛ kalɛ la. A sɛbɛnɛ Alla nimɛla Ni-Sɛnimɛ le la, ado a ma sɛbɛ kuru-walan ma. A sɛbɛnɛ mɔgɔ yisi le tɔ.

2 Kɔrɛnti 4:6

A sɛbɛnɛ Allata kitabu rɔ ko, “Waan ni bɔ pinpi rɔ,” ado Alla kelan le ya ala waan lamalan ma yisi rɔ alako ma ni Allata gbiliyɛ lɔn min bi malanna Yisa Kirasiti yakɔrɛ ma.

2 Kɔrɛnti 7:2

Wo ni wo yisi laka male ye. Ma ma ko-yogoma kɛ mɔgɔ-wo-mɔgɔ la. Ma ma mɔgɛ karan ko-yogoma ma hali ka mɔgɔ kensunya.

Kalesiya 3:2

N bi min lɔn-koe rɔ wo bolo, wo le kɛ la—wo ya Allala Ni-Sɛnimɛ sɔrɔn tɔn-birɛ le fɛ, wa? Ade! Wo ya kibara-nyimɛ lamɔɛn min kɛ ka la a la, wo ya ata Ni-Sɛnimɛ sɔrɔn wo le fɛ.

Kalesiya 3:5

Alla le ya ata Ni-Sɛnimɛ di wo ma ka kabana-koenu kɛ wo tɛma. A ya wo ma le ka a tɛgɛ tɔn-kitabu ara min fɔ, wa? Ade, a ya wo ma ka a tɛgɛ wo ara kibara-nyimɛ lamɔɛn nya min ka dɛnkɛninya Yisa ma.

Kalesiya 5:22

Kɔnɔ Allata Ni-Sɛnimɛ si wo labila min na, wo le kɛnu na, keninteyɛ wo, sewɛ wo, yisi-kimɛ wo, munyɛ wo, dinyɛ wo, nyimayɛ wo, lanayɛ wo,

Ɛfɛsa 3:4

N bara hɛnkili min sɔrɔn Kirasitila gbundu-koe wo rɔ, ni wo ya wo karan, wo si a nya-yen.)

Ɛfɛsa 4:2

Wo kana a lagbɛlɛya wo nyɔgɔn kuma fɔ ka famayigiyɛ kɛ wo nyɔgɔn ye a nya bɛɛ ma. Wo ni wo munyu wo nyɔgɔn kɔrɔ keninteyɛ rɔ.

Ɛfɛsa 4:32

Wo ni wo nyɔgɔn bira a nyimɛ la ka wo nyɔgɔn makoto iko Alla ara wo makoto nya min Kirasiti baraka rɔ.

Kɔlɔsi 1:27

ado Allata ko-rabɛn le wo la alako ata mɔgɛnu ni ala gbundu-koe lɔn. Gbundu-koe wo makawara, a gbiliyanɛ. Gbundu-koe wo le ko Kirasiti siginɛ wole sibolo-gbɛrɛnu fanan yisi rɔ. Yigi le wo la alako wo fanan ni wotɛ sɔrɔn Allata gbiliyɛ wo rɔ iko male Yahudiyanu.

Kɔlɔsi 2:3

Kɔnɔ ka tenbi wo la, Allata hɛnkili anubɛ ala lɔnnɛ bɛɛ dogonnɛ ale Yisa rɔ.

Kɔlɔsi 3:12

Allala mɔgɛ le wole la. A ara wo keni ka wo yabɔ a nyɛrɛ ye. Woletɔ wo ni kinikinɛ anubɛ nyimayɛ anubɛ famayigiyɛ anubɛ dinyɛ anubɛ munyɛ don wo ma.

1 Tɛsalonaika 2:10

Ma siginɛ wo fɛ tumɛ min, ma sɛninyanɛ, ma telennɛ, fɛɛ ma taran ma la wole dɛnkɛninya-mɔgɛnu tɛma. Wo nyɛrɛ le wo sereyɛ la anubɛ Alla.

1 Timoti 4:12

I kana sɔn, mɔgɔ-wo-mɔgɔ ni yoo i ma ila fonikeyɛla ko la. I kuma-nya wo, i kɛ-nya wo, ila keninteyɛ wo, ila dɛnkɛninyɛ wo, ila sɛninyɛ wo, i ni ma misala-nyimɛ la dɛnkɛninya-mɔgɛnu ye wo bɛɛ rɔ.

1 Timoti 5:2

Musu-kɔrɛnu bira iko i nanu. Fonike-musumɛnu bira iko i tirisan-musinu sɛninyɛ bɛɛ rɔ.

2 Timoti 3:10

I wara nna karan lakɔrɔsi ka bila n fɛ. I ya n kɛ-nya lɔn anubɛ nna ko-latɛgɛ-nya. I wara nta dɛnkɛninyɛ yen Yisa ma anubɛ n si n munyu nya min. Keninteyɛ min bi n tɔ, i ya wo bɛɛ lɔn, ado n ti kuri fenfen ma.

2 Timoti 4:2

ko ile Timoti ni Allala kumɛ lake ka i kiri a fɔɛ ma. Ni mɔgɛnu ya a bira, ni anu ma a bira, ile ni to a fɔla anu ye tun! I ni mɔgɛnu makuma ka anu makawandi. Kɔnɔ i ni anu karan dinyɛ rɔ

Taita 2:7

Ile nyɛrɛ ni ma misalɛ la anu ye koe bɛɛ rɔ kɛwɔli-nyimɛ ladan tinɛ. I ni ma lanaya-mɔgɛ la anubɛ sɛbɛna-mɔgɛ ila karan rɔ.

Yemesi 3:17

Kɔnɔ hɛnkili min bɔnɛ san ma, a fɔlɔtɛ ye min na, a sɛnima. A yisi-kimanɛ fanan. A dinyanɛ. A madiya-koe ma gbɛlɛ. A fanɛ kinikinɛ la. A ye kɛwɔli-nyimɛnu kɛla. A ti lafisayalɛ kɛ. A ti a nyɛrɛ kɔrɔta.

1 Pita 1:12

Alla ya a yira nɛbi wonu na ko anuna wɔlɔyiyɛ ti ko-nyinya anu denu ma anuta wati rɔ fɔ woleta wati. Iko anu kumara nya min ka tonyɛ fɔ, wo ara wo lamɔɛn kaka. Anu ya kawandili bɔ wo ye Allata Ni-Sɛnimɛ baraka rɔ, min nara ka bɔ Arinyɛni tɔ. Hali a lɔn-sɔgɛ ye melikanu na nun, kawandili wo bɔra wole le dɔrɔnna ko la.

1 Pita 1:22

Nba, wo nyɛrɛta sɛninyɛ kɛra tonya-birɛ le fɛ. Keninteya-bɛrɛ ye wo yisi rɔ wo ta-nyɔgɛ dɛnkɛninya-mɔgɛnu ye. Wo ni to wo nyɔgɔn kenina bɛrɛkɛ wo yisi bɛɛ la.

1 Yɔni 3:18

N diyana-dannu, ma nyɔgɔn-keni-koe kɛ kana ma kuma-gbansan dɔrɔn na. A ni ma keni-bɛrɛ la min si a nyɛrɛ mayira kɛwɔlɛnu tɔ.

Kɛlɛ-Kurugbɛnu 16:15

Dɛlaila ya a fɔ Samsin ye tun ko, “Ile le ye a fɔla ko n di i ye. Diyanayɛ ladan-bole le kɛ la, wa? A sawa nyɔgɛ le kɛ la gbɛ i ye n mayuwayala. Ha bi, i ma i burɛ gbɛ wɛ n ye? Ni n di i ye, a ma, n ni i sɛnbɛ wara-koe lɔn.”