2 Kɔrɛnti 6:5 - ALLALA KUMƐ

⁵ Mɔgɛnu ya ma gbesi ka ma ladon yele la ka sɔnkɔ layɛlɛ ma ma. Ma wɔlita ha ka a dan-natenbi. Ma si ki ma ya la anubɛ ka ki a la.

2 Kɔrɛnti 6:5 Iomraidhean Croise

1 Mansɛnu 22:27

Anu ni a ladon yele la. Anu kana fenfen di a ma fɔ biredi anubɛ yi ha n kɛndɛ ni sɛgi tun ka bɔ kɛlɛ rɔ.”

2 Ko-Kɔrɔta-Karan 16:10

Mansa Esa diminyara nɛbi wo ma ha a ya a sa banba la. A donta ko-yogoma-kɛ la ata mɔgɛ donu na wo wati rɔ.

Aiseya 53:5

Ala tanban bɛɛ tɛgɛra ma sɔn-yogomɛnu denu ma. Ma hakɛnu denu ya a ma, a ramɔsɔkɔn-mɔsɔkɔnta. A gbesira alako male ni yisi-kimɛ sɔrɔn. Ala bosa-gbɛ le ya a ma, ma ara kɛndɛyɛ sɔrɔn.

Yɛrɛmaya 33:1

N bi yele la kata burɔ tumɛ min, Mari kumara n ye tun.

Yɛrɛmaya 38:6

Anu ya n nayigi yili la mansɛla den Malakiyala kɔlɔn rɔ kata burɔ mansɛla bolɔn la. Wo ya a taran, a ragbalanɛ fɔ bore min bi nyɔ. N yigira bore wo rɔ pirin!

Isikiyɛli 3:17

“Ile hadama-dan, n bi i sigila Isirɛla mɔgɛnu kuma ka anu fɛ-bira. N ba min fɔ i ye, i ye anu makawandila wo le la.

Matiyu 14:10

Woletɔ a ya mɔgɛ do sɔ ka Yɔni kunyɛ tɛgɛ a la yele la.

Matiyu 14:3

Yɔni ye Hɛrodi miriya rɔ bawo a ya a ma nun, a ara Yɔni bira ka a kiri yele la. A ya wo ma ka a tɛgɛ a na-kelen-nyɔgɛ Filipila musi Hɛrodiyasila ko la.

Matiyu 9:15

Yisa ya anu yabi ko, “A ye wo burɔ ko mɔgɛ minnu bi kɔnyɔ-masɔɛ rɔ, fananta kɔnyɔ-tigi ye anu fɛ, wonu si di, wa? Wo ti ma mumɛ! Kɔnɔ a wati wa ke, anu ba kɔnyɔ-tigi wo bi anu tɛma tumɛ min, anu si sunyɛ don worɔ.

Kɛwɔlɛnu 13:3

Anu tora sunyɛ rɔ Alla matara tinɛ. Anu ban wo la, anu ya anu bole sa wonu kuma ka anu nata.

Kɛwɔlɛnu 14:19

Yahudiya donu bɔra Paisidiya-Antiyaki soe burɔ anubɛ Aikoniyam soe burɔ. Nyama kerita wonu bara-la. Anu ya Pɔli mabon kuri la ka a sagan soe kɔma bawo anu ya a lɔn ko a ara faga.

Kɛwɔlɛnu 14:23

Anu ya mɔgɔ-banu sigi ladɛn kelen-kelennamɛ-bɛɛ la wonu ye. Wo kɔma, anu ya sunyɛ don Alla matara tinɛ ka mɔgɔ-ba wonu dantɛgɛ Mari ma anu yigi sanɛ min tɔ.

Kɛwɔlɛnu 17:5

Kɔnɔ keliyɛ wulita Yahudiya donu na. Anu ya mɔgɔ-yokalente donu bi kilɛ la alako anu si nyama ladɛn. Anu ya a ma, soe bɛɛ sɔnkɔra ka bui Yesonla bɔn ma Pɔli anubɛ Sailasi ye kan min. Anu bi a fɛ ka anu nabɔ nyama ma.

Kɛwɔlɛnu 20:31

Woletɔ wo ni wo yɛ lakalan. Wo yili ni to kɛ ko. San sawa, n tɔrɔta wola ko la ka wo kelen-kelennamɛ-bɛɛ karan su-ni-tele.

Kɛwɔlɛnu 23:10

Sɔsɔli warata ha kɛlɛ-den-kun-tigi-ba wo kilanta ko tumado, anu si Pɔli rafarafara iko kura-kore. Woletɔ a ya a fɔ ala kɛlɛ-dannu ye ko anu ni ta Pɔli bi nyama tɛma ka ta a la bariki rɔ anu ti kɛ a ma kan min.

Kɛwɔlɛnu 23:35

a ko, “I maburilɛnu ba ke yan tumɛ min, n si n tole masɔ ila kumɛ la worɔ.” Wo kɔma, a ya a fɔ ko kandannɛnu ni Pɔli mara bolɔn la Mansa Hɛrodi ya min sɔ nun.

Kɛwɔlɛnu 24:27

San fila kɔma, Porisiyasi Fɛsitasi sigira sigisɔn-mansayɛ la Mansa Filikisi gbɛ rɔ. Kɔnɔ Mansa Filikisi ye a fɛ nun ka Yahudiyanu diyana-koe kɛ, woletɔ a ya Pɔli to yele la.

Kɛwɔlɛnu 26:10

Ka a dabira Yerusalɛm, n ya wo ma. N ya sarati sɔrɔn saraka-masɔla-wɛnu bolo ko n ni Allala mɔgɔ siyaman nadon yele la. Anu faga-koe fɔra tumɛ min, nde nyɛrɛ sɔnta wo ma.

Kɛwɔlɛnu 26:29

Pɔli ya a yabi ko, “Ni a mara wati-kundu-nɛ la wo, ni a mɛra wo, n bi Alla matarala ko wobɛ min bɛɛ wɔlɔ matɔlɔnɛ n na bi, wo ni ma iko nde ye nya min kɔnɔ anu kana yɔlɔkɛ kɛ wo ma!”

Kɛwɔlɛnu 28:30

Pɔli ya san fila kɛ nyɔ. A ye bɔn sarala. Min bɛɛ nara ke a ma, a ya wonu tabira.

Kɛwɔlɛnu 5:18

Anu ya Marita kilayɛnu bira mɔgɛnu yala ka anu sa yele la.

1 Kɔrɛnti 15:10

Kɔnɔ n mara kilayɛ la ka a tɛgɛ Allata hinɛ ma, ado a ya keninteyɛ min yira n na wo la, wo ma ma fuyi la. N wɔlita bɛrɛkɛ ka tenbi kilaya-toe bɛɛ la, hali n nyɛrɛla kɛwɔli ma kɔnɔ Allala hinɛ ye wɔlila n tɔ.

1 Kɔrɛnti 4:11

ado ha ka, kɔnkɛ ye ma la, ma kan lagbalanɛ fanan. Kura-korenu bi ma ma. Mɔgɛnu bi ma dɛnu tatiila. Ma ye yilan-yilanna tolon!

1 Kɔrɛnti 7:5

Wo kana wo ban wo nyɔgɔn bolo fɔ ni wo sɔnta wo ma alako wo si fɛrɛ sɔrɔn ka Alla matara wati-ni kɔrɔ nya min. Wo kɔma, wo si taran wo nyɔgɔn fɛ tun alako Setanɛ kana wo kɔrɔbɔ wo nyɛrɛ birabɛlitayɛla ko la.

2 Kɔrɛnti 11:27

N taranta wɔlɔ-wɛ anubɛ yakɔrɔ-mamɔɛ rɔ. N kira n ya-la tuma siyaman. Kɔnkɛ ya n bira. N kan lagbalata. Tuma siyaman, dɔn-fan ma n tabɔ. Yiya sa n bolo. Fɛrɛya-bɔ sa n bolo.

Ɛfɛsa 3:1

Ka a tɛgɛ wo kɔsɔn ma, nde, Pɔli le ye Alla madiyala wo ye. N bi yele la Kirasiti Yisa ye wole sibolo-gbɛrɛnuna ko la.

Tɔn-Fɔɛ-Fila-Nyɔgɛ 25:3

kɔnɔ anu ti tenbi bosɛ da-nya bi-nanɛ la. Ni anu tenbira bosɛ da-nya bi-nanɛ wo la, wo si ma miliya-koe la a bolo.

Filipai 1:13

Mansa-kandannɛnu anubɛ yan-mɔgɛ bɛɛ ara a lɔn ko n bi birɛ rɔ ka a tɛgɛ Kirasiti wara-koe ma.

1 Tɛsalonaika 2:9

Ma na-kelen-nyɔgɛnu, wo hɛnkili ye mala wɔlɛ anubɛ mala nyagbɛ ko, yɔ! Ma tenbi Allala kibara-nyima-kawandili bɔla wo ye, ma tora wɔlila ma bole la su-ni-tele alako ma kana wo tɔrɔ.

1 Timoti 4:10

Wo le ya a to, ma ye ma rayala ka Allata wɔlɛ kɛ kati, bawo ma ara ma yigi sa Alla-nimɛ kuma, mɔgɛ bɛɛ kisilɛ, kɔni, katarala male dɛnkɛninya-mɔgɛnu ma.

2 Timoti 1:8

Nba, n bi yele la ka a tɛgɛ nta lanayɛ le ma Marila ko la. Wo kana a ma, i ni miliya sereya bɔ tinɛ Mari ye. I kana miliya nde fananna ko la. I ni kofu n ma kibara-nyimɛla nyagbɛ kɛ rɔ iko i ye Allata sɛnbɛ sɔrɔnna nya min.

2 Timoti 4:5

Kɔnɔ i ni i nyɛrɛ mara koe bɛɛ rɔ ka i munyu nyagbɛ kɔrɔ. I ni kawandi-bɔ-wɔlɛ kɛ ka i se-koe-bɛɛ kɛ Allala wɔlɛ kɛ rɔ.

Hiburunu 11:36

Anu ya donu mayɛlɛn ka anu gbesi. Anu ya donu kiri yɔlɔkɛnu na ka anu sa yele la.

Hiburunu 13:17

Wo ni wola chɔchi-mɔgɔ-banuna kumɛ bira ka wo famayigi anu ye. Anu bi wo niyi lakandan tinɛ le dɛɛ! Anu sa anu sulenna bawo anu si anu dantɛgɛ Alla ye anuta wɔlɛla ko la. Ni wo ya anuna kumɛ bira, anu si anuna wɔlɛ kɛ sewɛ rɔ. Ni wo ma, anu si a kɛ yisi-magboyɛ la, ado wo ti wo munanfaga.

Hiburunu 13:23

N bi a fɛ, wo ni a lɔn ko ma na-kelen-nyɔgɛ Timoti ara bɔ yele la. Ni a nara yona, n tenbi tala wo wara, n si ta a la n bolo.

Lankɛnimayɛ 2:10

Wo si na tɔrɔyɛ min sɔrɔn, wo kana kilan wo la. Wo ni wo tole masɔ! Setanɛ si wo donu sa yele la wo kɔrɔbɔ-koe la. Wo si tɔrɔ tele tan kɔrɔ kɔnɔ wo telennɛ ni to n ye ha wo sayɛ wati. Ni wo ya wo ma, n si habadan-nimayɛ di wo ma ka wo barayi.