2 Kɔrɛnti 6:4 - ALLALA KUMƐ

⁴ Kɔnɔ ma ya ma munyu tɔrɔyɛ anubɛ gbɛlɛyɛ anubɛ kɔndɔfili-su-bɛɛ kɔrɔ. Ma ye koe min bɛɛ kɛla, ma ye a yirala wonu tɔ ko Allata wɔli-kɛlɛ le male la.

2 Kɔrɛnti 6:4 Iomraidhean Croise

Aiseya 61:6

Anu si wo kele ko Marita saraka-masɔlɛnu. Mɔgɛnu si wo lɔn Allata wɔli-kɛlɛnu na. Duninya-sibole bɛɛ si na fen-kolomɛnu na wo ye. Wo si a ma, wo wasa ma ni ka.

Yowɛli 1:9

Mala dɛgɛ-munku-sarakɛnu anubɛ mala minni-sarakɛnu bara ban. Saraka-masɔlɛnu fanan bi dila bawo saraka-wo-saraka sa Mari anubɛ a Bato-Bɔnla ko la tun!

Yowɛli 2:17

Wole saraka-masɔlɛ minnu bi wɔlila Mari ye saraka-mintan-tinɛ anubɛ Bato-Bɔn don-dɛ tɛma, wo di ka Alla matara. Wo ni a fɔ ko, “Mari, kinikini ila mɔgɛnu ma. I yandi, i kana sɔn, sibolo-gbɛrɛ-mɔgɛnu ni yɛlɛn ma ma ka a fɔ ko kɛnuta Alla ye mintɔ?”

Luka 21:19

Wo ni wo sɔ yiri bawo wo si ni-bɛrɛ sɔrɔn wo le fɛ.

Yɔni 16:33

N bara kɛ fɔ wo ye woletɔ wo si yisi-kimɛ sɔrɔn nde baraka rɔ. Duninya-mɔgɛnu si wo tɔrɔ kɔnɔ wo ni wo wakila! N bara anu nɔ!”

Kɛwɔlɛnu 2:22

“Wole Isirɛla mɔgɛnu, wo ni wo wɔlɔ matɔlɔ kumɛ kɛnu na! Yisa Nasarɛti kɛ, mɔgɛ le wo la nun Alla ya min sɔ. A ya ala sarati yira wo la nun kɛwɔli-sɛnbɛmɛnu anubɛ kabana-koenu anubɛ tamaserenu fɛ. Alla ya wonu kɛ ale fɛ, ado wole nyɛrɛ ya wo lɔn bawo a kera wo dama yala.

Kɛwɔlɛnu 20:34

Wo nyɛrɛ ya a lɔn ko n bole kɛnu bara wɔlɛ kɛ n ye. N ya n nyɛrɛ makoe bɛɛ nyinya anubɛ n fɛ-mɔgɛnutɛ.

Kɛwɔlɛnu 9:16

ado a ye nala tɔrɔyɛ min bɛɛ sɔrɔnna ndela ko la, nde nyɛrɛ si na wo yira a la.”

Romu 14:18

Min bɛɛ si wɔlɛ kɛ Kirasiti ye kilɛ kɛ fɛ, wo tigi si diya Alla ye ka tɔgɔ-nyimɛ sɔrɔn mɔgɛnu bolo.

Romu 16:10

Apɛlɛsi fanan kɔndɔn minta lanaya-koe ara bɔ gbɛ rɔ Kirasiti ye. Aritobulula denbayɛ fanan kɔndɔn.

Romu 3:5

Ni mala telenbɛlitayɛ ya Allala telenbagayɛ labɔ gbɛ rɔ, wo ye kama? Ma si nfen fɔ worɔ? Mɔgɛnu bi kɛ le fɔla, yɔ! Ni Alla ya ma yiliki, ma si a fɔ ko a ma telen, wa?

Romu 5:8

Ma di Alla ye nya min, a ara wo yira ma la bawo ma ye hakɛ-tigiyɛ la wati min, Allata-Mɔgɔ-Yabɔnɛ fagara ma ye.

1 Kɔrɛnti 3:5

Nfen bi a mala, mabɛ Apalasi kolo wo yala? Allala wɔli-kɛlɛ le male la dɔrɔn. Wo dɛnkɛninyara Yisa ma tumɛ min, ma ya wo dɛnbɛ. Mari ya wɔlɛ min di ma kelen-kelennamɛ-bɛɛ ma, ma ye wɔlɛ wo le kɛ tinɛ tolon!

1 Kɔrɛnti 4:1

Wo ni male lɔn Kirasitita wɔli-kɛla-gbansan la Allala gbundu-koe kerifanɛ minnu na,

1 Kɔrɛnti 9:11

Male ara Allata sugi fui wo tɛma. Ni ma ya ma balu tɛgɛ wo tɛma, ko-yogomɛ le wo la, wa?

2 Kɔrɛnti 11:23

Kirasitita wɔli-kɛlɛ le anu na, wa? Nde wɔlita ka tenbi anu denu na pirr! Anu bara n nadon yele la kinyama siyaman ka tenbi anu na. Mɔgɛnu bara n gbesi ka tenbi anu denu na. Sayɛ ara foo n na ka tenbi anu denu na. (Kɛ bɛɛ rɔ, n bi kumala iko hɛnkilibɔnɛ.)

2 Kɔrɛnti 11:27

N taranta wɔlɔ-wɛ anubɛ yakɔrɔ-mamɔɛ rɔ. N kira n ya-la tuma siyaman. Kɔnkɛ ya n bira. N kan lagbalata. Tuma siyaman, dɔn-fan ma n tabɔ. Yiya sa n bolo. Fɛrɛya-bɔ sa n bolo.

2 Kɔrɛnti 11:9

N bi wo tɛma tumɛ min nun, ni n makoe bilara fenfen na, n ma wo yakɔrɔ-mamɔ n dɛnbɛn-koe la. N makoe ye fan min bɛɛ la, ma na-kelen-nyɔgɛ minnu bɔra Masidoniya, wonu nara wo bɛɛ la n ye. Iko a ye nya min kebi fɔlɔ, n ti ma dunɛ la wo ye mumɛ! Alamɛ a tora wo nya fanan.

2 Kɔrɛnti 12:10

Woletɔ n bi fɛrɛta-dumɛ wo kɔrɔ, hali mɔgɛnu ba n manyini wo, gbɛlɛyɛ wa na n ma wo, mɔgɛnu ba n tɔrɔ Kirasitila ko la wo, n sewanɛ wo bɛɛ rɔ. Bawo ni n sɛnbɛ sa tumɛ min, Allata sɛnbɛ ye n tɔ worɔ.

2 Kɔrɛnti 12:12

Kabana-koe anubɛ ko-makawanɛ minnu ya a yira ko kilaya-bɛrɛ le nde la, n bara n munyu wo bɛɛ ma-tinɛ wo tɛma.

2 Kɔrɛnti 2:17

Male sa iko mɔgɔ siyaman bi nya min. Wonu bi Allala kumɛ mayirala iko fere-kɛ-fan min dɛ ma gbɛlɛ. Kɔnɔ Alla ara ma sɔ min kɛ, ma ye kumala gbɛ rɔ Alla yala iko Kirasitita wɔli-kɛlɛnu.

2 Kɔrɛnti 3:6

Ale le ya sɛnbɛ di ma ma ko ma ni ma sarama-kan-kurɛta wɔli-kɛlɛnu na, min sɛbɛnɛ anubɛ ala mɔgɛnu tɛma. Sarama-kan-kurɛ kɛ sɛbɛni ma kɔnɔ a nanɛ ata Ni-Sɛnimɛ bolo. Tɔn-sɛbɛnɛ si na sayɛ la mɔgɛnu ye kɔnɔ ata Ni-Sɛnimɛ si niyi di mɔgɛnu ma.

2 Kɔrɛnti 4:17

Nba, ma ara tɔrɔya-kundu-ni kɛ sɔrɔn min ti a laban kɔnɔ wo si habadan-gbiliya-belebele di ma ma, min kolo tɔrɔyɛ wo ko pirr!

2 Kɔrɛnti 4:2

Ma ara ko-dogonnɛ anubɛ miliya-koe bɛɛ boloka. Ma ti ko-wo-ko kɛ yanfanteyɛ la, ado ma ti Allala kumɛ yɛlɛma foninyɛ la. Ma ye tonyɛ karanna gbɛ rɔ, woletɔ mɔgɛnu si a lɔn anu nyɛrɛ sɔndɔmɛ rɔ ma ye nya min Alla yala,

2 Kɔrɛnti 4:8

Ma tɔrɔnɛ wati bɛɛ kɔnɔ nɔ ma sɔrɔn ma ma. Ma kɔndɔfilinɛ kɔnɔ ma yigi tɛgɛni ma mumɛ!

2 Kɔrɛnti 7:11

Alla ya a ma, wo yisi lafinta min kɛ, wo ni a mafɛlɛn a ya wo dɛnbɛ nya min. Wo ara wo ma sɛbɛna-mɔgɛnu na gbɛ! A sɔgɛ ya wo bira ka a yira ko sɔn sa wo la! Wo diminyara kati, ado wo kilanta bawo wo ya ko-yogomɛ le ma. N yen-sɔgɛ ya wo bira. Nta hɔnyɛ ya wo bira fanan. A di wo ye ka ko-yogoma-kɛlɛ wo tɔrɔ! Wo ya a lagbɛ ko fɛɛ sa wo la kɛ fenfen tɔ.

Kɔlɔsi 1:11

Ma ye a matarala fanan ko wo ni sɛnbɛ sɔrɔn bɛrɛkɛ ka bɔ ata sɛnbɛ-makawanɛ rɔ. Wo le si a ma, wo ni ke a birala wo rɔ ka wo munyu koe bɛɛ rɔ, ado wo bɛɛ rɔ, wo

Kɔlɔsi 1:24

Nba, anu ba n tɔrɔ tumɛ min, n si sewa wola ko la. Bawo n bagbuyi ye tɔrɔyɛ min sɔrɔnna, n bi Kirasitila tɔrɔyɛ le makofula ata chɔchila ko la wo la, a bagbuyi, kɔni.

1 Tɛsalonaika 3:7

Woletɔ ma na-kelen-nyɔgɛnu, hali mala tɔrɔyɛ anubɛ mala nyagbɛ kolo, wola dɛnkɛninyɛ ya ma sɛnbɛ don.

1 Tɛsalonaika 5:14

Ma na-kelen-nyɔgɛnu, wo ni kalabantenu makawandi. Wo ni yisi-latɛgɛ di kilandɔgɛnu ma. Minnu yisi rafaganɛ, wo ni to wonu dɛnbɛna ka wo munyu wo nyɔgɔn kɔrɔ.

1 Timoti 2:15

Kɔnɔ tɔ-a-la, musinu si kisi den-sɔrɔn fɛ ni anu tora dɛnkɛninyɛ anubɛ keninteyɛ anubɛ sɛninyɛ rɔ ka anu sɛbɛ don.

1 Timoti 4:6

Ni i ya i na-kelen-nyɔgɛnu makawandi koe kɛnu na, i si ma Yisa Kirasitita wɔli-kɛla-nyimɛ la. I si a lagbɛ ko i makolota dɛnkɛninya-kumɛ anubɛ tonya-karan wonu na i wara minnu bira.

1 Timoti 6:11

Ile Allata mɔgɛ, i ni i nyɛrɛ tanka koe wo bɛɛ ma. Telenbagayɛ wo, ka kilan Alla la wo, dɛnkɛninyɛ wo, keninteyɛ wo, munyɛ wo, dinyɛ wo, i raya kɛnu ma.

2 Timoti 1:8

Nba, n bi yele la ka a tɛgɛ nta lanayɛ le ma Marila ko la. Wo kana a ma, i ni miliya sereya bɔ tinɛ Mari ye. I kana miliya nde fananna ko la. I ni kofu n ma kibara-nyimɛla nyagbɛ kɛ rɔ iko i ye Allata sɛnbɛ sɔrɔnna nya min.

2 Timoti 2:24

Marita wɔli-kɛlɛ kana kɛlɛ kɛ fɔ ka ko-nyimɛ kɛ bɛɛ ye. A ni ma karan-mɔgɔ-nyimɛ la min si a munyu mɔgɛnu kɔrɔ.

2 Timoti 4:5

Kɔnɔ i ni i nyɛrɛ mara koe bɛɛ rɔ ka i munyu nyagbɛ kɔrɔ. I ni kawandi-bɔ-wɔlɛ kɛ ka i se-koe-bɛɛ kɛ Allala wɔlɛ kɛ rɔ.

Hiburunu 12:1

Nba, ma ara mɔgɛ min bɛɛla ko fɔ wo ye nun, ma lafoonɛ wonu na. Anu bara anuna dɛnkɛninyɛ lagbɛ ma ye. Woletɔ koe min bɛɛ si a ma, ma ni bui, ma ni wonu boloka. Hakɛ min bara ma bira gben, ma ni wo bɛɛ boloka! Nyɔgɔn-to-buri min bi ma yarɔ, ma ni ma tunadiya wo ma wona.

Lankɛnimayɛ 1:9

Yɔni le nde la. Wo na-kelen-nyɔgɛ le nde la. Ka a tɛgɛ Yisa ma, ma bɛɛ kelen tɔrɔyɛ anubɛ Allata mansayɛ rɔ. Ma bɛɛ ye ma munna tɔrɔyɛ wo kɔrɔ ma nyɔgɔn fɛ. Anu ya n nana yi-tɛma-dugi kɛ rɔ min tɔgɔ Patamasi bawo n bara Allala kumɛ fɔ ka Yisa wara-koe gbɛ mɔgɛnu ye.

Lankɛnimayɛ 3:10

N bara a fɔ wo ye ko wo ni wo munyu. Wo ara wo bira min kɛ, nde fanan si wo latanka tɔrɔyɛ wo ma min bi nala duninya bɛɛ kuma. Tɔrɔyɛ wo si mɔgɛ bɛɛ kɔrɔbɔ dugu-kole kuma.