2 Kɔrɛnti 6:16 - ALLALA KUMƐ

¹⁶ Diyanayɛ mintan bi Alla-Bato-Bɔn anubɛ Alla-batobɛlɛnuna bɛsɛ kɔ tinɛnu tɛma? Male le Alla nimɛ Bato-Bɔn la iko Alla nyɛrɛ ya a fɔ nya min ko, “N si sigi anu fɛ ka to anu tɛma. N si ma anuta Alla la. Anu si ma nta mɔgɛ la.”

2 Kɔrɛnti 6:16 Iomraidhean Croise

1 Mansɛnu 18:21

Isirɛla mɔgɛnu kenɛ nyɔ, Nɛbi Ilaya sɔra mɔgɛnu yakɔrɔ ka a fɔ anu ye ko, “Wo si to tagamana Marita kilɛ anubɛ Beyalita kilɛ fɛ ha muntuma? Ni Mari le Alla la, wo ni ale bato. Kɔnɔ ni wota alla le Beyali kɛ la, wo ni to wo kɔla.” Kɔnɔ hali dafa, Isirɛla mɔgɛnu ma a tɛgɛ.

Yaburi 90:1

E, n tigi, ka a bi fɔlɔ ma, ha duninya si ban, ma sulen tinɛ le ile la.

Bɔ-Koe-Iyipiti 20:3

Woletɔ wo kana fen-gbɛrɛkɛ bato nde, Alla kɔma muk!

Bɔ-Koe-Iyipiti 23:13

“Wo kana bɛsɛnu kɔ, hali anu wara-ko-kumɛ kana taran wo da rɔ. N bara min bɛɛsi fɔ wo ye kɛ la, wo ni a ma wo fɛrɛma wonuna ko la.”

Bɔ-Koe-Iyipiti 25:8

“Wo kɔma, wo si Fani-Bon-sɛnimɛ do ladan n ye n si sigi wo tɛma kan min.

Bɔ-Koe-Iyipiti 29:45

N si sigi wole Isirɛla mɔgɛnu tɛma ka ma wota Alla la.

Bɔ-Koe-Iyipiti 34:14

Wo kana alla-dogbɛrɛ kɔ bawo wota Mari Alla le nde la min si wo makeliya. N ti sɔn n senɛ ma.

Yɛrɛmaya 24:7

A ko a si a ma, ale Mari-lɔn-sɔgɛ ni anu bira. Anu si ma ata mɔgɛnu na. Ale fanan si ma anuta Alla la. A ko ni i ya a yen, a ye wo mala bawo anu ba sɛgi anuna nyamanɛ rɔ tumɛ min, anu si sɛgi ale ma anu yisi bɛɛ la.

Yɛrɛmaya 31:1

Mari ko wati ye nala, ale si ma wole, Isirɛla bɔnsɔn bɛɛta Alla la. Wo si ma ata mɔgɛnu na.

Yɛrɛmaya 31:33

A ko sarama-kan-kurɛ min bi taranna anubɛ wole, Isirɛla mɔgɛnu tɛma, wo le kɛ la. A ko a si ata tɔnnu sɛbɛ wo yisi rɔ. Ale si ma wota Alla la. Wole si ma ata mɔgɛnu na.

Yɛrɛmaya 32:38

Wo wa ma tumɛ min, a ko anu si ma ata mɔgɛnu na, ale si ma anuta Alla la.

Isikiyɛli 11:20

Wo kɔma, anu si anu telen ka nna tɔnnu bira. Anu si ma nta mɔgɛnu na. Nde fanan si ma anuta Alla la.

Isikiyɛli 36:25

N si yi-sɛnimɛ purupuru anu ma alako anu ni sɛninya bɛsi-kɔ-koe anubɛ anu kɛ-nya-yogomɛ bɛɛ ma min bara anu natinya.

Isikiyɛli 36:28

Wo kɔma, n ya nyamanɛ min di anu benbanu ma, anu si sigi nyɔ rɔ. Anu si ma nta mɔgɛnu na. Nde fanan si ma anuta Alla la.

Isikiyɛli 43:7

“Ile hadama-dan, nta mansaya-waganɛ le bɔn kɛ la. N si sigi yan Isirɛla mɔgɛnu tɛma ka to anu kun na yan tolon! Ka bɛsɛnu kɔ wo, ka anuna mansɛnu togon yan bara la wo, wo do-wo-do ti n tɔgɔ-sɛnimɛ lafɛya tun, a mara a Isirɛla mɔgɔ la wo, a mara a mansa la wo.

Isikiyɛli 43:9

Fɔ anu ba anu fara bɛsi-kɔ-koe la. Fɔ anu ni fara anuna mansɛnu togon-koe la nta Bato-Bɔn dala. Ni anu ya wo ma, n si to anu tɛma burubukai!”

Hoseya 14:8

Wole Isirɛla mɔgɛnu ti wo bolo bila bɛsɛ ko rɔ tun. N si wola madiyalɛnu yabi ka wo fɛ-bira a kila-bɛrɛbɛrɛ fɛ. Wo kuma-tuwalɛ le nde la iko kɔlɔma min nɔrɔnnɛ yabu-yabu bawo wola duwa-kunyɛ mumɛ bɛɛ le nde la.”

Hoseya 2:23

N si nta mɔgɛnu fui nyamanɛ wo rɔ ka anu bara-koe lata yarɔ. N ya a fɔ minnu ma ko, “Hinabɛlɛnu,” n si hina wonu na. N ya a fɔ minnu ma ko, “Nta ma,” n si a fɔ wonu ma ko, “Nta mɔgɛ le kɛnu na.” Wonu fanan si a fɔ ko, “Mata Alla le ile la.”

Saraka-Masɔlɛnuta Tɔnnu 26:12

N si ma wota Alla la, wole si ma nta mɔgɛnu na.

Sɛfanaya 1:5

Mɔgɔ-wo-mɔgɔ yɛlɛta kan-tina-layan-bɛ kuma alako a ni tele anubɛ karɛ anubɛ lole bato nyɔ, Mari ko a si wo tigi kasara pɔ! Minnu bi Mari batola ka telenbagaya-lanyiri kiri a ye, wo kɔma, a ni ta a gboro bɛsɛ wo rɔ min tɔgɛ Molɛki, Mari ko a si wonu fanan kasara.

Sakaraya 13:9

A toe minnu bi tola anu niyi la, a si a lagbɛlɛya anu kuma alako anu ni sɛninya iko sɛnɛ anubɛ wodi-gbɛ si sɛninya tɛ rɔ nya min. Wo kɔma, ni min ya a madiya, a si a wɔlɔ matɔlɔ wo la. A si a fɔ anu ye ko atɛ le anu denu na. Anu fanan si anu sɔn a la ko anuta Alla le ale la.

Sakaraya 8:8

a ko a si wo kundɛn Yerusalɛm soe burɔ. Wo si ma ata mɔgɛnu na. Ale fanan si ma wota Alla la. A ko a si mansayɛ kɛ wo kun na lanayɛ anubɛ latelan rɔ.

Matiyu 16:16

Saimon Pita ya a yabi ko, “Allata-Mɔgɔ-Yabɔnɛ le ile la, Alla Nimɛta dan, kɔni.”

Matiyu 6:24

“Mɔgɔ ti ke wɔli-kɛla tigi fila ye wati kelan rɔ. Ni a ya wo ma, kelen si diya a ye, kelen si gboya a ye. A si kelan gbiliya ka kelan lafɛya. Wole fanan bi wo nya le. Wo ti Alla anubɛ nɔnfuli nyini nya-kun-kelen.

Luka 5:36

Yisa ya tili kɛ fanan tɛgɛ anu ye ko, “Mɔgɔ ti kura-kundu-kurɛ bi ka duruku-kɔrɛ labɛtɛrɛ wo la bawo a kurɛ wo ra si don ka duruku-kɔrɛ wo rafara, ado a kurɛ ti ma iko a kɔrɔmɛ.

Yɔni 14:23

Yisa ya a yabi ko, “Min ba n keni, wo tigi si nna kumɛ bira. N Fa Alla si wo tigi keni. Mabɛ n Fa Alla si na a wara ka to siginɛ a fɛ.

Yɔni 6:56

Min ba n bagbuyi dɔn ka n yele min, wo tonɛ nde rɔ, nde tonɛ ale rɔ.

Romu 8:11

Allata Ni-Sɛnimɛ ya ale Yisa lawuli ka bɔ furinu tɛma. Ni ata Niyi siginɛ wo rɔ, ale le si niyi di wo bagbu-faganɛ fanan ma Allala Ni-Sɛnima wo baraka rɔ.

Romu 8:9

Kɔnɔ wo sa ko ladanna tun iko wo kɛ-nya-kɔrɛ ye a fɔla wo ye nya min. Ni Allata Ni-Sɛnimɛ ye wo yisi rɔ, wo si ko ladan iko ale Ni-Sɛnimɛ ye min fɔla wo ye. Kɔnɔ Kirasitita Niyi sa mɔgɛ min tɔ, Kirasitita ma wo la.

Romu 9:26

A fɔra anu ma kan min ko nna mɔgɔ ma anu na, anu si anu kele nyɔ rɔ ko, ‘Alla-nimɛta dannu.’ ”

1 Kɔrɛnti 10:21

A ti bɛn wo ni wo min Marita yi-lafɛ la, wo ni ta wo min nyinɛnuta yi-lafɛ la fanan. Wo kana fen-dɔn-kɛ Marita tebulu la, wo wa ban, wo ni ta fen dɔn nyinɛnuta tebulu fanan na.

1 Kɔrɛnti 6:19

Wo ma a lɔn ba, ko wo fɛrɛ-bɔnkɛ, Allata Ni-Sɛnimɛta bato-bɔn le? Alla ya ata Ni-Sɛnimɛ min di wo ma, wo siginɛ wole le tɔ, ado wo sa wo nyɛrɛ bolo. Allatɛ le wole la.

Ɛfɛsa 2:20

Kilayɛnu anubɛ nɛbinu mara bon-kurukɛ-fan la min kɛ, wole ara ma a bon-dagɛ la, ado Kirasiti nyɛrɛ le bɔn wo sɛbɛna-kuru-tɔnɔnamɛ la.

Ɛfɛsa 2:22

Bɔn wo le malebɛ wole sibolo-gbɛrɛnu na. Alla mayiginɛ a rɔ ata Ni-Sɛnimɛ baraka rɔ.

Ɛfɛsa 3:17

N bi a matarala ko Kirasiti ni sigi tinɛ sɔrɔn wo yisi rɔ dɛnkɛninyɛ fɛ. Alamɛ wo suli banbanta ka sabati keninteyɛ rɔ.

Tɔn-Fɔɛ-Fila-Nyɔgɛ 5:7

“A ko wo kana fen-gbɛrɛkɛ bato ale kɔma muk!

1 Timoti 3:15

Kɔnɔ ni n mɛra, a bɛnta, ma kɛ-nya ni ma nya min Allata denbayɛ tɛma, kɛdi kɛ si i lalɔn wonu ma. Denbayɛ wo, Alla-nimɛta chɔchi le wo la. Denbayɛ kɛ si tonyɛ lamara iko sɛnbɛrɛn-kɔn anubɛ bon-kurukɛ-fan si bɔn bira nya min.

2 Timoti 1:14

Tonyɛ min kerifanɛ i la, i ni wo lamara Allala Ni-Sɛnimɛ-sɛnbɛ baraka rɔ min siginɛ i yisi rɔ.

Hiburunu 3:6

Kɔnɔ Kirasiti le dan wo la min bi lanayɛ kɛla a fa Allata mɔgɛnu kuma. Ni ma tora mata yisi-latɛgɛ rɔ ka ma yigi sa ale rɔ, Allata mɔgɛnu denu bi male la worɔ.

Hiburunu 8:10

“Nba, mabɛ Isirɛla mɔgɛnu bi sarama-kan-kurɛ min kirila, wo le kɛ la.” Mari ko, “Wo telenu ba ke tumɛ min n si nna tɔnnu sa anu hɛnkili rɔ. N si anu sɛbɛ anu yisi rɔ. N si ma anuta Alla la. Anu si ma nta mɔgɛnu na.

Yemesi 4:5

Allala kitabu wa a fɔ ko, “Allala Ni-Sɛnimɛ min siginɛ ma rɔ, a ye a fɛ, ma ni telen a kelen pe le ye,” wo kana wo miri ko a ara kuma-fuyi le fɔ wo la.

1 Pita 2:5

Wo ni wo nyɛrɛ yira iko kuru-nimɛnu alako wole nyɛrɛ ni ma Allala bon-sɛnimɛ dandan la. Wo si wɔlɛ kɛ bɔn wo la ka ma saraka-masɔla-sɛnimɛnu na. Wo si saraka-sɛnimɛnu bɔ min si Alla hɛnɛ Yisa Kirasiti baraka rɔ,

1 Yɔni 4:12

Mɔgɔ ma Alla yen fɔlɔn. Kɔnɔ ni ma ya ma nyɔgɔn keni, Alla ara sigi ma yisi rɔ. Ala keninteyɛ ara kanbali male wara la.

1 Yɔni 4:15

Min si a lawasa a dɛ la ko Yisa, Allala dan le, Alla ye wo tigi rɔ, ado wo ye Alla rɔ.

Lankɛnimayɛ 2:1

“I ni kɛdi sɛbɛ ka a lata Ɛfɛsa-chɔchi-melika ma. “ ‘Lolo wɔrɔnfilɛ biranɛ nde min bolo-nyimɛ rɔ, nta sarakanɛ le kɛ la, ado n bi tagamana sɛnɛ-lɛnpu-sigi-fen wɔrɔnfilɛ wonu tɛma.

Lankɛnimayɛ 21:3

N ya kuman-kan-ba lamɔɛn ka bɔ mansaya-sigi-fan rɔ. A ko, “Alla mayiginɛ mɔgɛnu fɛ kaka, ado a si to anu fɛ. Anu si ma ata mɔgɛnu na. Alla nyɛrɛ si taran anu fɛ ka ma anuta Alla la.

Lankɛnimayɛ 21:7

Mɔgɔ-wo-mɔgɔ wa nɔlɛ kɛ, a si fan kɛnu sɔrɔn nde bolo. N si ma ata Alla la. Ale si ma nna dan la.