2 Kɔrɛnti 6:1 - ALLALA KUMƐ

¹ Allala wɔli-kɛlɛ le ma dama la. Ma ye wo madiyala worɔ ko wo ara Allala hinɛ sɔrɔn min kɛ, wo kana wo tinya.

2 Kɔrɛnti 6:1 Iomraidhean Croise

Yɛrɛmaya 8:8

Mari ko wo ye a fɔla wo nyɛrɛ ma ko wo hɛnkili kolo. Wo ko wo ara hɛnkili sɔrɔn ale Marita karan rɔ. Kɔnɔ wola tɔn-sɛbɛlɛnu bi Allata kumɛnu gba-yɛlɛmanna. Wonu fanan bara foninyɛ sɛbɛ anuna kalɛ la.

Matiyu 23:37

“E, Yerusalɛm, Yerusalɛm! I ye nɛbinu fagala nun tolon! Alla ara kilayɛ minnu sɔ i wara, i ya wonu mabon kurinu na! A sɔgɛ ye n na wati siyaman ka ila mɔgɛ bɛɛ ladɛn iko sisi-denbɛ si ala dannu nadɛn a kanban kɔrɔ nya min kɔnɔ i ma sɔn n ni wo ma!

Kɛwɔlɛnu 11:23

A kera nyɔ tumɛ min, Alla ara ata duwɛ layigi ata mɔgɛnu kuma nya min, wo yen a bolo, a sewara. A ya anu dama makawandi ko anu ni lanayɛ kɛ ka telen Mari ye anu yisi bɛɛ la.

Kɛwɔlɛnu 14:3

Hali wo, Pɔli anubɛ Banabasi mɛra Marita koe fɔla yisi-latɛgɛ rɔ nyɔ bɛrɛkɛ! Mari nyɛrɛ ya a ragbɛ ko anu bi kumɛ min fɔla ala keninteyɛla ko la ko tonyɛ le bawo a ya tamaserenu anubɛ kabana-ko-kɛ-sɛnbɛ di anu ma.

Romu 12:1

Nba, n na-kelen-nyɔgɛnu, ka a tɛgɛ Allata kinikini-belebele-wɛla ko ma male ye, n bi wo madiyala ko wo ni wo nyɛrɛ ma saraka-nimɛ la Alla ye. Wo sɛninyanɛ ni taran Alla yala ka a kɔntɔ-diya-koenu kɛ. A bato-nya-bɛrɛ le wo la wo si min ma.

1 Kɔrɛnti 3:9

Allata wɔli-kɛ-nyɔgɛnu denu bi ma dama la. Allata sɛnɛ le wole la. Ado nfan, Allata bɔn le wo la fanan.

2 Kɔrɛnti 10:1

Donu bi a fɔla nde, Pɔli ma ko n tenbi wo tɛma, n famayiginɛ kɔnɔ n ba bɔ wo fɛ tumɛ min, n kerinteyanɛ wo la. N bi a fɛ ka kuma wo ye dinyɛ anubɛ nyimayɛ la iko Kirasiti duruta a mala nya min nun.

Kalesiya 2:21

N ti n kan-kɔ sɔ Allala hinɛ la mumɛ! Ni mɔgɛ si ke telenna Alla ye tɔn-birɛ fɛ, Kirasiti fagara le worɔ fufafu!

Kalesiya 3:4

Koe min bɛɛ ara ma wo ye nun, wo dama ara ma fuyi la, wa? Wo ni a lɔn ko koe kɛnu ma kɛ fufafu!

1 Tɛsalonaika 3:5

Wo le ya a to, n ma ke a birala n tɔ tun. N ya Timoti lata wo ma alako a ni wola dɛnkɛninyɛ ragbɛ. N kilannɛ nun ko Setanɛ ara wo yakɔrɔ-mamɔ ka mala wɔlɛ bɛɛ ma fuyi la!

Taita 2:11

Alla ara ala hinɛ yira mɔgɛ bɛɛ la alako anu si kisi nya min.

Hiburunu 12:15

Wo ni a ma wo fɛrɛma ko mɔgɔ-wo-mɔgɔ kana a kan-kɔ sɔ Allala hinɛ la. Wo tigi kana ma iko kɔn-suli-kunayanɛ bawo a si a matii ka a marɛ ranyɛnsɛn mɔgɛ bɛɛ tɛma min si anu sɔndɔmɛ latinya.

Hiburunu 12:25

Wo ni a ma wo fɛrɛma worɔ. Alla wa kuma, wo kana wo tengberenya wo lamɔɛn-koe ma. Minnu ya anu ban nun wo lamɔɛn-koe ma, wonu denu ma kisi. Nba, min bi kumala ma ye ka bɔ Arinyɛni tɔ, ni ma ya ma tengberenya wola kuma-bira-koe ma, male si kisi kama worɔ gbɛ?

Hiburunu 4:1

Nba, Alla ya lanyiri kiri ma ye ko ma si don sulen tinɛ wo rɔ, ado lanyiri wo tonɛ a ma min kɛ, ma ni a ma ma fɛrɛma ko ma fenfen kana na foo sulan wo la iko ma benbanu.

1 Pita 4:10

Alla ara sanbɛ di wo kelen-kelennamɛ-bɛɛ ma wo nyɔgɔn-dɛnbɛn-koe le la. Wo ni wo ma iko Allata sanba-marala-nyimɛnu si a ma nya min.

1 Samuwɛli 14:45

Kɔnɔ kɛlɛ-dannu ya a fɔ Mansa Sɔli ye ko, “A kin Yonatan kɛ ni faga min bara male Isirɛla kunka, wa? Ade! Wo fɛ yan! Ma ara ma keli Mari la, hali Yonatan kɛ kun-sigi kelan ti wurun. Yonatan kɛ ya koe min ma male Isirɛla mɔgɛnu ye bi, a ya wo ma le bawo Alla le ya a dɛnbɛ.” Anu ya Yonatan latanka sayɛ ma.