2 Kɔrɛnti 5:4 - ALLALA KUMƐ

⁴ Ma tenbi duninya-fani-bɔn kɛ la, ma ye kurunna iko mɔgɛ tenbi dunu-belebele-wɛ kɔrɔ. Ma sa a fɛ, ma ni bɔ ma fɛrɛ-bɔnkɛ kɛnu tɔ fɔ ka Arinyɛnɛtɛ fanan bila ma kan na. Woletɔ ma fɛrɛ-bɔnku-fagamatoe kɛnu si yɛlɛma nimayɛ la.

2 Kɔrɛnti 5:4 Iomraidhean Croise

Aiseya 25:8

Ma Tigi Mari si tɔn sigi sayɛ la burubukai! A si bɛɛ ya-yi firan a ya-denkɛ rɔ. Ata mɔgɛnu bara yarabiyi min bɛɛ sɔrɔn duninya rɔ, a si miliyɛ wo bɔ anu yɛ la. Mari nyɛrɛ kuman-kan le kɛ la.

Aiseya 38:12

N niyi la ara to dogbe. A mani de iko fani-bon-wuyanɛ. A mani de iko yese min bara tɛgɛ, a ma ban bɛ. N miri ko Alla ye n niyi ban tinɛ le.

Romu 8:23

Kɔnɔ dali-fan dɔrɔn ma. Allala sanba fɔlɔtɛ le ata Ni-Sɛnimɛ la. Hali wo taranta ma bolo, ma ye Alla makɔnɔna tumɛ min, male fanan bi kurunna alako ma ni ma ala dannu na. Min tenbira wo la, a si ma hɔrɔya ka fɛrɛ-bɔnku-kurɛ di ma ma.

1 Kɔrɛnti 15:51

Wo ni wo tole masɔ gbundu-koe kɛ la. Ma dama ti faga kɔnɔ buru-laban wa fɛ, ma dama si yɛlɛma tiriya iko ya-makeri kelan, ado buri wa fɛ tumɛ min, furinu na si wuli ka bagbuyi sɔrɔn min si to tolon! Male min tonɛ ma niyi la, Alla si bagbu-kurɛ di ma ma min si to burubukai!

2 Kɔrɛnti 5:2

Kɔnɔ ma ye kurunna fani-bɔn kɛnu tɔ kaka, ma bagbuyinu, kɔni. A sɔgɛ ye ma la ko ma fɛrɛ-bɔnku-kurɛ minnu bi Arinyɛni tɔ, wonu ni bila ma kan na iko duruki.

2 Kɔrɛnti 5:3

Ni wonu bilanɛ ma kan na, ma gbu-makolɔn ti taran worɔ.

2 Pita 1:13

Fananta n kɛndɛ, n ni to wo makawandila ka wo hɛnkili bila koe wonu na. N bara n miri ko wɔlɛ wo bɛnnɛ nde ma.