2 Kɔrɛnti 5:16 - ALLALA KUMƐ

¹⁶ Nba, ma ti mɔgɛ mafɛlɛn tun iko hadama-dan miriya ye nya min. Fɔlɔ-nun, ma ya Kirasiti mafɛlɛn iko hadama-dan miriya ye nya min kɔnɔ ma ti wo ma tun.

2 Kɔrɛnti 5:16 Iomraidhean Croise

Yilan-Yilan Koe 10:30

Yɛtirola dan Hobabu ya a fɔ Musa ye ko, “N ma la a la ni n si bila wo fɛ, fɔ n ba sɛgi tun n barɛ.”

Matiyu 10:37

“Mɔgɔ-wo-mɔgɔ wa a na, ni wo ma, a fa keni ka tenbi nde la, a ma bɛn, wo tigi ni bila n fɛ. Mɔgɔ-wo-mɔgɔ wa ala dan keni ka tenbi nde la, a ma bɛn, wo tigi ni bila n fɛ.

Yɔni 15:14

Ni wo ya nna kumɛ bira, n diyana-mɔgɛnu de wole la.

Yɔni 2:4

Yisa ya a na yabi ko, “N na, wo bɔrɛ si taran male ye kama? Nta wati ma ke wɛ.”

Yɔni 6:63

Allata Ni-Sɛnimɛ le ye niyi dila mɔgɛnu ma. Sɛnbɛ sa mɔgɔ-wo-mɔgɔ bolo ka niyi di mɔgɛ ma. N bara kumɛ minnu fɔ wo ye kɛ la, Allala Ni-Sɛnimɛ min si niyi di mɔgɛ ma, wo le si niyi lana wo ma.

Yɔni 8:15

Wo ye kiti tɛgɛla iko wola hadama-denyɛ ye nya min. Nde sa mɔgɔ-wo-mɔgɔ kiti tɛgɛla.

2 Kɔrɛnti 11:18

Mɔgɔ siyaman bi anu nyɛrɛ matɔgɔla anuna kɛwɔlɛnuna ko la. Nde fanan si ke wo nyɔgɔn mala,

Kalesiya 5:6

ado ni ma lara Yisa Kirasiti la, ma kemininyanɛ anubɛ ma kemininyabɛlɛ, kelen de wonu na. Min kolo, wo le mala dɛnkɛninyɛ min si a ma, keninteyɛ ni to ma tɛma.

Tɔn-Fɔɛ-Fila-Nyɔgɛ 33:9

I ya a lɔn, Lifayi mɔgɛ kɛnu bara ile Mari wara-koe sɔ anu yarɔ ka tenbi anuna mɔgɛnuna koenu na. Anu ya ita tɔnnu bira ka ita lanyiri latɔnbagaya.

Filipai 3:4

Ni mɔgɔ-wo-mɔgɔ ye a mirila ko a si kisi wo-sufa koe wonuna ko la, nde si ke wo mala ka tenbi anu denu na.

Kɔlɔsi 3:11

Yahudiya wo, Yahudiya ma minnu na wo, kemininya wo, kemininyabɛli wo, mɔgɔ-gbɛrɛkɛ wo, ko-lɔnbɛli wo, hɔrɔ wo, yɔɔn wo, dan-nafarɛ sa wo fenfen tɔ ni-kurɛ kɛ rɔ. Kirasiti tenbira koe kɛ bɛɛsi la, ado ale siginɛ wo bɛɛ yisi rɔ!

Yemesi 3:17

Kɔnɔ hɛnkili min bɔnɛ san ma, a fɔlɔtɛ ye min na, a sɛnima. A yisi-kimanɛ fanan. A dinyanɛ. A madiya-koe ma gbɛlɛ. A fanɛ kinikinɛ la. A ye kɛwɔli-nyimɛnu kɛla. A ti lafisayalɛ kɛ. A ti a nyɛrɛ kɔrɔta.

1 Samuwɛli 2:29

Mari ko ale ye ata sarakɛ minnu makelela ata mɔgɛnu bolo, nfenna wo ye a lafɛyala wonu bɔ tinɛ worɔ? A ko ile Ilayi, i wara sɔn ila dannu bara ata saraka tɔnɔma tinɛnu dɔn ata mɔgɛnu bi nala minnu na a ye ha anu bara kunbaya. A ko nfenna i ye ila dannu gbiliyala ka tenbi ale la?