2 Kɔrɛnti 5:10 - ALLALA KUMƐ

¹⁰ Ma ye a fɛ ka a hɛnɛ bawo a fɛrɛ sa fɔ ma dama ni ma sɔ gbɛ rɔ Kirasitila kiti tɛgɛ tinɛ yarɔma. Ma kelen-kelennamɛ-bɛɛ si kiti ka wo sɔrɔn iko a bɛnta ma ma nya min. Ma tenbi fɛrɛ-bɔnkɛ kɛnu tɔ, ni ma ya min ma, a mara a nyima la wo, a mara ko-fuyi la wo, ma ye wo sarɛ sɔrɔnna le, yɔ!

2 Kɔrɛnti 5:10 Iomraidhean Croise

Ko-Dabirɛnu 18:25

Mari, ile lara a la, i si mɔgɔ-telennɛnu faga mɔgɔ-yogomɛnu fɛ? I yandi Mari, i kana mɔgɔ-telennɛnu kofu mɔgɔ-yogomɛnu ma. Ile min bi duninya-mɔgɛ bɛɛ kiti tɛgɛla, a bɛnta, i ni ko-latelennɛ kɛ.”

1 Mansɛnu 8:32

E, Mari, i ni i wɔlɔ matɔlɔ san-kole rɔ ka ko sufa wo kiti tɛgɛ. I ni mɔgɔ-yilikinɛ tɔrɔ iko ala hakɛ ye nya min ka tonya-tigi wo yo sa iko ata yoe ye nya min.

Yobu 34:11

Mɔgɔ ya ko-wo-ko ma, a si i sara wola ko la. A ye anu birala iko anu kɛ-nya ye nya min.

Yaburi 62:12

ko ale letan ye keninteya-dannatɛgɛbɛlɛ la. E, n tigi, ile si bɛɛ sara iko bɛɛta kɛ-nya ye nya min.

Yaburi 98:9

bawo a nara duninya mumɛ bɛɛ le mara tinɛ. A si duninya-mɔgɛ bɛɛ mara telenbagayɛ anubɛ lafisayabɛlitayɛ la.

Makawandili Kumɛnu 11:9

Wole fonikenu! Wo ni wo nyɛrɛ ladiya. Fananta i pose, i ni i tele kɛ. Ko-wo-ko di i ye, wo ma fasai! Kɔnɔ i miri de, lunyɛ do, i wara koe min bɛɛsi ma, fɔ Alla wa i kiti wonuna ko la.

Makawandili Kumɛnu 12:14

Ma ya ko-wo-ko ma, Alla si ma kiti wola ko la. A yogoma wo, a nyima wo, hali a dogonta koenu, a si ma kiti wo bɛɛla ko la.

Isikiyɛli 18:30

“Woletɔ nde, wo Tigi Mari ye a fɔla Isirɛla mɔgɛnu ye ko n si anu dama kiti kelen-kelenyɛ ma iko bɛɛta kɛwɔlɛ ye nya min. Anu ni anu kan-kɔ sɔ anuna karagbɛlɛyɛ bɛɛ la. Anu ka a ma, anuna hakɛ ni anu halaki.

Matiyu 16:27

ado nde, Hadama-dan-natoe le n Fala gbiliyɛ rɔ. Mabɛ nta melikanu bi nala. Nba, n si mɔgɛ bɛɛ sara ala kɛwɔlɛ la.

Kɛwɔlɛnu 10:42

Alla ya a fɔ ma ye ko ma ni kibara-nyimɛ kɛ kawandili bɔ mɔgɛnu ye ka sereyɛ kɛ bɔ. A ko a ara a latɛgɛ min ma ko a ni kɛndɛwaganu anubɛ furinuna kiti tɛgɛ, ale le Yisa wo la.

Kɛwɔlɛnu 17:31

ado a ara wo tele latɛgɛ a si duninya bɛɛ kiti tɛgɛ lunyɛ min telenbagayɛ la. A ara ale Yisa yabɔ ko ale le ni mɔgɛ bɛɛ kiti a ye. A ara wo yira ma bɛɛ la ata lawuli fɛ ka bɔ furinu tɛma!”

Romu 2:16

Dogonta-koe min bɛɛsi ye mɔgɔ yisi rɔ, Alla si wo bɛɛ kiti Yisa, Allata-Mɔgɔ-Yabɔnɛ bolo kiti-tɛgɛ-wati iko a fɔra kibara-nyimɛ rɔ nya min, ado n bi wo le kawandili bɔla.

Romu 6:19

(N ya yɔɔnya-koe ma misalɛ la wo ye bawo wo si wo le nya-yen, ado wo rafaganɛ Alla wara-koe rɔ.) Fɔlɔ-nun, wo ya wo nyɛrɛ to ko-yogomɛ anubɛ sɔn-yogoyɛ kɔrɔ iko yɔɔn. Kɔnɔ kaka, fɔ wo ni wo nyɛrɛ to ko-sɛnimɛ anubɛ telenbagayɛ kɔrɔ iko yɔɔn alako wo si ma Allata mɔgɔ-kɛndɛnu na nya min.

1 Kɔrɛnti 4:5

Woletɔ wo kana mɔgɔ-wo-mɔgɔ kiti yanni a wati ni ke. Mari wa na, kiti-laban fɔla-wati wo le. A si mɔgɛnu miriya anubɛ pinpirɔ-koenu nabɔ gbɛ rɔ. Nba, wo le si a ma, bɛɛ ni matɔgɔlɛ sɔrɔn Alla bolo iko a bɛnnɛ nya min.

2 Kɔrɛnti 7:3

N ma kɛ fɔ alako ka wo rasɛ. Iko n ya a fɔ nya min nun, ma belinɛ wo, ma faganɛ wo, wola ko ye ma yisi rɔ tolon! Wola ko di ma ye kati!

Ɛfɛsa 6:8

Wo ni a lɔn ko i mara yɔɔn na wo, i mara hɔrɔ la wo, Mari si mɔgɛ bɛɛ sara ala wɔli-nyimɛla ko la.

Hiburunu 9:27

A fɛrɛ sa fɔ mɔgɛ bɛɛ ni faga iko kelen pe, wo kɔma, Alla ni anu kiti tɛgɛ.

1 Pita 4:5

Kɔnɔ anu fanan si anu dantɛgɛ Alla ye, ado ale le si kɛndɛwaganu anubɛ furinu kiti tɛgɛ.

Lankɛnimayɛ 2:23

N si a gba-fɛ-bilalɛnu fanan faga. Nba, chɔchi bɛɛ si a lɔn wo rɔ ko nde le ya mɔgɛnu miriya anubɛ anu kɔntɔ-koenu lɔn. N si wo kelen-kelennamɛ-bɛɛ sara iko wola kɛwɔlɛnu bi nya min.

Lankɛnimayɛ 22:12

Yisa ko, “Wo ni wo tole masɔ! N bi nala tiriya! N si na nta barayi la n bolo ka a di mɔgɔ kelen-kelennamɛ-bɛɛ ma iko ata kɛwɔlɛnu bi nya min.

1 Samuwɛli 2:10

Mari yogenu si kasara. A si tɔrɔyɛ layigi anu kuma iko san-gbalamɛ. Mari si duninya-mɔgɛ bɛɛ kiti tɛgɛ. Ale le si sɛnbɛ di ata mansɛ ma. Ata mansa-yabɔnɛ si nɔ-ko sɔrɔn.”

1 Samuwɛli 2:3

“Wo ni wo fara nyɛrɛ-kɔrɔbiyinu na. Mari Alla, wo le ya koe bɛɛ lɔn. Ale le ye mɔgɛnu kiti tɛgɛla.