2 Kɔrɛnti 4:9 - ALLALA KUMƐ

⁹ Ma yogenu siya kɔnɔ Alla ma ma boloka. Ma madumanɛ wati donu tɔ kɔnɔ ma halakini ma.

2 Kɔrɛnti 4:9 Iomraidhean Croise

Yobu 22:29

Alla si mɔgɔ-wasinɛ tosokɔrɔ dugi ma. A si mɔgɔ-famayiginɛ latanka.

Yaburi 129:2

“Ka a bi nna denniya-tumɛ ma, n yogenu bi n bira boloko-yogomɛ-kɛla tolon! Kɔnɔ hali wo, anu ma n nɔ feu!

Yaburi 22:1

E, nta Alla, nfenna i wara n boloka? N bara n kan nabɔ i ma alako i ni n dɛnbɛ kɔnɔ ha bi, i ma na wɛ.

Yaburi 37:28

bawo koe min telennɛ, wo di Mari ye. Wo le si a ma, a ti ata mɔgɔ-telennɛnu boloka. A si to anu natankala burubukai! Kɔnɔ a si karagbɛlɛnuna dannu wara-koe firan nyamanɛ wo rɔ.

Yaburi 42:11

N ya a fɔ n nyɛrɛ ma ko, “Nfenna n yisi magboyanɛ? Nfenna n kɔndɔfilinɛ?” Hali wo, n si n yigi sa Alla rɔ. N si to a matɔgɔla iko n duruta a mala nya min nun. Nta kisilɛ anubɛ nta Alla le ale la.

Yaburi 42:5

N ya a fɔ n nyɛrɛ ma ko, “Nfenna n yisi magboyanɛ? Nfenna n kɔndɔfilinɛ?” Hali wo, n si n yigi sa Alla rɔ. N si to a matɔgɔla iko n duruta a mala nya min nun. Nta kisilɛ anubɛ nta Alla le ale la.

Yaburi 9:10

Mari, minnu ya i lɔn, wonu lara i la kosɛbɛ! Min bi nala ile ma, i ti wonu boloka.

Hɛnkilimaya-Kumɛnu 24:16

Hali mɔgɔ-latelennɛ buira iko wɔrɔnfila, a si ke le a lasɔla wo dama rɔ. Kɔnɔ ni karagbɛlɛ buira, a si kasara pɔ!

Aiseya 43:2

A ko ma tenbi dumɛ tɛma, a ye ma fɛ nyɔ rɔ. Ma kunyɛ ti to tɔrɔyɛ wo rɔ. Hali ma tenbi tɛ tɛma, a ko ma ti mintan. Ma kunyɛ ti to gbɛlɛyɛ wo rɔ.

Aiseya 62:4

Mɔgɛnu ti wo kele tun ko, “Allata Mɔgɔ-Bolokanɛnu.” Mɔgɛnu ti wola nyamanɛ kele tun ko, “Allata Nyamani-Halakini-Kɔrɛ.” Anu si wo kele ko, “Alla Diyana-Mɔgɛnu.” Wola nyamanɛ si kele ko, “Allata Kɔɛn-Kurɛ.” Wo dama ye mala le bawo wo di Mari ye. Wola nyamanɛ si taran a bolo iko musi ye taranna ala kei bolo nya min.

Maika 7:8

Ko-yogomɛ min bi sigila ma la, ma yogenu kana wonu ma ma rasɛ-kunya la. Hali ma dɛ ra ara gborokan, ma si ma lasɔ tun. Hali pinpi burunnɛ ma ma bɛff, kɔnɔ Mari si waan raka ma ma waran!

Habakuku 3:17

Hali toro-gbɔ sa a la, hali nɔnbɔ-gbɔ sa a la, hali ɔlifi-gbɔ sa a la, hali ki-fen sa mala-a-la ma bolo, hali mala sagɛ dama fagara, mala wɔrɛ ta ni kolonya

Yɔni 15:20

N bara min fɔ wo ye, wo ni wo yili to wo ko. N ko yɔɔn-wo-yɔɔn sa nyɔ min tenbira a tigi la. Ni anu ya a lagbɛlɛya nde kuma, anu si a lagbɛlɛya wole fanan kuma. Ni anu ya nta kumɛ bira nun, anu si wole fananta kumɛ bira.

Romu 8:35

Nfen si ke ma farala Kirasitila keninteyɛ ma worɔ? Tɔrɔyɛ wo, gbɛlɛyɛ wo, niyi-ragbɛran wo, kɔnkɛ wo, bolo-kolonyɛ wo, masiba-koe wo, sayɛ wo, wonu fenfen ti ke ma farala ata keninteyɛ wo ma.

2 Kɔrɛnti 7:6

Alla min si mɔgɔ-kɔndɔfilinɛ yisi-kimɛ, wo ya ma yisi-kimɛ Taitala nɛ fɛ.

2 Timoti 3:12

ado ni min bɛɛ ye a fɛ ka ma Allata mɔgɛ la Kirasiti Yisa fɛ, wo tigi si gbɛlɛyɛ sɔrɔn.

Hiburunu 13:5

Wo ni wo matanka wodi-keni-koe ma. Min bi wo bolo, wo ni wo wasa bawo Alla ara a fɔ ko a ti ma to ka ma boloka ni!