2 Kɔrɛnti 4:4 - ALLALA KUMƐ

⁴ Setanɛ min bi duninya kɛ kun na, wo ara a ma, anu ma ke lala Yisa la bawo anu yisi ara to pinpi rɔ. A ya a ma, anu ti ke kibara-nyimɛta waan yenna min bi malanna anu ye, ado kibara-nyimɛ wo ye Kirasitita gbiliyɛ kɛla ko la. Allala muninyɛ nyɛrɛ le ale la.

2 Kɔrɛnti 4:4 Iomraidhean Croise

1 Mansɛnu 22:22

Mari ya wo manyinika, a ko, ‘Ile si ke a yanfala kama?’ Melika wo ya a fɔ Mari ye ko, ‘Nde si ta a ma, Mansa Ehabula nɛbi bɛɛsi ni ma foninya-fɔlɛ la.’ Mari ya a fɔ a ye ko, ‘Awa, nba, ta! I ni yanfɛ sigi a la bawo n bara la a la ko ile si a nɔ le.’ ”

Yaburi 50:2

Yerusalɛm soe min kin, Allata waan ye malanna wo kuma.

Aiseya 6:10

Wo kɔma, a ya a fɔ n ye ko n ni a ma, fan do ni sa mɔgɛnu miriya-ya ma alako anu kana ko nya-yen. N ni a ma, anu tole ni gbere alako anu kana na ko lamɔɛn. N ni a ma, fen ni sa anu yɛ ma alako anu kana na ko ragbɛ. A ko n ni kɛnu ma alako anu kana anu ya-lamunun ale Mari la anu nakɛndɛya-koe la.

Matiyu 13:22

Sugi min buira wɔnɛnu tɛma, wo mani de iko mɔgɛ min bi kumɛ lamɔɛnna kɔnɔ duninya-hɔn-koe anubɛ nɔnfulu-keni ya a ma, kumɛ wo fagara a yisi rɔ feu! A ti gbɔ hali!

Yɔni 1:14

Ale min keleta Kumɛ, wo mara mɔgɔni-fin la. A sigira ma tɛma. Ma ya ala gbiliyɛ yen. A fanɛ hinɛ anubɛ tonyɛ la. Gbiliyɛ wo, Allatalata Den kelen pe le ale la min kɛ, a ya wo sɔrɔn a Fa bolo.

Yɔni 1:18

Mɔgɔ ma Alla yen bɛ. Allatalata Den kelen pe, Alla nyɛrɛ, kɔni, wo ara a Fa yira ma la, ado a gbɛrɛnnɛ a Fa ma.

Yɔni 12:31

“Duninya-mɔgɛnu kiti-tɛgɛ-tumɛ ara ke. Dɛnkɛninyabɛlɛnuna kun-tigi gben-tumɛ ara ke.

Yɔni 12:35

Yisa ya anu yabi ko, “Waan si to wo fɛ wati-ni fɔlɔn. Yanni pinpi ni burun wo ma, wo ni to tagamana waan wo rɔ, ado min bi tagamana pinpi rɔ, wo ma a ta tinɛ lɔn.

Yɔni 12:40

“Alla ara anu fiyonya alako anu kana fen yen. A ara anu yisi gbɛlɛya alako anu hɛnkili kana ko nya-yen. Wo le si a ma, anu ti na a wara anu nakɛndɛya-koe la.”

Yɔni 12:45

Ni wo ara nde yen, wo ara wo fanan yen min ya n sɔ.

Yɔni 14:30

Wati-yan sa n bolo tun ka kuma wo ye bawo dɛnkɛninyabɛlɛnuna kun-tigi ye nala. Kɔnɔ sɛnbɛ sa wo bolo n kuma hali!

Yɔni 15:24

Ni n ma kabana-ko-tamaserenu kɛ anu tɛma nun, mɔgɔ-gbɛrɛ ma min nyɔgɔn kɛ wɛ, anu ti yiliki hakɛla ko la nun. Kɔnɔ kaka, n bara minnu kɛ, anu bara wonu yen woletɔ mabɛ n Fa Alla gboyara anu ye,

Yɔni 16:11

Dɛnkɛninyabɛlɛnuna kun-tigi, wola kiti wa ban tɛgɛla, anu si a lɔn Allala kiti ye nya min.

Yɔni 8:12

Yisa kumara Farisinu ye tun ko, “Duninya-waan le nde la. Min ba bila n fɛ, wo si waan sɔrɔn min si niyi di mɔgɛnu ma. A ti tagama pinpi rɔ tun mumɛ!”

Kɛwɔlɛnu 26:18

I ni anu yɛ laka alako anu ni bɔ pinpi rɔ ka anu nana waan rɔ. I ni anu bɔ Setanɛta sɛnbɛ kɔrɔ ka anu nana Alla ma alako anuna hakɛ ma si koto anuna dɛnkɛninyɛ fɛ nya min. Anu si anuna sɔ tinɛ sɔrɔn Allala mɔgɔ-yabɔnɛnu tɛma.’

Kɛwɔlɛnu 26:23

Anu ko a fɛrɛ sa, fɔ ale Allata-Mɔgɔ-Yabɔnɛ ni tɔrɔ. Wo kɔma, a ni ma a mɔgɔ fɔlɔtɛ la min si wuli ka bɔ furinu tɛma. Anu ko a ni na waan la Yahudiyanu anubɛ sibolo-gbɛrɛnu ye.”

1 Kɔrɛnti 10:20

Ade! N bi min fɔ tinɛ, wo le ko anu bi sarakɛ min bɔla wo la, anu sa wo bɔla Alla ye fɔ nyinɛnu, ado n sa a fɛ, wo ni ta-nyɔgɔnyɛ kɛ nyinɛ wonu fɛ.

2 Kɔrɛnti 2:11

Setanɛ kana nɔ-ko sɔrɔn ma ma, ado ma ya ale Setanɛ kɛ-nyanu lɔn.

2 Kɔrɛnti 2:12

Nba, n tara Tarayasi tumɛ min ka Kirasitita kibara-nyima-kawandili bɔ, n ya a yen ko Mari ara fɛrɛ di n ma ka ata wɔlɛ kɛ nyɔ.

2 Kɔrɛnti 3:11

ado tɔn wo min ya wati-kundu-ni kɛ ka tenbi dɔrɔn, ni gbiliyɛ ye wo fɛ nun, tɔn min bi tola habadan don? Gbiliya-ba ye wo rɔ ka tenbi doi wo la pirr!

2 Kɔrɛnti 3:14

Isirɛla mɔgɛ wonu yisi gbɛlɛyara, ado ha bi, anu tenbi Allata sarama-kan karanna, a manɛ iko fan do burunnɛ anu yɛ la, ado wo ti bɔ mɔgɔ yɛ la fɔ a wa tugun Kirasiti la wati min.

2 Kɔrɛnti 3:18

Ma dama ya-makanɛ ye Marita gbiliyɛ mayirala, ado gbiliya kelan wo ye bɔla Marita Ni-Sɛnimɛ le bolo. Ale le ye ma yɛlɛmana alako ma kɛ-nya ni ma iko ale. Wo si a ma, a ni to ala gbiliya-makawanɛ dila ma ma Marita Ni-Sɛnimɛ baraka rɔ.

2 Kɔrɛnti 4:6

A sɛbɛnɛ Allata kitabu rɔ ko, “Waan ni bɔ pinpi rɔ,” ado Alla kelan le ya ala waan lamalan ma yisi rɔ alako ma ni Allata gbiliyɛ lɔn min bi malanna Yisa Kirasiti yakɔrɛ ma.

Kalesiya 1:4

Kirasiti ya ma Fa Alla sako kɛ ka a nyɛrɛ niyi ni male hakɛ-tiginuna ko la. A ya wo ma alako ma ni hɔrɔya wati-yogomɛ kɛ ma.

Ɛfɛsa 2:2

Wo bilanɛ duninya kɛ kila-yogomɛnu fɛ wo wati le tɔ. Ni-yogo-sɛnbɛ-tigi min bi wola minɛ rɔ, wo ya wo leta kilɛ bira, ado ni-yogo kelan wo ye kun-tigiyɛ kɛla Allata kuma-birabɛlɛnu kun na kaka.

Ɛfɛsa 6:12

Ma sa mɔgɛnu kɛlɛla fɔ pinpirɔ-koe minnu ti yen yɛ la. Dogonta-koe minnu bi kan tinɛ bɛɛ rɔ, a nyina-kun-tigi wo, a fenfen min bi Alla kan ma wo, ma ye wonu denu kɛlɛla.

Filipai 2:6

Alla kɛ-nya-nyɛrɛ ye a bolo kebi fɔlɔ kɔnɔ a ma a miri ko anubɛ Alla rakɛnyanɛ ni to wo nya fɔrɔsɛ la.

Kɔlɔsi 1:15

Alla min ti yen, ata muninyɛ le Kirasiti la. Yanni fenfen ni dan, a ye nyɔ nun, ado dali-fan-bɛɛta kun-tigi le ale la.

Kɔlɔsi 1:27

ado Allata ko-rabɛn le wo la alako ata mɔgɛnu ni ala gbundu-koe lɔn. Gbundu-koe wo makawara, a gbiliyanɛ. Gbundu-koe wo le ko Kirasiti siginɛ wole sibolo-gbɛrɛnu fanan yisi rɔ. Yigi le wo la alako wo fanan ni wotɛ sɔrɔn Allata gbiliyɛ wo rɔ iko male Yahudiyanu.

1 Timoti 1:11

N bi kibara-nyimɛ min nakela mɔgɛnu ma, tonya-karan wo si taran wo rɔ, ado a kerifanɛ nde le la. Alla min gbiliyanɛ, duwɛ ye bɔla min bolo, kɔni, kibara-nyimɛ kɛ bɔnɛ wo le bolo.

Taita 2:13

Ma tenbi tele-makawanɛ wo makɔnɔna, ma ni to Alla gbiliyala duninya kɛ rɔ, ado ma yigi sanɛ tele wo kuma ko ma kisilɛ Yisa Kirasiti si na bɔ gbɛ rɔ wulɔn, mata Alla gbiliyanɛ, kɔni.

Hiburunu 1:3

Allala dan ye Allata gbiliyɛ labɔla gbɛ rɔ. Alla nyɛrɛta muninyɛ le ale la. A ya duninya mara ala kuma-sɛnbɛmɛnu fɛ. A banta mɔgɛnu makotola anu hakɛnu ma tumɛ min, a ya a mayigi Alla Sɛnbɛ Bɛɛ Tigi kɔɛn-nyimɛ rɔ Arinyɛni tɔ.

Hiburunu 6:4

Minnu bi Allata waan rɔ, anu bara ban Allata kɔ-fan anubɛ ata Ni-Sɛnimɛ fanan sɔrɔnna nun feu! Anu bara ban a ragbɛla nun ko Allala kumɛ kin, ado sɛnbɛ min bi nala yarɔ, anu bara wuli wo yenna nun. Ni wonu denu ya anuna dɛnkɛninyɛ boloka gbɛ, anu ti ke sɛgila anu kɔma tun ka tubi a kurɛ la. Wo mani de iko anu bi Allata dan gbangbanna kɔlɔma ma tun ka a lamiliya gbɛ rɔ.

2 Pita 1:19

Woletɔ nɛbinu ya kumɛ min fɔ, ma lanɛ wo la bɛrɛkɛ! Ni wo si wo tole masɔ wo la, wo si bɛn bawo a mani de iko lɛnpu min malannɛ pinpi rɔ ha Kirasiti wa na wati min ata wan-takani-wɛ la ka to malanna wo yisi rɔ.

1 Yɔni 2:11

Kɔnɔ ni gboyanayɛ ye anubɛ a na-kelen-nyɔgɔn tɛma, wo tigi ye pinpi rɔ. A ye tagamana pinpi rɔ. A ma a ta-tinɛ lɔn hali, bawo pinpi ara a fiyonya.

1 Yɔni 2:8

Hali wo, n bi tɔn-kurɛ do sɛbɛla fanan. Tonya-karan wo si yen wobɛ Kirasiti rɔ, ado pinpi ye nala tenbila ka ban. Wan-bɛrɛ ye bɔla le kaka.

1 Yɔni 5:19

Ma ya a lɔn fanan ko Allatɛ le male la kɔnɔ duninya bɛɛ ye Setanɛta sɛnbɛ kɔrɔ.