2 Kɔrɛnti 4:3 - ALLALA KUMƐ

³ ado ma ye kibara-nyimɛ min kawandili bɔla, ni wo dogonnɛ, minnu bi nala halakila, a dogonnɛ wonu dɔrɔn de ma.

2 Kɔrɛnti 4:3 Iomraidhean Croise

Matiyu 11:25

Wo wati ya a taran, Yisa ya a fɔ ko, “E, n Fa, san-kole anubɛ dugu-kole Mari! N bi baraka birala i ye bawo i wara koe min dogon hɛnkilimɛnu anubɛ mɔgɔ-karannɛnu ma, i wara wo yira karanbɛlɛnu na.

Romu 2:16

Dogonta-koe min bɛɛsi ye mɔgɔ yisi rɔ, Alla si wo bɛɛ kiti Yisa, Allata-Mɔgɔ-Yabɔnɛ bolo kiti-tɛgɛ-wati iko a fɔra kibara-nyimɛ rɔ nya min, ado n bi wo le kawandili bɔla.

1 Kɔrɛnti 1:18

Minnu bi nala halakila, yuwaya-kumɛ le Kirasiti faga-koe la kɔlɔma ma wonu yala. Kɔnɔ male minnu bi nala kisila, Allata sɛnbɛ mayiranɛ le wo la male yala,

1 Kɔrɛnti 2:6

Hali wo, wole minnu lanɛ Yisa la gben, n bi hɛnkili-su-do labɔla wo ye, duninya-hɛnkili ma min na. Duninya kɛ kun-tigi minnu bi nala tenbila, hɛnkili kɛ sa iko anutɛ ye nya min.

2 Kɔrɛnti 2:12

Nba, n tara Tarayasi tumɛ min ka Kirasitita kibara-nyima-kawandili bɔ, n ya a yen ko Mari ara fɛrɛ di n ma ka ata wɔlɛ kɛ nyɔ.

2 Kɔrɛnti 3:14

Isirɛla mɔgɛ wonu yisi gbɛlɛyara, ado ha bi, anu tenbi Allata sarama-kan karanna, a manɛ iko fan do burunnɛ anu yɛ la, ado wo ti bɔ mɔgɔ yɛ la fɔ a wa tugun Kirasiti la wati min.

2 Kɔrɛnti 4:4

Setanɛ min bi duninya kɛ kun na, wo ara a ma, anu ma ke lala Yisa la bawo anu yisi ara to pinpi rɔ. A ya a ma, anu ti ke kibara-nyimɛta waan yenna min bi malanna anu ye, ado kibara-nyimɛ wo ye Kirasitita gbiliyɛ kɛla ko la. Allala muninyɛ nyɛrɛ le ale la.

1 Tɛsalonaika 1:5

Ma nara kibara-nyimɛ la wo ye tumɛ min, ma ma na kuma-gbansan na. Ma nara wo la sɛnbɛ la Allata Ni-Sɛnimɛ baraka rɔ. Ma ara a yira wo la ka a gbɛ ko tonyɛ le wo la. Ma siginɛ wo tɛma nya min, wo ya wo lɔn, ado ma ya wo ma wo dɛnbɛn-koe le la.

1 Timoti 1:11

N bi kibara-nyimɛ min nakela mɔgɛnu ma, tonya-karan wo si taran wo rɔ, ado a kerifanɛ nde le la. Alla min gbiliyanɛ, duwɛ ye bɔla min bolo, kɔni, kibara-nyimɛ kɛ bɔnɛ wo le bolo.