2 Kɔrɛnti 4:17 - ALLALA KUMƐ

¹⁷ Nba, ma ara tɔrɔya-kundu-ni kɛ sɔrɔn min ti a laban kɔnɔ wo si habadan-gbiliya-belebele di ma ma, min kolo tɔrɔyɛ wo ko pirr!

2 Kɔrɛnti 4:17 Iomraidhean Croise

Ko-Dabirɛnu 15:1

Kɛlɛ kɛnu kanɛ a la, Mari ya a yiraka Burama la. A ya Mari kuman-kan lamɔɛn ko, “Burama, i kana kilan. Nde si i latanka ka i barayi boi!”

Yaburi 119:67

N sa kila-nyima fɛ nun, woletɔ i ya n tɔrɔ kɔnɔ n bi ita sereyanu birala kaka.

Yaburi 119:71

Nna tɔrɔyɛ bɛnta n ma bawo wo le ya a ma, n ya ita sereyanu lɔn.

Yaburi 30:5

Ala fondo-bɔɛ mani de iko ya-makeri kelan kɔnɔ dan sa ala nyimayɛ wo la. Ya-yi si to yigila suyi rɔ kɔnɔ sɔgɔma, diyi wo si a laban a bolo nyagalan ma.

Yaburi 31:19

Ile ye ko-nyimɛ min bɛɛsi lamarala i gbiliyalɛnu ye, wo kin. Mɔgɛ bɛɛ ya ila ko-nyima-kɛ lɔn. Minnu lara i la, i ye wonu birala a kin na!

Yaburi 73:24

I ye n nabila-kilɛnu sala n kɔrɔ. Tɔ-a-la, i si n matɔgɔ ka n sɛnibɔ Arinyɛni tɔ.

Aiseya 26:20

E, nta mɔgɛnu, wo don wola bɔnnu na ka don-dɛ balan wo nyɛrɛ ma wati-kundu-ni kɔrɔ. Wo ni wo dogon sogbe, ha Allata fondo-bɔɛ ni ban.

Aiseya 54:8

A ko ata fondo-bɔɛ le ya a ma, a ya a ban i la wati-kundu-ni kɔrɔ kɔnɔ a si ata habadan-kinikinɛ yira i la gbɛ! I Kunka-Mari kan le kɛ la.

Aiseya 64:4

Kebi fɔlɔ, mɔgɔ ma Alla wara-koe lamɔɛn min makawara iko ile, ado mɔgɛ yɛ la ma tii Alla-gbɛrɛ ma ile kɔma. Minnu lanɛ ile la, i ye wonu dɛnbɛna.

Yilan-Yilan Koe 5:28

Kɔnɔ ni fɛɛ sa musi la, a ti yiliki sɔrɔn wo rɔ. A si buyi bi ka dan sɔrɔn.

Matiyu 5:12

Wo ni sewa ka nyagalen bawo barayi-ba maranɛ wo ye Arinyɛni tɔ, ado anu ya fɔlɔ-nɛbinu bira boloko-yogomɛ-kɛ wo nya na le nun.

Luka 6:23

Wo wa ma tumɛ min, wo ni wo dɔn sewɛ la bawo barayi-wɛ maranɛ wo ye Arinyɛni tɔ, ado wo benbanu ya nɛbinu tɔrɔ wo nya na le.

Kɛwɔlɛnu 20:23

N ba ta soe bɛɛ rɔ, Allata Ni-Sɛnimɛ ye n nalɔnna ko yelela-don anubɛ tɔrɔyɛ ye n makɔnɔna Yerusalɛm.

Romu 2:7

Mɔgɛ donu bi bonyɛ anubɛ gbiliyɛ anubɛ habadan-nimayɛ nyinina Alla bolo min kɛ, woletɔ anu si to ko-nyimɛ kɛla dɛɛ! Tonyɛ le wo la, Alla si habadan-nimayɛ di wonu denu ma.

Romu 8:18

N lanɛ a la ko ma ye tɔrɔyɛ min sɔrɔnna kaka, wo ti sanka gbiliyɛ wo ma min si na bɔ gbɛ rɔ ma ye.

Romu 8:34

Yon si ke wonu yilikila worɔ? Kirasiti Yisa ti ma yiliki bawo wo le fagara ma ye. A wulita tun ka niyi sɔrɔn ka ta a sigi Alla kɔɛn-nyimɛ rɔ, ado ale le ye Alla madiyala ma ye.

Romu 8:37

Kɔnɔ nɔlɛ ye ma bolo koe kɛ bɛɛ rɔ feu! Ale min bara ma keni, ma ara nɔ-ko sɔrɔn ale le baraka rɔ,

1 Kɔrɛnti 2:9

Kɔnɔ hali wo, iko a sɛbɛnɛ Allala kitabu rɔ nya min, “Mɔgɛ ma min yen bɛ wo, a ma min namɔɛn bɛ wo, hali ka a miri min ma wo, Alla ara wo le rabɛn wonu ye a keninɛ minnu bolo.”

2 Kɔrɛnti 3:18

Ma dama ya-makanɛ ye Marita gbiliyɛ mayirala, ado gbiliya kelan wo ye bɔla Marita Ni-Sɛnimɛ le bolo. Ale le ye ma yɛlɛmana alako ma kɛ-nya ni ma iko ale. Wo si a ma, a ni to ala gbiliya-makawanɛ dila ma ma Marita Ni-Sɛnimɛ baraka rɔ.

Filipai 1:19

bawo n ya a lɔn ko wola madiyalɛ anubɛ Yisa Kirasitita Ni-Sɛnimɛta dɛnbɛnɛ fɛ, n kunyɛ si bɔ kɛ rɔ, yɔ!

2 Tɛsalonaika 1:4

Wo le ya a to, ma ye wo matɔgɔla Allala chɔchi doinu na ka a tɛgɛ wola munyɛ ma. Wola nyagbɛ wo bɛɛ rɔ, wola dɛnkɛninyɛ ma dasa hali kelen.

2 Tɛsalonaika 1:6

ado minnu bi wole tɔrɔla, yoe ye Alla bolo ka wonu fanan tɔrɔ.

2 Timoti 2:10

Wo le ya a to, n bi n muinna koe bɛɛ kɔrɔ Allata mɔgɔ-yabɔnɛnuna ko la. Yisa Kirasiti ni anu fanan kisi alako anu ni sigi Alla fɛ habadan-gbiliyɛ rɔ nya min.

Yemesi 1:12

Mɔgɔ-sewanɛ le wo mɔgɛ la min si lanayɛ kɛ kɔrɔbɔlɛ rɔ bawo ala kɔrɔbɔlɛ wa ban tumɛ min, a si barayi min sɔrɔn, wo le a niyi-bɛrɛ la. Minnu bara Alla keni, Alla ara lanyiri kiri wonu ye ko a si barayi di anu ma.

1 Pita 4:7

Koe bɛɛ ban-tumɛ ara gbɛrɛn. Wo ni wo nyɛrɛ mara ka wo yɛ lakalan, woletɔ wo si ke ka Alla matara a kilɛ fɛ.

1 Pita 5:10

Kɔnɔ wo wa tɔrɔ wati-kundu-ni kɔrɔ, hinɛ-bɛɛ-tigi Alla min bi wo kelela ala habadan-gbiliyɛ ma Kirasiti rɔ, ale nyɛrɛ si wo kanbali ka wo sɔ-bole rabɛn gben!

1 Yɔni 3:2

N diyana-mɔgɛnu, Allala dan le male la kaka kɔnɔ ma si na ma nya min, wo ma bɔ gbɛ rɔ wɛ. Kɔnɔ ma ya kɛ le dɔrɔn lɔn, Kirasiti wa bɔ gbɛ rɔ tumɛ min, ma si ma iko ale ye nya min bawo ma si a yen de iko a ye nya min, yɔ!

Yude 1:24

Nba, ale Mari min si ke wo marala alako wo kana na bui, alamɛ wo sewanɛ sɔra a yakɔrɔ, fɛɛ-wo-fɛɛ sa wo la ala gbiliyɛ rɔ.